Baramati by-election : “वास्तव हे कल्पनेपेक्षाही अधिक भयंकर…; बारामती पोटनिवडणूकीवर रोहित पवारांची भावनिक पोस्ट

Baramati by-election : दिवंगत नेते अजित पवार यांच्या निधनानंतर बारामती विधानसभा मतदारसंघाची पोटनिवडणूक जाहीर करण्यात आली आहे. यावर आमदार रोहित पवार यांनी भावनिक पोस्ट केली आहे.

• बारामती आणि राहुरीमध्ये पोटनिवडणूक जाहीर
• अजित पवारांनंतर बारामतीमध्ये पोटनिवडणूक
• आमदार रोहित पवार यांची भावनिक पोस्ट

Baramati by-election :  बारामती : केंद्रीय निवडणूक आयोगाची पत्रकार परिषद पार पडली. यामध्ये देशातील पाच राज्यांसह पोटनिवडणूकांची देखील घोषणा करण्यात आली. महाराष्ट्र आणि उत्तर प्रदेशमध्ये पोटनिवडणूक होणार आहे. राज्यातील बारामती मतदारसंघ (Baramati News) आणि राहुरी मतदारसंघासाठी पोटनिवडणूक जाहीर करण्यात आली आहे. अजित पवारांच्या निधनानंतर होणाऱ्या या पोटनिवडणुकीवर दुखाची झळ पसरली आहे. यावर आमदार रोहित पवार (Rohit Pawar) यांनी सोशल मीडिया पोस्ट केली आहे.

बारामती आणि राहुरी विधानसभा मतदारसंघाच्या पोटनिवडणूकीसाठी येत्या 23 एप्रिल रोजी मतदान होणार आहे. तर येत्या 4 मे रोजी निकाल हाती येणार आहे. या निवडणुकीकडे सर्वांचे लक्ष लागले आहे. बारामतीची पोटनिवडणूक जाहीर होताच आमदार रोहित पवार यांनी सोशल मीडिया पोस्ट केली. रोहित पवार यांनी लिहिले आहे की, “ज्या निवडणुकीत फक्त मताधिक्याचीच चर्चा व्हायची त्या बारामती मतदारसंघात कधी पोटनिवडणूक घ्यावी लागेल, असं कुणाला स्वप्नातही कधी वाटलं नाही.. पण दुर्दैवाने अजितदादा आपल्यातून गेले आणि आज बारामती विधानसभा मतदारसंघासाठी पोटनिवडणूक जाहीर झाली.. कधी कधी वास्तव हे कल्पनेपेक्षाही अधिक भयंकर असतं..!,” अशा भावना आमदार रोहित पवार यांनी व्यक्त केल्या आहेत.

See more

ज्या निवडणुकीत फक्त मताधिक्याचीच चर्चा व्हायची त्या बारामती मतदारसंघात कधी पोटनिवडणूक घ्यावी लागेल, असं कुणाला स्वप्नातही कधी वाटलं नाही.. पण दुर्दैवाने अजितदादा आपल्यातून गेले आणि आज बारामती विधानसभा मतदारसंघासाठी पोटनिवडणूक जाहीर झाली.. कधी कधी वास्तव हे कल्पनेपेक्षाही अधिक… — Rohit Pawar (@RRPSpeaks) March 15, 2026

हे देखील वाचा : बारामती अन् राहुरीची पोटनिवडणूक जाहीर; ‘या’ तारखेला होणार मतदान अन् निकाल

दिवंगत उपमुख्यमंत्री अजित पवार यांचा 28 जानेवारी रोजी विमान अपघातामध्ये मृत्यू झाला. यानंतर सुनेत्रा पवार यांनी उपमुख्यमंत्री पदाची शपथ घेत राज्याची सुत्रे हाती घेतली. तर पार्थ पवार यांना राज्यसभेवर पाठवण्यात आले. यानंतर आता निवडणूक आयोगाने बारामती विधानसभा मतदारसंघाची पोटनिवडणूक जाहीर केली आहे. त्याचबरोबर अहिल्यानगरमधील राहुरी विधानसभा जागेसाठी पोटनिवडणूक होणार आहे. यामध्ये भाजप आमदार शिवाजी कर्डिले यांच्या निधनामुळे ही जागा रिक्त झाली आहे. या दोन्ही जागांवर पोटनिवडणूक जाहीर झाली आहे.

हे देखील वाचा : बारामतीमध्ये पुन्हा पवार विरुद्ध पवार? पोटनिवडणूक बिनविरोध होणार की लढणार?

ही बारामती आणि राहुरी मतदारसंघाची पोटनिवडणूक बिनविरोध करण्याचे महायुतीचे प्रयत्न आहेत. महाराष्ट्राच्या राजकीय संस्कृतीप्रमाणे कोणताही नेता वारल्यानंतर त्याच्या जागी होणाऱ्या पोटनिवडणूकीमध्ये विरोधी पक्षाकडून उमेदवार दिला जात नाही.महाराष्ट्राची हीच राजकीय संस्कृती पुढे चालवली जाण्याची शक्यता आहे. अजित पवारांनंतर होणाऱ्या पोटनिवडणुकीमध्ये शरद पवार गट कोणताही उमेदवार देणार नाही अशी अपेक्षा आहे. मीडिया रिपोर्टनुसार, शरद पवार गट हा बारामती विधानसभा मतदारसंघासाठी उमेदवार देणार नसल्याचे देखील समोर आले आहे.