शुक्रवार, 6 नोव्हेंबर 2026
'...स्वतःच लोकशाहीचा गळा आवळतील', गोकुळवरून राज ठाकरेंची खोचक टीका; भाजपला सुनावले
राज ठाकरे यांनी आपल्या पोस्टमध्ये भाजपला ‘अजब पक्ष’ असे संबोधले आहे. खालपासून वरपर्यंत सत्तेत असलेला पक्ष लोकशाही वाचवण्यासाठी मोर्चे काढत असल्याचे चित्र विचित्र असल्याची टिप्पणी त्यांनी केली. जगात सत्ताधारी पक्ष विरोधी पक्षाच्या विरोधात लोकशाही वाचवण्यासाठी मोर्चा काढत असल्याचे हे एकमेव उदाहरण असेल, असा टोलाही त्यांनी लगावला.
भारतीय जनता पक्ष हा एक अजब पक्ष आहे. जो खालपासून वरपर्यंत सत्तेत आहे तरीही लोकशाही वाचवा म्हणून मोर्चे काढत आहे. हे जगातील एकमेव उदाहरण असेल जिथे सत्ताधारी पक्ष विरोधी पक्षाच्या विरोधात मोर्चा काढतो. बरं लोकशाहीची बूज राखायची खरोखर इतकी इच्छा असेल तर गोकुळ प्रकरणात तुमच्या भाजप पॅनलचे १२ विरोधात सतेज पाटील पॅनलचे १३ जण निवडून आल्यावर लगेच तुम्ही सरकारचे ( म्हणजे तुमचेच) ५ संचालक का नेमले आणि त्यांना मतदानाचा अधिकार देऊन काय सिद्ध करताय तुम्ही ? बरं ते बॅलेट मतदान पद्धतीने आणि लोकशाही मार्गाने निवडणूक लढवून निवडून आले.
पदवीधर निवडणुकीत NDA ची बाजी; पण महाराष्ट्रातील पराभव भाजपच्या जिव्हारी
तुम्हाला खरंच लोकशाहीची पर्वा किंवा काळजी वाटत असती तर हा असला प्रकार तुम्ही केला नसता. गोकुळवर तुम्हाला सत्ता मिळवता नाही आली म्हणून तुम्ही लगेच तुमची सगळी तत्त्व बाजूला ठेवणार आणि म्हणे लोकशाही वाचवा म्हणून मोर्चे काढणार. सध्या महाराष्ट्रात पाण्याचा भीषण दुष्काळ आणि भारतीय जनता पक्षात समजूतदारपणाचा भीषण दुष्काळ एकाच वेळी कसा यावा, याचंच आश्चर्य वाटतं !
सत्तेत असताना ते लोकशाही वाचवा म्हणून मोर्चे काढतील आणि स्वतःच लोकशाहीचा गळा आवळतील. यांच्या काळात अतिरेकी हल्ले झाले, कायदा सुव्यवस्था बिघडली म्हणून दहशतवादापासून देश वाचवा यासाठी मोर्चे काढतील. देशाची अर्थव्यवस्था गाळात गेली आहे म्हणून आता अर्थव्यवस्था वाचवा साठी पण मोर्चे काढतील.
भारतीय जनता पक्षाने रडीचा डाव खेळणं बंद करावं. कुठल्या का मार्गाने तुम्ही जे बहुमत मिळवलं ते सर्व विरोधी पक्षांनी १२ वर्षे सहन केलं मग आता विरोधी पक्षांकडे या देशातील जनता झुकायला लागली आहे तर त्यापुढे भाजपाने पण सहन करायला शिकले पाहिजे !
Ans: गोकुळ दूध संघाच्या सत्तासंघर्षावरून भाजपच्या भूमिकेवर प्रश्न उपस्थित करत राज ठाकरे यांनी लोकशाहीच्या मुद्द्यावरून भाजपवर टीका केली.
Ans: राज ठाकरे यांच्या पोस्टनुसार, भाजप पॅनलचे १२ आणि सतेज पाटील पॅनलचे १३ संचालक निवडून आले होते.
Ans: निवडणुकीनंतर सरकारने पाच संचालक नियुक्त करून त्यांना मतदानाचा अधिकार दिल्याच्या निर्णयावर राज ठाकरे यांनी प्रश्न उपस्थित केले आहेत.
