सोमवार, 26 ऑक्टोबर 2026
500 कोटींच्या ऑडिओ क्लिपप्रकरणी SIT स्थापन
Manoj Jarange Audio Clip Row : महाराष्ट्राच्या राजकारणात सध्या 500 कोटींच्या कथित ऑडिओ क्लिपवरून जोरदार चर्चा सुरू आहे. मराठा आरक्षण आंदोलक मनोज जरांगे पाटील यांनी समोर आणलेल्या या क्लिपमधील दाव्यांमुळे राजकीय वर्तुळात खळबळ उडाली आहे. आता या प्रकरणाच्या चौकशीसाठी मुख्यमंत्री देवेंद्र फडणवीस यांच्या निर्देशानंतर मुंबई पोलिसांनी विशेष तपास पथकाची (SIT) स्थापना केली आहे. या पथकाचं नेतृत्व अप्पर पोलीस आयुक्त शैलेश बलकवडे करणार आहेत.
या तपास पथकात पोलीस उपायुक्त विजयकांत सागर आणि पोलीस उपायुक्त बजरंग बनसोडे यांचा समावेश आहे. कथित ऑडिओ क्लिपची सत्यता, त्यातील आवाजांची ओळख आणि त्यामध्ये उल्लेखलेल्या आर्थिक व्यवहारांबाबत तपास केला जाणार आहे. या क्लिपमध्ये खासदार श्रीकांत शिंदे यांच्या माध्यमातून जरांगे यांना 500 कोटी रुपये दिल्याचा उल्लेख आहे.
SIT स्थापन झाल्यानंतर मनोज जरांगे यांनी चौकशीच्या निष्पक्षतेवर प्रश्न उपस्थित केले. केवळ तपास पथक स्थापन करून चालणार नाही, तर प्रकरणाच्या मुळाशी जाऊन सत्य बाहेर आणलं पाहिजे, अशी त्यांची मागणी आहे.
जरांगेंनी ही ऑडिओ क्लिप AI च्या मदतीने तयार केलेली नसून खरी असल्याचा दावा केला आहे. मात्र, क्लिपची सत्यता अद्याप अधिकृतरीत्या सिद्ध झालेली नाही. त्यामुळे फॉरेन्सिक तपासाला या प्रकरणात विशेष महत्त्व असणार आहे.
जरांगेंनी शिंदे आणि फडणवीस यांच्यातील कथित राजकीय तणावाचाही उल्लेख करत, या प्रकरणामागे कोणाचा हेतू होता, असा सवाल उपस्थित केला.
दुसरीकडे, शिवसेना ठाकरे गटाचे खासदार संजय राऊत यांनी केंद्रीय गृहमंत्री अमित शाह यांना पत्र लिहून या प्रकरणात अंमलबजावणी संचालनालयाकडून (ED) चौकशी करण्याची मागणी केली आहे.
ऑडिओ क्लिप बनावट किंवा AI-निर्मित असल्याची शक्यताही राजकीय नेत्यांकडून व्यक्त करण्यात आली आहे. त्यामुळे आता SIT च्या तपासातून क्लिपमधील आवाज, कथित व्यवहार आणि संपूर्ण प्रकरणामागील सत्य स्पष्ट होणार का, याकडे महाराष्ट्राचं लक्ष लागलं आहे.
Ans: अप्पर पोलीस आयुक्त शैलेश बलकवडे यांच्या नेतृत्वाखाली SIT स्थापन करण्यात आली आहे. पोलीस उपायुक्त विजयकांत सागर आणि बजरंग बनसोडे हे या पथकाचे सदस्य आहेत.
Ans: जरांगे यांनी क्लिप खरी असल्याचा दावा केला असून, तिची निष्पक्ष चौकशी करण्याची मागणी केली आहे.
Ans: संजय राऊत यांनी केंद्रीय गृहमंत्री अमित शाह यांना पत्र लिहून कथित आर्थिक व्यवहारांच्या प्रकरणात ED चौकशी करण्याची मागणी केली आहे.
