2 लाखांपेक्षा अधिक दिवे उजळवले जाणार; अयोध्येत रामभक्तांवर ‘सरयू’चा वर्षाव

भगवान श्रीरामाच्या जन्मस्थळी, अयोध्येत यंदाची रामनवमी भव्य आणि ऐतिहासिक स्वरूपात साजरी करण्यासाठी मोठ्या तयारीला वेग आला आहे. ६ एप्रिल २०२४ ला साजऱ्या होणाऱ्या या पावन उत्सवात रामभक्तांसाठी विशेष सोहळ्याचे आयोजन.

अयोध्या रामनवमी महोत्सवाची जय्यत तयारी: दिव्यांचा झगमगाट आणि भक्तांवर सरयूचा वर्षाव ( फोटो सौजन्य : सोशल मीडिया)

Follow Us:

Follow Us:

अयोध्या : भगवान श्रीरामाच्या जन्मस्थळी, अयोध्येत यंदाची रामनवमी भव्य आणि ऐतिहासिक स्वरूपात साजरी करण्यासाठी मोठ्या तयारीला वेग आला आहे. ६ एप्रिल २०२४ रोजी साजऱ्या होणाऱ्या या पावन उत्सवात रामभक्तांसाठी विशेष सोहळ्याचे आयोजन करण्यात आले आहे. यामध्ये पहिल्यांदाच दीपोत्सव, सरयूच्या पाण्याचा ड्रोनद्वारे वर्षाव, तसेच सांस्कृतिक कार्यक्रमांचे भव्य आयोजन करण्यात येणार आहे.

उत्तर प्रदेशचे मुख्यमंत्री योगी आदित्यनाथ यांच्या सूचनेनुसार, रामनगरी अयोध्येत यंदाची रामनवमी अनोख्या पद्धतीने साजरी करण्यात येईल. विशेष म्हणजे, रामकथा पार्कसमोर, राम की पैडी आणि पक्का घाटावर दोन लाखांहून अधिक दिव्यांनी अयोध्या उजळून निघणार आहे.

रामनवमीचा सोहळा अधिक भव्य

भगवान श्रीरामाच्या जन्मोत्सवाला अधिक मंगलमय करण्यासाठी सरयू नदीच्या पवित्र पाण्याचा भाविकांवर ड्रोनद्वारे वर्षाव केला जाईल. हा उपक्रम तंत्रज्ञान आणि परंपरेच्या सुंदर संगमाचे प्रतीक ठरेल. रामभक्तांना सरयूच्या पावन जलाचा लाभ घेता येईल, ज्यामुळे त्यांचे पवित्र दर्शन अधिक फलदायी ठरेल.

Devotees take holy dip in Saryu River as they arrive at Ram temple in Ayodhya, on the occasion of Lord Rama janmotsav
#RamNavami #JaiShreeRam #रामनवमी pic.twitter.com/iPGjEOSb6a

— ꧁༺Mr Dhiru༻꧂ (@divinespark__7) April 17, 2024

credit : social media

याशिवाय, अष्टमीच्या दिवशी कनक भवन येथून ‘हेरिटेज वॉक’ काढण्यात येईल, ज्यामध्ये भाविकांना अयोध्येच्या समृद्ध सांस्कृतिक वारशाचे दर्शन घेता येईल. रामकथा पार्कमध्ये विशेष सांस्कृतिक कार्यक्रमांचे आयोजन करण्यात येणार असून, देशभरातून नामांकित कलाकार या कार्यक्रमात सहभागी होणार आहेत.

जागतिक घडामोडी संबंधित बातम्या वाचण्यासाठी येथे क्लिक करा : 3 देशांशी करणार चर्चा; भारताला टॅरिफमधून सूट देऊ शकते अमेरिका, ट्रम्प यांचे बदलले सूर

झारखंडमध्ये रामनवमीच्या शोभायात्रेसाठी वीजपुरवठा खंडित करण्यास सर्वोच्च न्यायालयाची मंजुरी

रामनवमीच्या पार्श्वभूमीवर झारखंड सरकारने दाखल केलेल्या अर्जावर सर्वोच्च न्यायालयाने महत्त्वाचा निर्णय दिला आहे. झारखंडमध्ये रामनवमी शोभायात्रेच्या मार्गावर वीजपुरवठा खंडित करण्यास परवानगी देण्यात आली आहे, जेणेकरून वीज पडून होणाऱ्या दुर्घटनांना आळा घालता येईल.

वरिष्ठ वकील कपिल सिब्बल यांनी न्यायालयात मांडलेल्या युक्तिवादानुसार, २००० साली रामनवमी दरम्यान वीज पडून २८ जणांचा मृत्यू झाला होता. त्यानंतर, झारखंड सरकारने धार्मिक कार्यक्रमांदरम्यान सुरक्षा उपाय म्हणून वीजपुरवठा खंडित करण्याची प्रथा सुरू केली. झारखंड उच्च न्यायालयाने याआधी धार्मिक प्रसंगी वीजपुरवठा खंडित करण्यास मनाई केली होती, परंतु सर्वोच्च न्यायालयाने या आदेशावर स्थगिती देत झारखंड सरकारला दिलासा दिला आहे. त्यामुळे झारखंड मुक्ती मोर्चाच्या नेतृत्वाखालील सरकारला रामनवमी शोभायात्रेच्या दरम्यान आवश्यक ती सुरक्षात्मक व्यवस्था करता येणार आहे.

अयोध्येत गर्दी नियंत्रणासाठी विशेष व्यवस्था

रामनवमीच्या निमित्ताने अयोध्येत लाखो भक्तगण दाखल होण्याची शक्यता आहे. त्यामुळे स्थानिक प्रशासनाने सुरक्षेच्या कडेकोट व्यवस्था केल्या आहेत.

रामजन्मभूमी परिसर आणि प्रमुख धार्मिक स्थळांवर विशेष सुरक्षा पथके तैनात केली जाणार आहेत.

भाविकांच्या सोयीसाठी वाहतूक व्यवस्थापन आणि वैद्यकीय सुविधा उभारण्यात आल्या आहेत.

रामनगरीतील सर्व प्रमुख प्रवेशद्वारांवर सुरक्षा तपासणी कडक करण्यात येणार आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘तो वेडा आहे…’ अमेरिकेत डोनाल्ड ट्रम्प विरोधात हजारो लोकांची निषेध रॅली, कारण काय?

नव्या परंपरेची सुरुवात

यंदाचा रामनवमी उत्सव केवळ श्रद्धेचा उत्सव नसून, आधुनिकतेच्या सहवासातील सांस्कृतिक उत्सव असेल. पहिल्यांदाच दीपोत्सव, हेरिटेज वॉक आणि सरयूच्या पाण्याचा वर्षाव ही नवी परंपरा सुरू होत आहे. रामभक्तांसाठी हा सोहळा परमसुखदायक ठरणार असून, अयोध्येचे तेज यामुळे अधिक वाढणार आहे. त्यामुळे, ६ एप्रिलला रामनगरीत एक अनोखा सोहळा अनुभवायला मिळणार आहे.

Web Title: Ayodhya ram navami festive lights shine as rain blesses devotees nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com