बुधवार, 30 सप्टेंबर 2026
NCP President Appointment:सुनील तटकरेंचे प्रदेशाध्यक्षपद धोक्यात; उच्च न्यायालयाचे निवडणूक आयोगाला चार महिन्यात निर्णय घेण्याचे निर्देश
जालना जिल्ह्यातील परतूर-मंथा विधानसभा मतदारसंघाचे अध्यक्ष भाऊसाहेब गोरे यांनी वकील राजेंद्र दासाळकर यांच्यामार्फत मुंबई उच्च न्यायालयाच्या औरंगाबाद खंडपीठात सुनील तटकरे यांच्या नियुक्तीसंदर्भात याचिका दाखल केली आहे. राष्ट्रवादी काँग्रेस पक्षाच्या घटनेत नमूद केलेल्या निवडणूक प्रक्रियेचे पालन न करता सुनील तटकरे यांची नियुक्ती करण्यात आली, असा दावा या याचिकेत करण्यात आला आहे.
Iran Trolls UN: इराण गॉट नो चिल! ‘या’ भन्नाट ‘शोले’मधील ‘ठाकूर’ च्या मीमने संयुक्त राष्ट्रांना सोशल
याचिकाकर्त्याने या प्रकरणी ८ ऑगस्ट, २०२६ रोजी केंद्रीय निवडणूक आयोगाकडे एक सविस्तर तक्रार दाखल केली. खंडपीठाने या तक्रारीवर आतापर्यंत केलेल्या कारवाईबाबत निवडणूक आयोगाकडून अहवाल मागवला होता..
निवडणूक आयोगाचे प्रतिनिधित्व करणारे वकील आलोक शर्मा यांनी न्यायालयाला माहिती दिली की, आयोगाच्या निर्देशानुसार याचिकाकर्त्याच्या तक्रारीवर चार महिन्यांत निर्णय घेतला जाईल. या आश्वासनानंतर, खंडपीठाने संबंधित निर्देश जारी केले आणि याचिका निकाली काढली. आता निवडणूक आयोगाला याचिकाकर्त्याच्या तक्रारीवर निर्धारित वेळेत निर्णय घ्यावा लागेल. नियुक्ती प्रक्रियेबाबत केलेल्या आरोपांवर निवडणूक आयोग अंतिम निर्णय घेईल.
भाऊसाहेब गोरे यांनी आरोप केला आहे की, ३ जुलै २०२३ रोजी सुनील तटकरे यांची महाराष्ट्र राष्ट्रवादी काँग्रेसचे प्रदेशाध्यक्ष म्हणून झालेली घोषणा पूर्णपणे एकतर्फी होती. त्यांनी दावा केला की, पक्षाच्या घटनेनुसार, राज्य समिती सदस्यांनी पारदर्शक आणि लोकशाही संघटनात्मक निवडणूक प्रक्रियेद्वारे अध्यक्षांची निवड करणे बंधनकारक आहे.
