महायुतीमध्ये 2 नंबर कोण? रवींद्र चव्हाण म्हणाले “त्याला काहीच किंमत नाही”; शिंदेंना लगावला टोला?

विटामध्ये रवींद्र चव्हाण यांची सभा पार पडली. यावेळी त्यांनी आर आर पाटील यांच्या विजयी भाषणाची आठवण काढली. तसेच यामध्ये उपमुख्यमंत्री एकनाथ शिंदेंना टोला लगावला.

• महायुतीमध्ये अंतर्गत वाद समोर येत आहे
• एकनाथ शिंदे महायुतीमध्ये नाराज
• भाजप प्रदेशाध्यक्ष रवींद्र चव्हाणांची टीका

Ravindra Chavan : मुंबई : राज्यामध्ये स्थानिक स्वराज्य संस्थांच्या निवडणूका होत आहेत. नगर पंचायत आणि नगर परिषदांसाठी 2 डिसेंबर रोजी मतदान होणार आहे तर 3 डिसेंबर रोजी मतमोजणी होणार आहे. यामुळे आजचा दिवस हा प्रचारा धुराळा उडाला आहे. निवडणुकीच्या प्रचारादरम्यान महायुतीमधील नाराजीनाट्य समोर आले आहे. शिवसेना शिंदे गटाचे अनेक नेते हे भाजपचे कमळ हाती घेत असल्यामुळे एकनाथ शिंदे (Eknath Shinde) नाराज आहेत. या संदर्भात त्यांनी दिल्ली वारी करुन केंद्रीय गृहमंत्री अमित शाह (Amit Shah) यांची भेट घेतली असल्याचे बोलले जात आहे. यावरुन वाद पेटलेला असताना भाजप प्रदेशाध्यक्ष रवींद्र चव्हाण हे महायुतीबाबत अनेकदा सूचक वक्तव्य करत आहेत.

भाजपचे वरिष्ठ नेते आणि उपमुख्यमंत्री एकनाथ शिंदे यांच्यामध्ये सारं काही आलबेल नसल्याचे समोर आले आहे. याबाबत अनेकदा भाजप प्रदेशाध्यक्ष रवींद्र चव्हाण यांनी सूचक वक्तव्य केली. यानंतर त्यांनी कोणतेही स्पष्टीकरण दिले नाही. भाजपच्या इतर नेत्यांनी हे प्रकरण सावरण्याचा प्रयत्न केला आहे. यानंतर आता पुन्हा एकदा रवींद्र चव्हाण यांनी दोन नंबरला काहीही महत्त्व नाही असे म्हटले आहे. यावरुन राजकीय वर्तुळामध्ये चर्चांना उधाण आले आहे.

महायुती तुटण्याच्या मार्गावर? रामदास आठवलेंच्या ‘त्या’ विधानाने चर्चेला उधाण

विटामध्ये रवींद्र चव्हाण यांची सभा पार पडली. यावेळी त्यांनी आर आर पाटील यांच्या विजयी भाषणाची आठवण काढली. 2014 मध्ये भाजपचे सरकार आल्यानंतर आर. आर. पाटील यांनी विधानसभेत भाषण केले होते. ते भाषण अत्यंत गाजले. या भाषणाचा उल्लेख करत रवींद्र चव्हाण यांनी एकनाथ शिंदे यांना डिवचलं आहे. रवींद्र चव्हाण म्हणाले की, ‘मी काँग्रेस, राष्ट्रवादी या आघडीत बरीच वर्ष काम केले. मोठी पदं भुषवली. मी नंबर एक होण्याचा प्रयत्न केला. पण नंबर एक होऊ शकलो नाही. तर नंबर दोनच राहिलो. बाबांनो, नंबर एक हा नंबर एकच असतो. नंबर दोन याला काही किंमत नसते. रवींद्र चव्हाण यांनी नेमक्या याच ओळींची पुन्हा एकदा आठवण करुन दिली. आणि महायुतीमध्ये भाजपचं मोठा भाऊ असल्याचे ठणकावून सांगितले.

Maharashtra Politics : नवनीत राणांचा पराभव नेमका का झाला? रवी राणांनी थेट केला खुलासा

रवींद्र चव्हाण पुढे म्हणाले हे माझं वाक्य नाही, तर आर. आर. आबांचं आहे. त्यांच्या भाषणाचा व्हिडिओ अनेकदा व्हायरल होतो. मला एकच सांगायचं आहे की निदान आबांच्या भाषणावर तरी विश्वास ठेवा. दोन नंबरला काहीही किंमत नसते. जो भी कुछ है देवाभाऊ ही है, असे चव्हाण म्हणाले. त्यामुळे त्यांचा हा टोला पुन्हा एकनाथ शिंदे यांच्या शिवसेनेलाच असल्याचा तर्क लावण्यात येत आहे. कोकणासह राज्यातील अनेक भागात शिंदे सेनेच्या नेत्यांनी भाजपवर पैसे वाटपाचे गंभीर आरोप केले आहेत. तर शिंदे सेनेचे अनेक पदाधिकारी, नगराध्यक्ष पदाचे उमेदवारच भाजपमध्ये गेल्याने शिंदे सेना आक्रमक झाली आहे. त्यामुळे महायुतीमध्येच राजकीय पेटल्याची चिन्हे दिसून येत आहे.