रविवार, 18 ऑक्टोबर 2026
सर्वच स्त्रिया हातांमध्ये हिरव्या किंवा विविध रंगाच्या काचेच्या बांगड्या परिधान करतात. बांगड्या घातल्यामुळे हातांची शोभा वाढते आणि हात अतिशय सुंदर दिसतात. सणावारांच्या दिवसांमध्ये दागिने, बांगड्या घालून सुंदर नटून थटून तयार होतात. पण बऱ्याचदा काचेच्या बांगड्या घातल्यानंतर महिलांच्या हाताला खूप जास्त खाज आणि पुरळ येतो. काहीवेळा हा त्रास खूप जास्त वाढतो आणि सतत खाज आल्यामुळे रक्त येण्याची सुद्धा शक्यता असते. चला तर जाणून घेऊया बांगड्या घातल्यानंतर हातांना खाज किंवा पुरळ का येते. (फोटो सौजन्य – istock)
काचेच्या बांगड्या घातल्यानंतर महिलांच्या हाताला खाज किंवा पुरळ कशामुळे येते? जाणून घ्या यामागील कारणे
बांगड्या सैलसर नसतात. हातांमध्ये घातल्यानंतर बांगड्यांची तिथल्या तिथे हालचाल होते. जास्त वेळ बांगड्या हातामध्ये ठेवल्यामुळे तेवढ्या भागात घाम येतो आणि पुरेशी मोकळी हवा न मिळाल्यामुळे हातानं खाज सुटते.
हातांना खाज येण्याच्या स्थितीला वैद्यकीय भाषेत कॉन्टॅक्ट डर्माटायटिस असे म्हणतात. धातूच्या बांगड्या घातल्यानंतर हा त्रास प्रामुख्याने जाणवू लागतो. काचेच्या बांगड्या बनवताना कृत्रिम, हलक्या दर्जाचे रंग वापरले जातात.
बांगड्यांच्या रंगामुळे त्वचेला रिॲक्शन होते आणि खाज सुटणे, पुरळ उठणे किंवा त्वचा लाल होऊन जाते. त्यामुळे कायमच चांगल्या दर्जाच्या बांगड्यांची निवड करावी.
रस्त्यावर मिळणारे हलक्या क्वालिटीचे स्वस्तातले दागिने घेणे टाळावे. कारण हे दागिने बनवताना वेगवेगळ्या धातूंचा वापर केला जातो, ज्याच्या परिणामामुळे त्वचेवरील इन्फेक्शन वाढते.
बांगड्या घातल्यानंतर वारंवार इन्फेक्शन होत असेल तर डॉक्टरांच्या सल्ल्याने उपचार करणे आवश्यक आहे. हलक्या दर्जाचे १० दागिने घेण्याऐवजी १ चांगला दागिने घ्यावा.
