Eknath Shinde Marathi Speech:मराठी ही सक्तीची नव्हे भक्तीची भाषा; एकनाथ शिंदेंचे विधान

Eknath Shinde : शिवसेनेच्या माध्यमातून राबवण्यात आलेल्या १०५ दिवसांच्या अभियानात १.२५ लाख रिक्षा आणि टॅक्सी चालकांनी मराठी भाषा शिकून परीक्षा उत्तीर्ण केली हे अभियान केवळ समारोप नसून मराठी अभिमानाची धडाकेबाज सुरुवात आहे.

• ठाण्यातील गडकरी रंगायतन येथे बाळासाहेब ठाकरे मराठी भाषा पाठ्यक्रम अभियानाचा सांगता सोहळा पार पडला.
• १०५ दिवसांच्या या विशेष अभियानात तब्बल १.२५ लाख अमराठी रिक्षा व टॅक्सी चालकांनी मराठी शिकून परीक्षा उत्तीर्ण केली.
• मराठी भाषा कायद्याच्या बडग्याने सक्तीने लादण्यापेक्षा प्रेमाने व भक्तीने शिकवणे अधिक प्रभावी असल्याचे शिंदे यांनी स्पष्ट केले.

Eknath Shinde Marathi Speech: “महाराष्ट्रात मराठी भाषा आलीच पाहिजे; कायद्याचा बडगा दाखवून नव्हे, तर प्रेमाने भाषा शिकवता येते. मराठी ही सक्तीची नव्हे, तर भक्तीची भाषा असून अमराठी बांधवांनी स्वेच्छेने मराठी स्वीकारणे ही महाराष्ट्राच्या सांस्कृतिक एकात्मतेची ताकद आहे. अशा भावना उपमुख्यमंत्री एकनाथ शिंदे यांनी व्यक्त केल्या. ठाण्यातील गडकरी रंगायतन येथे परिवहन विभाग, राज्य मराठी विकास संस्था, मुंबई मराठी साहित्य संघ आणि कोकण मराठी साहित्य परिषद यांच्या संयुक्त विद्यमाने आयोजित ‘हिंदुहृदयसम्राट बाळासाहेब ठाकरे मराठी भाषा पाठ्यक्रम अभियाना’च्या सांगता समारंभात शिंदे बोलत होते.

यावेळी परिवहन मंत्री प्रताप सरनाईक, उद्योग व मराठी भाषा मंत्री उदय सामंत, खासदार नरेश म्हस्के, आमदार रवींद्र फाटक, पद्मश्री मधु मंगेश कर्णिक यांच्यासह विविध अधिकारी आणि पदाधिकारी उपस्थित होते. राज्यात गेल्या काही वर्षांपासून मराठी-अमराठी वाद सातत्याने चर्चेत असतो. महाराष्ट्र नवनिर्माण सेनेचे अध्यक्ष राज ठाकरे यांनी अनेकदा मुंबईसह राज्यातीस सर्व अमराठी रिक्षाचालक आणि इतर नागरिकांना मराठी बोलता आलं पाहिजे, अशी आग्रही मागणी करत आहेत. यावरून अनेकदा मुंबईत राजकारणही तापलेलं असते. या सगळ्या घडामोडींच्या पार्श्वभूमीवर राज्यात हिंदुहृदयसम्राट बाळासाहेब ठाकरे मराठी भाषा पाठ्यक्रम अभियान सुरू करण्यात आले आहे. या अभियानाच्या सुरूवातीच्या कार्यक्रमात एकनाथ शिंदे यांनी भाष्य केलं आहे.

 

Marathi language: चालकांना मराठी ज्ञान अनिवार्य, अन्यथा…; १ लाख ६५ हजारांहून अधिक चालकांचा मराठी संवाद पाठ्यक्रमात

१.२५ लाख रिक्षा-टॅक्सी चालकांनी परीक्षा उत्तीर्ण

एकनाथ शिंदे म्हणाले की, ” शिवसेनेच्या माध्यमातून राबवण्यात आलेल्या १०५ दिवसांच्या अभियानात १.२५ लाख रिक्षा आणि टॅक्सी चालकांनी मराठी भाषा शिकून परीक्षा उत्तीर्ण केली हे अभियान केवळ समारोप नसून मराठी अभिमानाची धडाकेबाज सुरुवात आहे.

परिवहन मंत्री प्रताप सरनाईक यांनी मोठे आव्हान स्वीकारले. त्यांनी कायद्याचा धाक न दाखवता प्रेमाने मराठी शिकवण्यासाठी प्रयत्न केले. जे कायद्याने होऊ शकत नाही, ते प्रेमाने होऊ शकते,” असे सांगत शिंदे यांनी मनसे अध्यक्ष राज ठाकरे यांना अप्रत्यक्ष टोला लगावला. दरम्यान, मराठी शिकण्यासाठी अद्यापही काही रिक्षाचालकांकडून सोशल मीडियावर विरोध व्यक्त केला जात असल्याचे सरनाईक यांनी सांगितले.

 

Dimagi Naxal Party Instagram Trend: पंतप्रधान मोदींच्या ‘दिमागी नक्षल’ विधानाचे सोशल मीडियाव

सरनाईक म्हणाले की, “मराठी बोलता न येणाऱ्या रिक्षाचालकांना आणखी तीन महिन्यांची मुदत देण्यात येईल. त्यानंतरही मराठी बोलता आली नाही, तर रिक्षाचालकाचा परवाना तीन महिन्यांसाठी निलंबित केला जाईल. त्यानंतरही नियमाचे पालन न केल्यास परवाना कायमस्वरूपी रद्द करण्यात येईल, असा इशारा प्रताप सरनाईक यांनी दिला. तसेच, आतापर्यंत १ लाख ६५ हजार रिक्षाचालकांनी मराठी शिकण्यासाठी नोंदणी केली असून, त्यापैकी १ लाख ४० हजार अमराठी रिक्षाचालकांनी प्रशिक्षण घेतल्याचेही सरनाईक यांनी नमुद केले.

‘रिक्षाचालक साहित्यिकांसारखा मराठी बोलेल’

उद्योग आणि मराठी भाषा मंत्री उदय सामंत म्हणाले की, “रिक्षा-टॅक्सी चालकांनी केवळ व्यवहारापुरती मराठी न बोलता साहित्यिकांसारखी समृद्ध मराठी बोलावी, यासाठी पुढील उपक्रम राबवला जाईल. मराठी भाषा शिकल्यामुळे रिक्षा आणि टॅक्सी चालकांच्या चेहऱ्यावर आत्मविश्वासाचे तेज दिसत दिसते.