Pune Politics: नगराध्यक्षांसह २८ नगरसेवकांची पदे धोक्यात? राज्य निवडणूक आयोगाकडे तक्रार दाखल, नेमकं काय आहे प्रकरण?

Pune Politics: दुसरीकडे जिल्हाधिकारी कार्यालयानेही मुख्याधिकाऱ्यांना सर्व २९ लोकप्रतिनीधींच्या कागदपत्रांची कायदेशी आणि तांत्रिक पुर्नपडताळणी करुन तातडीने अहवाल सादर करण्याचे निर्देश दिले आहेत.

• फुरसुंगी-उरुळी देवाची नगराध्यक्ष संतोष सरोदे व २८ नगरसेवकांवर बनावट कागदपत्रांचा आरोप
• राज्य निवडणूक आयोग आणि पुणे जिल्हाधिकारी कार्यालयाकडे करण्यात आली तक्रार
• जिल्हाधिकारी कार्यालयाकडून नगरपरिषद मुख्याधिकाऱ्यांना ७ दिवसांत चौकशी अहवालाचे आदेश

Pune Politics:  निवडणुकीच्या प्रतिज्ञापत्रात बनावट सादर केल्याप्रकरणी पुण्यातील फुरसुंगी-उरुळी देवाची नगरपरिषदेचे नगराध्यक्ष संतोष सरोदे यांच्यासह तब्बल २८ नगरसेवक अडचणीत आले आहेत. सरोदे यांच्यासह इतर सर्व नगरसेवकांवर गंभीर आरोप करत राज्य निवडणूक आयोगाकडे तक्रार दाखल करण्यात आली आहे. याशिवाय जिल्हाधिकारी कार्यालयाच्या नगरपालिका प्रशासनानेही या तक्रारीची गंभीर दखल घेतली आहे. तसेच नगरपरिषदेच्या मुख्याधिकाऱ्यांना या प्रकरणाची चौकशी करून सात दिवसात या प्रकरणाचे अहवाल सादर करण्याचे निर्देश दिले आहेत.

सामाजिक कार्यकर्ते नितेश गायकवाड यांनी ही तक्रार दाखल केली आहे. या तक्रारनुसार, नगरपरिषदेच्या निवडणुकीदरम्यान उमेदवारी अर्ज दाखल करताना संतोष सरोदे आणि नगरसेवकांनी जोडलेली प्रतिज्ञापत्रे आणि इतर कागदपत्रे बनावट आहेत. या सर्व नगरसेवकांनी निवडणुकीच्या नियमांचे उल्लंघन केले असल्याने या सर्व दोषी लोकप्रतिनीधींची पदे तात्काळ रद्द करून नगरपरिषदेवर प्रशासक नियुक्त करण्याची मागणी केली आहे.

Asian Games 2026: याला म्हणतात धुमधडाका! सोन्याचा पाऊस, भारताने मिळवले 8 सुवर्णपदक, LA 2028

दुसरीकडे जिल्हाधिकारी कार्यालयानेही मुख्याधिकाऱ्यांना सर्व २९ लोकप्रतिनीधींच्या कागदपत्रांची कायदेशी आणि तांत्रिक पुर्नपडताळणी करुन तातडीने अहवाल सादर करण्याचे निर्देश दिले आहेत.

नितेश गायकवाड यांच्या तक्रारीनुसार, निवडणुकीचा अर्ज दाखल करताना नगरसेवकांकडे थकबाकी असतानाही त्यांनी थकबाकी नसल्याचे दाखले सादर केले. काही नगरसेवकांनी स्वत:चे घर असतानाही शपथपत्रात घर नसल्याचे दाखवले आहे. तसेच काही नरसवेकांनी थकबाकी असतानाही, त्यांनी थकबाकी नसल्याचे दाखले दिले आहेत. काही नगरसेवकांबाबत अतिक्रमणाच्या आणि अनधिकृत बांधकामाबाबत तक्रारी करण्यात आल्या आहेत. एकाच नगरसेवकाचे नाव दोन विधानसभा मतदारसंघाच्या यादीत असल्याचा दावाही करण्यात आला आहे. या सर्व प्रकरणाची चौकशी करून नियमांचे उल्लंघन करणाऱ्यांवर तातडीने कारवाई करावी, असी मागणी या करण्यात आली आहे.

दरम्यान, राज्य निवडणूक आयोगाकडून यासंदर्भातील तक्रार दाखल झाल्यानंतर जिल्हाधिकारी कार्यालयाने या तक्रारीची दखल घेतली आहे. जिल्हाधिकारी कार्यालयाकडून नगरपालिका प्रशासन शाखेने फुरसुंगी-उरुळी देवाची नगरपरिषदेचे मुख्याधिकारी प्रसाद शिगटे यांना पत्र पाठवण्यात आले आहे. तक्रारीसोबत तक्रारदाराने यापूर्वीही या प्रकरणी वारंवार अर्ज केल्याचे या पत्रात म्हटले आहे. या तक्रारीतील सर्व मुद्द्यांची चौकशी करून संबंधित नगरसेवकांकडून खुलासे घेण्याचे आणि चौकशीचा अहवाल तातडीने जिल्हाधिकारी कार्यालयाला सादर करण्यात यावा, असे निर्देश देण्यात आले आहेत.

राज्यातील दुष्काळग्रस्त विद्यार्थ्यांना शिक्षण विभागाकडून मोठा दिलासा; दहावी-बारावी परीक्षा शुल्क केले माफ

या आरोपांवर प्रतिक्रिया देताना नगराध्यक्ष संतोष सरोदे म्हणाले की, राजकीय कुरघोडी करण्याच्या उद्देशाने काही जणांकडून अशा खोट्या तक्रारी केल्या जात आहेत. पण संबंधित तक्रारींमध्ये कोणतेही तथ्य नसल्याने त्यातून काहीही निष्पन्न होणार नाही. यासंदर्भातील आपले खुलासे मुख्याधिकाऱ्यांकडे सादर करण्यात आल्याचेही सरोदे यांनी सांगितले.

दरम्यान, मुख्याधिकारी प्रसाद शिगटे यांनी जिल्हाधिकारी कार्यालयाकडून प्राप्त झालेल्या पत्राची दखल घेण्यात आल्याचे सांगितले. संबंधित नगरसेवकांकडून याप्रकरणी खुलासे मागविण्यात आले असून, सर्वांचे खुलासे प्राप्त झाल्यानंतर त्याबाबतचा अहवाल जिल्हाधिकारी कार्यालयाकडे पाठविण्यात येईल, असे त्यांनी स्पष्ट केले.