गौरी गणपतीच्या सणासाठी खरेदी करा ‘या’ डिझाईनच्या ठुशी, पारंपरिक दागिन्यांनी वाढेल सणांची शोभा

नऊवारी किंवा सहावारी साडी नेसल्यानंतर तुम्ही या डिझाईनची ठुशी परिधान करू शकता. गुलाबी खडे आणि सोन्याच्या मण्यांचा वापर करून बनवलेली ठुशी गळ्यात अतिशय सुंदर दिसेल.

नऊवारी साडीवर रॉयल किंवा मराठमोळा लुक करण्यासाठी आकाराने मोठ्या असलेल्या ठुशीची निवड करावी. या ठुशीसोबत कानातल्यांचा सेट सुद्धा मिळतो.

काहींना अतिशय नाजूक, साजूक दागिने परिधान करायला खूप जास्त आवडतात. त्यामुळे तुम्ही सोन्याच्या बारीक मण्यांचा वापर करून बनवलेली ठुशी खरेदी करू शकता.

बाजारामध्ये ३०० रूपयांपासून ते २००० रूपयांपर्यंतच्या किमतीमध्ये ठुशी मिळतील. ठुशी घातल्यानंतर गळ्यामध्ये इतर कोणताही दागिने परिधान करण्याची आवश्यकता भासणार नाही.

हल्ली पारंपरिक दागिन्यांमध्ये अनेक नवनवीन बदल करण्यात आले आहेत. त्यामुळे तुम्ही रंगीत मण्यांचा वापर करून बनवलेली ठुशी खरेदी करू शकता. यामुळे तुमचा लुक इतरांपेक्षा अधिक सुंदर दिसेल.