आशिया कपच्या पहिल्याच सामन्यात अफगाणिस्थानचा विजय

आशिया कप २०२२ (Asia Cup 2022) या बहुप्रतीक्षित स्पर्धेला शनिवारी २७ ऑगस्ट पासून सुरुवात झाली. यावेळी श्रीलंका (Shrilanka) आणि अफगाणिस्तान (Afganisthan) या दोन संघांमध्ये सलामी सामना खेळवण्यात आला. या सामन्यातअफगाणिस्तान संघाने (Afghanistan) श्रीलंकेवर दमदार विजय मिळवला त्यांनी श्रीलंका संघाला ८ गडी राखून मात दिली आहे. स्पर्धेतील सलामीच्या सामन्यातच अफगाणिस्तानने आधी अप्रतिम गोलंदाजी आणि नंतर दमदार फलंदाजीचं दर्शन घडवत पहिल्या विजयाची नोंद केली आहे. सामन्यात आधी श्रीलंकेनं १०५ धावा केल्या असताना अफगाणिस्ताननं हे आव्हान १०. १ ओव्हरमध्ये पार करत विजय नोंदवला आहे.

सामन्यात सर्वात आधी नाणेफेक जिंकत अफगाणिस्तानने गोलंदाजी निवडली. प्रथम गोलंदाजी करण्यासाठी मैदानात आलेल्या अफगाणिस्तानच्या गोलंदाजांनी सुरुवातीपासून भेदक गोलंदाजी सुरु ठेवली. श्रीलंकेते फलंदाज अगदी स्वस्तात माघारी परतत होते. फजलक फारुखीने सुरुवातीपासूनच कमाल गोलंदाजी करत सर्वाधिक ३ विकेट घेतल्या. दरम्यान श्रीलंकेच्या गुणथलिका (१७) आणि राजपक्षा (३८) यांनी काहीशी भागिदारी करत संघाचा डाव सावरला. त्याच्यानंतर करुणारत्ने याने ३१ धावांची खेळी करत संघाला किमान १०० पार पोहोचवण्यात मदत केली. इतर खेळाडूंना साधी दुहेरी संख्याही गाठता आली नाही. ज्यामुळे १०५ धावांवर श्रीलंकेचा संघ सर्वबाद झाला. यावेळी फजलक फारुखीने सर्वाधिक ३ विकेट घेतल्या. तर मोहम्मद नबी, मुजीबने प्रत्येकी २ आणि नवीन उल् हकने एक विकेट घेतली.

अवघ १०६ धावांच आव्हान पार करण्यासाठी मैदानात आलेल्या अफगाणिस्तानच्या फलंदाजांनी अगदी एकहाती विजय संघाला मिळवून दिला. सलामीवीर हजरतुल्ला जजाईने ३७, रहमनउल्लाह गुरबाजने ४० आणि इब्राहीम जद्रानने १५ नजिबउल्लाह जद्रानने दोन धावा करत संघाला आठ गडी राखून १०. १ ओव्हरमध्येच विजय मिळवून दिला.