Maharashtra Politics: तळकोकणात वाद तर रत्नागिरीमध्ये महायुतीचा विजयाचा दावा; ‘मविआ’चे टेंशन वाढले

महायुती म्हणून सर्वांनी एकत्र काम करावे
याच दरम्यान त्यांनी पत्रकारांशी संवाद साधला. सिंधुदुर्गमधील भाजप व शिवसेनामधील वादावर बोलताना ते म्हणाले की, महायुती म्हणून सर्वांनी एकत्र काम करावे, अशी अपेक्षा व्यक्त करण्यात आली आहे. मात्र या निवडणुका स्थानिकांच्या असल्यामुळे काही ठिकाणी मित्रपक्षच समोरासमोर ठाकले आहेत. अशावेळी एकमेकांवर आरोप न करता मैत्रीपूर्ण लढ़ती व्हाव्यात अशी अपेक्षा होती. मात्र सिंधुदुर्गमध्ये जे काही चालले आहे याची माहिती मंत्री नितेश राणे आणि आमदार निलेश राणे यांनी आपल्या वरिष्ठांकडे कळविले असेल. त्यामुळे त्यामध्ये वरिष्ठ नेते योग्य तो निर्णय घेतील.

‘या’ महामार्गासाठी दुकाने पाडली, आता पुढे काय?; तब्बल 22 दिवस झाले तरी देखील…

खेड नगरपरिषद आम्ही जिंकणार ही वस्तुस्थिती
खेड नगरपरिषदेमधील उबाठा शिवसेनेच्या उमेदवाराने माधार घेतल्यामुळे महायुती दादागिरी करत असल्याचा आरोप झाला आहे. त्यावर बोलताना योगेश कदम म्हणाले की, मुळात उबाठा शिवसेनेला खेडमध्ये उमेदवार मिळत नव्हते. त्यामुळे त्यांनी खेड शहरातील उबाठा शिवसेनेच्या ताब्यात असलेल्या पतसंस्थेमधील कर्जदारांवर उमेदवारीसाठी दबाव टाकला होता, आणि उमेदवारी दिली होती.
अशा जोर जबरदस्तीने उमेदवारी अर्ज भरलेल्यांपैकी ज्या उमेदवाराने माघार घेतली त्या प्रभागात महायुतीची ताकद आहे. तेथे दिसणारा पराभव लक्षात घेऊन संबंधित उमेदवाराने माघार घेतली असेल. आम्ही महायुती म्हणून लढत असल्याने खेड नगरपरिषद आम्ही जिंकणार ही वस्तुस्थिती आहे. म्हणून अशाप्रकारचे आरोप करुन महायुतीला बदनाम केले जात आहे.

Local Body Election: ऐन थंडीत गुहागरचे राजकारण तापले; नगराध्यक्षपदांचे अर्ज झाले बाद

ऐन थंडीत गुहागरचे राजकारण तापले

गुहागर नगरपंचायतीच्या १७ जागांसाठी १७प्रभागांमध्ये दाखल झालेल्या एकूण ५६ अजापैकी ५ उमेदवारी अर्ज छाननीमध्ये बाद झाल्याने ५१ उमेदवारांचे अर्ज निवडणुकीच्या रिंगणात राहिले आहेत. तर नगराध्यक्ष पदासाठीचे दाखल झालेल्या ७ अजर्जापैकी २ अर्ज बाद करण्यात आले आहेत. त्यामुळे या उमेदवारांमध्ये नाराजी दिसून आली. नाराज उमेदवार आपली मते कोणाच्या मतपेटीत टाकणार याकडे सर्वांचे लक्ष लागले आहे. सध्या ऐन थंडीमध्ये गुहागर नगरपंचायतीच्या निवडणुकीचे राजकारण तापू लागले आहे.

संबंधित बातम्या