शुक्रवार, 2 ऑक्टोबर 2026
Rahul Gandhi : लाठ्या काठ्यांनी जमाव पांगवता येतो, प्रश्न नाही, राहुल गांधींचे 'वोट चोरी' वर पुन्हा साधला निशाणा, सौजन्य : सोशल मीडिया
ते पुढे म्हणाले की, बापूंची ही शिकवण होती की, सत्य बोला. शांततेत लढा द्या आणि हेच सरकारला सर्वात जास्त घाबरवते. कारण लाठ्या-काठ्यांनी जमाव पांगवता येतो, पण प्रश्न नाही. ज्ञानेश कुमार जाणार व ज्या सिस्टमने त्यांना बसवले आहे, तेही जाणार.
मतदार याद्यांतील कथीत घोटाळा व विशेष सखोल पुनरावलोकन (SIR) प्रक्रियेविरोधात गांधी जयंतीच्या दिवशी देशभरात विरोधी पक्ष, विद्यार्थी संघटनांनी शांततेत जनआंदोलन केले. या दरम्यान, दिल्ली आणि मुंबईसमवेत देशातील अनेक प्रमुख शहरांमध्ये आंदोलनकर्ते आणि पोलिसांमध्ये झटापट झाल्याचे पाहण्यास मिळाले. दिल्लीच्या जंतर-मंतरच्या दिशेने जाणाऱ्या विद्यार्थी संघटना व यूथ काँग्रेसच्या सदस्यांना पोलिसांनी बॅरिकेडींग करत रोखले. तसेच शेकडो आंदोलकर्त्यांना ताब्यात घेतले.
आंदोलनकर्ते आणि विरोधी पक्षाचा मुख्य आरोप आहे की, निवडणूक आयोग निष्पक्षपणे काम करण्याऐवजी सत्तेतील लोकांच्या दबावात काम करत आहे. त्यांनी कोणत्याही सुनावणीशिवाय मतदार यांच्यातून अनेकांचे नाव हटवले आहे.
दुसरीकडे, मुंबईच्या शिवाजी पार्कमध्ये कॉक्रोज जनता पार्टी (CJP) चे आंदोलन शुक्रवारी संध्याकाळी संपले. सीजेपीचे संस्थापक अभिजीत दिपके संध्याकाळी धरणास्थळावरून परतले. CJPच्या वतीने यावेळी मुख्य निवडणूक आयुक्त ज्ञानेश कुमार यांच्या राजीनाम्याची मागणी करण्यात आली. यावेळी काही हिंदुत्ववादी संघटनांनी आंदोलनादरम्यान गोंधळ घालण्याचा प्रयत्न केला, पण पोलिसांनी तातडीने कारवाई करत त्यांना ताब्यात घेतले.
