मंगळवार, 27 ऑक्टोबर 2026
Dhanteras 2026: (फोटो सौजन्य- सोशलमीडिया)
दिवाळी काही दिवसांवर येऊन ठेपली आहे. बाजारात कंदील, रांगोळ्या, दिवे, पूजेचे साहित्य येण्यास सुरुवात झाली. हिंदू धर्मात या सणाला सर्वात जास्त महत्त्व आहे. या पाच दिवसांच्या सणामध्ये ते म्हणजे धनत्रयोदशी यालाच धनतेरस असे म्हणतात. यादिवशी सोनं- चांदीची खरेदी केली जाते. लक्ष्मी, कुबेराची आणि धन्वंतरी देवाची पूजा करतात. पण बऱ्याच घरांमध्ये या दिवशी धणे पण पुजतात, ते अनेकदा आपण पाहिलं आहे. धण्याचा नैवैद्य दाखवला जातो, पण तुम्हाला माहिती आहे का? धणे का पुजले जातात. यामध्ये एक कथा सांगितली जाते, चला जाणून घेऊया.. Dhanteras 2026:
आपण धने म्हटलं की आपल्याला फक्त स्वयंपाकातला मसाला आठवतो. पण आपल्या जुन्या परंपरेत धने हे फक्त मसाला नसून धने म्हणजे धन-धान्याचं प्रतीक आहे. धण्याच्या एका दाण्यातून खूप जास्त दाणे तयार होतात. म्हणून धने हे भरभराटीचं, वाढीचं प्रतीक मानतात. जसं धने वाढतं, तसंच घरातलं धन, धान्य पण वाढावं, हीच त्यामागची भावना आहे. तसेच धनत्रयोदशीला जेव्हा लोक लक्ष्मीची पूजा करतात, तेव्हा धणे पण ठेवतात.
देवाला सांगतात की, आमच्या घरात कधीही धान्याला, पैशाला कमी पडू नये. घरात सुख-समृद्धी राहू दे. काही घरांमध्ये तर पूजलेले धणे दिवाळी संपेपर्यंत जपून ठेवतात आणि नंतरच्या पूजांमध्ये वापरतात.
यावर्षीची दिवाळी नोव्हेंबरमध्ये आहे. वेळापत्रक असं आहे –
5 नोव्हेंबर, गुरुवार – वसुबारस
6 नोव्हेंबर, शुक्रवार – धनत्रयोदशी
7 नोव्हेंबर, शनिवार – काळी चौदस
8 नोव्हेंबर, रविवार – नरक चतुर्दशी आणि लक्ष्मीपूजन
9 नोव्हेंबर, सोमवार – गोवर्धन पूजा
10 नोव्हेंबर, मंगळवार – पाडवा
11 नोव्हेंबर, बुधवार – भाऊबीज
ही पूजा करायला खूप अवघड काही नाही. अगदी साधी आणि सोपी पूजा आहे.पहिल्यांदा देवघर स्वच्छ पुसून घ्या. पाटावर देवी लक्ष्मी आणि धन्वंतरी देवाचा फोटो ठेवा. एका छोट्या ताटात थोडे धणे घ्या. त्यासोबत हळद-कुंकू, थोड्या अक्षता, फुलं आणि गूळ ठेवा. समोर दिवा लावा.आता मनातून प्रार्थना करा की आमच्या कुटुंबाला आरोग्य चांगलं राहू दे, घरात भांडणं होऊ नयेत, पैसा टिकून राहू दे. जसं धण्याचं रोप वाढतं तशी आमची पण भरभराट होऊ दे.
पूजा झाली की ते धणे लगेच फेकून देऊ नका. ते एका डब्यात जपून ठेवा. काही लोक ते दुसऱ्या दिवशीच्या लक्ष्मीपूजनात वापरतात, तर काही लोक त्याचा प्रसाद म्हणून थोडं थोडं घरात वाटतात किंवा तुळशीजवळ टाकतात.
Shukra uday: शुक्राच्या उदयामुळे या राशींच्या लोकांचे नशीब पालटणार, करिअरमध्ये यश मिळण्याची शक्यता
एक गोष्ट लक्षात ठेवा, ही प्रथा प्रत्येक ठिकाणी सारखी नाही. कोकणात वेगळी पद्धत असेल, खानदेशात वेगळी, विदर्भात वेगळी. कोण गुळासोबत धणे ठेवतं, कोण नुसतेच धणे ठेवतं. त्यामुळे तुमच्या घरात आधीपासून कशी पद्धत आहे, तुमचे आई-वडील कशी पूजा करतात, त्याप्रमाणेच करा. कुलाचार पाळणं हेच सगळ्यात महत्वाचं.
धनत्रयोदशी म्हणजे फक्त दागिने घेणं नाही, तर घरात धन-धान्य टिकावं यासाठी केलेली एक छोटीशी प्रार्थना पण आहे. आणि धण्याची पूजा हे त्याचंच एक सुंदर उदाहरण आहे.
Ans: धणे हे धन-धान्य, भरभराट आणि समृद्धीचे प्रतीक मानले जातात. घरात सुख-समृद्धी नांदावी आणि धन-धान्याची कमतरता भासू नये, या भावनेतून धण्यांचे पूजन केले जाते.
Ans: धणे, हळद-कुंकू, अक्षता, फुले, गूळ, दिवा आणि लक्ष्मी व धन्वंतरी देवाची प्रतिमा पूजेसाठी वापरली जाते.
Ans: काही घरांमध्ये पूजलेले धणे जपून ठेवले जातात, तर काही ठिकाणी ते लक्ष्मीपूजनात वापरले जातात किंवा प्रसाद म्हणून वाटले जातात.
