बिहार सरकारने राज्यातील दोन मोठे सुपरस्टार, आकाशदीप आणि मुकेश कुमार यांचा एका भव्य कार्यक्रमात सन्मान केला. बिहारचे मुख्यमंत्री सम्राट चौधरी यांनी दोन्ही खेळाडूंना डीएसपी पदाची नियुक्तीपत्रे दिली. आता याबाबत एक नवीन बातमी समोर येत आहे.दोन्ही खेळाडूंच्या नोकऱ्या धोक्यात आल्या आहेत. जर त्यांना बिहार पोलिसात दीर्घकाळ राहायचे असेल, तर त्यांना सरकारची ही अट मान्य करावी लागेल.
AFG vs IRE: अटल-जादरानने गाजवलं मैदान! अफगाणिस्तानचा आयर्लंडवर दणदणीत विजय; मालिकाही घातली खिशात
सासारामचा रहिवासी असलेला आकाशदीप आणि गोपालगंजचा रहिवासी असलेला मुकेश कुमार हे सध्या बिहार पोलिसात डीएसपी आहेत. मात्र, बिहार सरकारने आता नुकत्याच सरकारी नोकरी मिळालेल्या खेळाडूंवर एक अट घातली आहे. सरकारने हे स्पष्ट केले आहे की, क्रीडा कोट्यातून सरकारी नोकरी मिळवणाऱ्या खेळाडूंना पुढील पाच वर्षे त्यांच्या खेळाशी संबंधित सर्व स्पर्धांमध्ये भाग घ्यावा लागेल. त्यामुळे, आकाशदीप आणि मुकेश कुमार यांना आता टीम इंडियाचा भाग नसतानाही पुढील पाच वर्षे देशांतर्गत क्रिकेट खेळावे लागेल. तंदुरुस्त झाल्यानंतरही ते असे करण्यात अयशस्वी झाल्यास, त्यांना आपली डीएसपीची नोकरी गमवावी लागू शकते. त्या दोघांनी एकत्र बिहार पोलिस अधिकाऱ्यांची भेटही घेतली.
बिहार सरकारच्या २०२६ च्या रिक्रुटमेंट ऑफ आउटस्टँडिंग स्पोर्ट्सपर्सन रेगुलेशनच्या नियमावलीनुसार, नियुक्त खेळाडूंना नोकरीत रुजू झाल्याच्या तारखेपासून पाच वर्षे सक्रिय खेळाडू म्हणून स्पर्धांमध्ये भाग घेणे बंधनकारक आहे. शासकीय सेवेत असताना क्रीडा क्षेत्रात सहभाग कायम ठेवणे अनिवार्य आहे. याचा अर्थ असा की, जर एखादा खेळाडू अटींनुसार क्रीडा स्पर्धांमध्ये सक्रियपणे सहभागी होऊ शकत नसेल, तर त्याची सेवा कायम करण्यात अडचणी येऊ शकतात. बिहार सरकारच्या ‘मेडल लाओ, नोकरी पाओ’, (‘पदक आणा, नोकरी मिळवा’) या योजनेअंतर्गत, आंतरराष्ट्रीय स्तरावर राज्य आणि देशाला गौरव मिळवून देणाऱ्या खेळाडूंना शासकीय सेवेत नियुक्त केले जाते.
सध्या आकाशदीप आणि मुकेश कुमार दोघेही भारतीय संघातून बाहेर आहेत. दुखापतीमुळे आकाशदीप श्रीलंकेविरुद्धची कसोटी मालिका खेळू शकला नाही. त्याच दुखापतीमुळे तो आयपीएल २०२६ मध्येही खेळू शकला नाही. मुकेश कुमार सध्या दुखापतीमुळे क्रिकेटपासून दूर आहे. आकाशदीप सिंग गेल्या वर्षी भारतासाठी खेळला होता. मुकेश कुमार शेवटचा २०२४ मध्ये भारतीय संघाकडून खेळला होता. तेव्हापासून तो पुनरागमन करण्याचा प्रयत्न करत आहे.
आकाशदीपने २०२४ मध्ये इंग्लंडविरुद्ध रांची कसोटीत आंतरराष्ट्रीय पदार्पण केले आणि २०२५ मध्ये ओव्हल येथे भारतासाठी आपला शेवटचा सामना खेळला, तर मुकेश कुमारने २०२३ च्या वेस्ट इंडिज दौऱ्यात तिन्ही फॉरमॅटमध्ये पदार्पण केले. त्याने २०२४ मध्ये झिम्बाब्वेविरुद्ध आपला शेवटचा आंतरराष्ट्रीय सामना खेळला.
Mitchell Starc चा ऐतिहासिक विक्रम! हेराथला मागे टाकत बनला टेस्ट क्रिकेटचा नंबर-1 लेफ्ट-आर्म बॉलर
.png "Videos"){kind=small}
