'त्या' क्लिपद्वारे भाजप करतोय ब्लॅकमेल
धुळे : राज्यातील भोंदूबाबा अशोक खरात प्रकरणावरून राजकीय वातावरण चांगलेच तापले आहे. अशोक खरातचे अनेक नेतेमंडळींसोबतचे फोटो व्हायरल होत आहे. त्यातच आता शिवसेना नेते व माजी आमदार अनिल गोटे यांनी भाजपवर गंभीर आरोप केले आहेत. राज्यातील 39 आमदारांना खरात प्रकरणातील क्लिप्सचा आधार घेऊन भाजप ब्लॅकमेल करत असून, सत्तेसाठी गुन्हेगारांना अभय दिले जात असल्याचा खळबळजनक दावा गोटे यांनी केला आहे.
भोंदूबाबा खरात प्रकरणाचा संदर्भ देत गोटे यांनी समाजात स्थान असता कामा नये, असे सांगत संबंधित भोंदू बाबावर तत्काळ ‘मकोका’ अंतर्गत कारवाई करण्याची मागणी केली. ज्यांनी या लिंगपिसाटगिरीला खतपाणी घातले, त्यांना सरकार कधी बेड्या ठोकणार? की सत्ताधारी पक्षाचे कवच असल्याने त्यांना सोडून दिले जाणार? असा संतप्त सवाल त्यांनी उपस्थित केला. अनिल गोटे म्हणाले की, पहाटे कोंबडा आरवतो, तशा रोज नवनवीन घोषणा मुख्यमंत्री करतात. मात्र, या घोषणांची अंमलबजावणी शून्य आहे. नुसत्या घोषणा देऊन जनतेची दिशाभूल करण्यापेक्षा प्रत्यक्ष कृती करून दाखवा, असा प्रश्न उपस्थित केला.
Ashok Kharat News : अशोक खरात विरोधात महिलाशक्ती एकवटली: तक्रारांचा आकडा वाचून बसेल धक्का
सत्तेसाठी पोलिस व प्रशासनाचा गैरवापर
सत्ताधारी पक्षाच्या कार्यकर्त्यांना आणि समर्थकांना वाचवण्यासाठी पोलिस व प्रशासनाचा वापर केला जात आहे. मात्र, ही दडपशाही फार काळ चालणार नाही. आगामी काळात या अन्यायाविरोधात जनतेच्या न्यायालयात आवाज उठवू, असा इशाराही अनिल गोटे यांनी दिला आहे.
सरकारला तीन प्रश्न
– गुन्हेगारांवर कारवाई करण्याऐवजी त्यांचा वापर राजकीय फायद्यासाठी आणि आमदारांना दबावाखाली ठेवण्यासाठी केला जात आहे का?
– संतोष देशमुख हत्या प्रकरणात भाजप नेते ‘एकालाही सोडणार नाही’ अशा वल्गना करत होते, मग आजही संबंधित आरोपी मोकाट का?
– धुळे ‘गुलमोहर’ प्रकरण गुलमोहर बंगल्यावर सापडलेल्या करोडो रुपयांच्या प्रकरणाचे पुढे काय झाले? अद्याप ठोस कारवाई का नाही?
Ashok Kharat Case : खरात प्रकरणी पोलिसांची मोठी कारवाई; तब्बल 4650 ‘त्या’ व्हिडिओ क्लिप्स हटवल्या
.png "Videos"){kind=small}
