फोटो सौजन्य: Gemini
दरवर्षी डॉ. बाबासाहेब आंबेडकर यांच्या जयंतीनिमित्त राज्यभरात विविध सांस्कृतिक, सामाजिक आणि शैक्षणिक कार्यक्रमांचे आयोजन केले जाते. मात्र, त्यांच्या कार्याचा खरा अर्थ समजून घ्यायचा असेल, तर केवळ जयंती साजरी करून चालत नाही, तर त्यांच्या विचारांचा अभ्यास करणे अत्यंत गरजेचे आहे. यासाठी त्यांच्या आयुष्यावर आधारित पुस्तकांचे वाचन हा सर्वोत्तम मार्ग ठरतो.
यातील पहिले महत्त्वाचे पुस्तक म्हणजे माझी आत्मकथा. हे पुस्तक स्वतः डॉ. आंबेडकरांनी लिहिले असून त्यांच्या आयुष्यातील अनेक प्रसंग, संघर्ष आणि अनुभव त्यांच्या स्वतःच्या शब्दांत वाचायला मिळतात. त्यांच्या जीवनातील वास्तव आणि कठीण परिस्थितीचे जिवंत चित्रण या पुस्तकातून समोर येते.
‘…तर मी हिंदू म्हणूनच जगलो असतो’ असे का म्हणाले होते डॉ. बाबासाहेब आंबेडकर?
दुसरे महत्त्वाचे पुस्तक म्हणजे Dr Babasaheb Ambedkar, लेखक धनंजय कीर यांचे. या पुस्तकातून बाबासाहेबांचे विचार, सामाजिक संघर्ष आणि त्या काळातील राजकीय परिस्थिती यांचे सखोल विश्लेषण केले आहे. बाबासाहेबांचे व्यापक व्यक्तिमत्त्व समजून घेण्यासाठी हे पुस्तक उपयुक्त ठरते.
तिसरे पुस्तक म्हणजे जग बदलणारा बापमाणूस. लेखक जगदीश आहोळ यांनी हे पुस्तक विशेषतः तरुण पिढी लक्षात घेऊन सोप्या आणि समजण्यासारख्या भाषेत लिहिले आहे. त्यामुळे आजच्या युवकांना बाबासाहेबांचे विचार सहज समजतात. शेवटी, महापुरुषांची जयंती साजरी करण्याचा खरा अर्थ त्यांच्या विचारांना आत्मसात करण्यात आहे. डॉ. बाबासाहेब आंबेडकर यांच्या जीवनावर आधारित ही पुस्तके वाचून आपण त्यांच्या कार्याचा खरा वारसा पुढे नेऊ शकतो.
