राज्यघटनेतून समतेचा दीप प्रज्वलित करणारे Dr. Babasaheb Ambedkar यांची जयंती; जाणून घ्या 14 एप्रिलचा इतिहास

शिका, संघटित व्हा आणि संघर्ष करा’ हा कानमंत्र देणारे डॉ. बाबासाहेब आंबेडकर यांची स्वतंत्र भारताच्या सक्षम आणि समान अधिकार असलेल्या समाज निर्मितीमध्ये मोठा वाटा आहे.

Dr. Babasaheb Ambedkar jayanti :  भारतीय लोकशाहीच्या पायाभरणीतील तेजस्वी शिल्पकार डॉ. बाबासाहेब आंबेडकर (Dr. Babasaheb Ambedkar) यांची आज जयंती. त्यांचे कार्य आजही प्रत्येक भारतीयाच्या मनात अभिमानाची ज्योत प्रज्वलित करत आहे. अन्याय, अस्पृश्यता आणि विषमतेच्या अंधःकारातून समाजाला प्रकाशाच्या दिशेने नेण्यासाठी त्यांनी आयुष्याचा प्रत्येक क्षण अर्पण केला.

स्वातंत्र्यानंतर राज्यघटना मसुदा समितीचे अध्यक्ष म्हणून डॉ. बाबासाहेब आंबेडकर यांनी घडवलेली भारतीय राज्यघटना ही केवळ कायद्यांची चौकट नसून, ती समानता, स्वातंत्र्य आणि बंधुतेची पवित्र शपथ आहे. प्रत्येक नागरिकाला सन्मानाने जगण्याचा अधिकार देणारी ही राज्यघटना त्यांच्या दूरदृष्टीची जिवंत साक्ष ठरते. दलित, शोषित आणि वंचितांच्या अश्रूंना शब्द देत, त्यांच्या हक्कांसाठी लढताना त्यांनी ‘शिका, संघटित व्हा आणि संघर्ष करा’ हा मंत्र दिला. शिक्षण, कामगार हक्क आणि स्त्रीसमानतेसाठी त्यांनी केलेले कार्य समाज परिवर्तनाचे दीपस्तंभ ठरले. डॉ. बाबासाहेब आंबेडकर यांचे विचार आजही अन्यायाविरुद्ध लढण्याची ताकद दिली. (Dinvishesh)

 

14 एप्रिल रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1661 : प्रिन्स सेसी या शास्त्रज्ञाने दुर्बिणीसाठी टेलिस्कोप हा शब्द प्रथम वापरला.
• 1665 : पुरंदरच्या प्रसिद्ध वेढादरम्यान दिलरखान पठाणने वज्रमल किल्ला ताब्यात घेतला.
• 1736 : चिमाजीअप्पाने जंजिऱ्याच्या सिद्धीसाताचा पराभव केला.
• 1865 : जॉन विल्क्स बूथने अब्राहम लिंकनवर गोळी झाडली. दुसऱ्या दिवशी लिंकनचा मृत्यू झाला.
• 1912 : आर.एम.एस. टायटॅनिक रात्री 11:40 वाजता (स्थानिक वेळेनुसार) उत्तर अटलांटिक महासागरातील एका हिमखंडाला धडकले.
• 1944 : दुपारी 4:50 वाजता, बॉम्बे डॉक्सवर फोर्ट स्टिकिन या मालवाहू जहाजावर मोठा स्फोट झाला, 300 लोक ठार झाले आणि सुमारे 2 कोटी पौंडचे आर्थिक नुकसान झाले.
• 1995 : टेबल टेनिसमधे सलग 6670 रॅलीज करण्याचा जागतिक विक्रम डॉ. रमेश बाबू यांनी पुण्यात नोंदवला.

हे देखील वाचा : एका सूरमयी प्रवासाचा अंत…! जेष्ठ पार्श्वगायिका आशा भोसले यांच्या हटके स्वरांनी गाजवले बॉलीवूड\

14 एप्रिल रोजी जन्म दिनविशेष

• 1629 : ‘क्रिस्टियन हायगेन्स’ – डच गणितज्ञ, खगोलविद्‌ आणि पदार्थवैज्ञानिक, लंबकाच्या घड्याळाचा शोध यांचा जन्म. (मृत्यू: 8 जुलै 1695)
• 1891 : भारतीय राज्यघटनेचे शिल्पकार डॉ. बाबासाहेब आंबेडकर यांचा जन्म. (मृत्यू: 6 डिसेंबर 1956)
• 1914 : ‘शांता हुबळीकर’ – अभिनेत्री यांचा जन्म. (मृत्यू: 17 जुलै 1992)
• 1919 : ‘शमशाद बेगम’ – पार्श्वगायिका यांचा जन्म. (मृत्यू: 23 एप्रिल 2013)
• 1919 : ‘के. सरस्वती अम्मा’ – भारतीय लेखक आणि नाटककार यांचा जन्म. (मृत्यू: 26 डिसेंबर 1975)
• 1922 : मैहर घराण्याचे जागतिक कीर्तीचे सरोदवादक उस्ताद अली अकबर खाँ तथा खाँसाहेब यांचा जन्म. (मृत्यू: 18 जून 2009)
• 1927 : ‘द. मा. मिरासदार’ – विनोदी लेखक यांचा जन्म.
• 1942 : ‘मार्गारेट अल्वा’ – केंद्रीय मंत्री व राजस्थानच्या राज्यपाल यांचा जन्म.
  1943 : ‘रामदास फुटाणे’ – वात्रटिकाकार यांचा जन्म.

हे देखील वाचा : वर्गाबाहेरच्या शिक्षणापासून संविधान निर्मितीपर्यंत, बाबासाहेबांना समजून घायचंय? ‘ही’ 3 पुस्तकं नक्की वाचा 

14 एप्रिल रोजी मृत्यू दिनविशेष

• 1950 : योगी रमण महर्षी तथा वेंकटरमण अय्यर – भारतीय तत्त्ववेत्ते समाधिस्थ झाले. (जन्म: 30 डिसेंबर 1879)
• 1962 : भारतरत्न पुरस्कृत सर मोक्षमुंडम विश्वेश्वरैया यांचा मृत्यु. (जन्म: 15 सप्टेंबर 1860)
• 1963 : केदारनाथ पांडे तथा ‘राहूल सांकृतायन’ – इतिहासकार यांचे निधन. (जन्म: 9 एप्रिल 1893)
• 1997 : ‘चंदू पारखी’ – चित्रपट आणि नाट्य अभिनेते यांचे निधन.
• 2013 : ‘राम प्रसाद गोएंका’ – उद्योगपती यांचे निधन. (जन्म: 1 मार्च 1930)