
Umesh Patil On Rohit Pawar
रोहित पवार पक्षात वेगळे पडले आहेत का, या प्रश्नावर बोलताना उमेश पाटील यांनी वेगळीच माहिती समोर आणली. रोहित पवार हे विद्या प्रतिष्ठानच्या संचालक मंडळावर नसल्यामुळे ते बैठकीला उपस्थित नव्हते, असं त्यांनी स्पष्ट केलं.
मात्र, रोहित पवार काँग्रेसमध्ये जाणार असल्याची माहिती आम्हाला मिळत आहे. कर्नाटकचे मुख्यमंत्री डीके शिवकुमार यांच्यासोबत त्यांची बैठक झाल्याचीही चर्चा आहे, असा दावा उमेश पाटील यांनी केला. यावरून आता नवा वाद निर्माण झाला असून रोहित पवार किंवा काँग्रेस यावर काय प्रतिक्रिया देणार हे पाहणे महत्वाचे ठरणार आहे.
अजित पवार यांच्या अपघातासंदर्भात रोहित पवार यांनी केलेल्या संशोधनाचं आम्ही कौतुकच केलं आहे, असं उमेश पाटील म्हणाले. VSR कंपनीच्या कामकाजाबाबत रोहित पवारांनी खोलात जाऊन माहिती घेतली, असंही त्यांनी नमूद केलं. मात्र, VSR कंपनीच्या मालकाच्या मुलाच्या लग्नाला जाणं हा काही गुन्हा होऊ शकत नाही, अशी भूमिका त्यांनी मांडली. या प्रकरणात संबंधित व्यक्तींना दोषी ठरवण्याआधी वस्तुस्थिती समजून घेण्याची गरज असल्याचं त्यांच्या विधानातून दिसून आलं.
रोहित पवार यांनी अजित पवारांच्या अपघातावरून मुख्यमंत्री देवेंद्र फडणवीस यांच्यावर केलेल्या आरोपांवरही उमेश पाटील यांनी नाराजी व्यक्त केली.
अजितदादांच्या अपघाताबाबत रोहित पवारांनी मांडलेल्या भूमिकेचं अनेकांनी स्वागत केलं. मात्र, मुख्यमंत्र्यांबाबत केलेली टीका योग्य वाटली नाही, असं ते म्हणाले. ‘मफलरमॅन’चा उल्लेख करून सस्पेन्स निर्माण करणं आणि अजित पवारांच्या मृत्यूचं राजकीय भांडवल करणं चुकीचं असल्याची भूमिका त्यांनी मांडली.
दरम्यान, रोहित पवारांच्या संभाव्य काँग्रेस प्रवेशाबाबतच्या दाव्यामुळे आता राष्ट्रवादी आणि काँग्रेसच्या राजकीय वर्तुळात पुढे काय घडणार, याकडे लक्ष लागलं आहे.
Ans: राष्ट्रवादी काँग्रेस अजित पवार गटाचे नेते उमेश पाटील यांनी रोहित पवार काँग्रेसमध्ये जाणार असल्याचा दावा केला आहे.
Ans: उमेश पाटील यांच्या माहितीनुसार, रोहित पवार यांची कर्नाटकचे मुख्यमंत्री डीके शिवकुमार यांच्यासोबत बैठक झाल्याची चर्चा आहे.
Ans: रोहित पवार यांनी अपघातासंदर्भात केलेल्या संशोधनाचं त्यांनी कौतुक केलं. मात्र, मुख्यमंत्री देवेंद्र फडणवीस यांच्यावर केलेल्या टीकेबाबत नाराजी व्यक्त केली.