PCB ला आणखी एक झटका! आयसीसीने मॅच रेफरीला हटवण्याची मागणी फेटाळली; आता पाकिस्तान काय करणार?

आता आयसीसीच्या सूत्रांनी पीटीआय वृत्तसंस्थेला माहिती दिली आहे की आयसीसीने पीसीबीची ही मागणी फेटाळून लावली आहे. आता पाकिस्तान क्रिकेट संघ काय करेल हे पाहणे बाकी आहे.

आशिया कप २०२५ मध्ये ‘हातमिळवू नका’ या वादाबद्दल पाकिस्तान क्रिकेट बोर्डाची (PCB) मागणी आयसीसीने औपचारिकपणे फेटाळली आहे. पीसीबीने मॅच रेफरी अँडी पायक्रॉफ्ट यांना स्पर्धेतून काढून टाकण्याची मागणी केली होती, परंतु आयसीसीने स्पष्ट केले आहे की ते त्यांच्या भूमिकेत कायम राहतील. भारतीय संघाचा ७ विकेट्सने दारुण पराभव झाल्यानंतर हा संपूर्ण मुद्दा उद्भवला, जेव्हा टीम इंडियाच्या खेळाडूंनी पाकिस्तानी खेळाडूंशी हस्तांदोलन केले नाही.

यामुळे संतप्त होऊन पीसीबीने मॅच रेफ्रींबद्दल एसीसी आणि आयसीसीकडे तक्रार केली. एवढेच नाही तर पीसीबीने असेही म्हटले आहे की जर आयसीसीने पाकिस्तानची मागणी मान्य केली नाही तर ते स्पर्धेवर बहिष्कार टाकतील म्हणजेच १७ सप्टेंबर रोजी यूएई विरुद्धच्या सामन्यात खेळणार नाहीत. अशा परिस्थितीत, आता आयसीसीच्या सूत्रांनी पीटीआय वृत्तसंस्थेला माहिती दिली आहे की आयसीसीने पीसीबीची ही मागणी फेटाळून लावली आहे. आता पाकिस्तान क्रिकेट संघ काय करेल हे पाहणे बाकी आहे.

India vs Pakistan : BCCI ने पाकिस्तानचं केलं तोंड बंद! No Handshake प्रकरणात दिलं प्रत्युत्तर, PCB गप्प

पीसीबीला आयसीसीचे स्पष्ट उत्तर

खरंतर, मॅच रेफरी अँडी पायक्रॉफ्ट यांनी पाकिस्तानचा कर्णधार सलमान अली आघा यांना नाणेफेकीदरम्यान भारतीय कर्णधार सूर्यकुमार यादवशी हस्तांदोलन करण्यास मनाई केल्यामुळे पीसीबी नाराज होते, परंतु आयसीसीने त्यांच्या उत्तरात स्पष्ट केले आहे की हा निर्णय रेफरींचा वैयक्तिक नव्हता.

मैदानावर उपस्थित असलेल्या एसीसी अधिकाऱ्यांनी पायक्रॉफ्टला आधीच कळवले होते की टॉसच्या वेळी हस्तांदोलन होणार नाही. त्याच वेळी, पीसीबी मॅच रेफरीच्या या वागण्यावर संतापला आणि त्याने आयसीसीकडे त्याच्याबद्दल तक्रार केली. त्यांनी मॅच रेफरी अँडीला स्पर्धेतून काढून टाकण्याची मागणीही केली, परंतु आयसीसीने त्यांची मागणी फेटाळून लावली.

See more

🚨 REPORTS 🚨 The ICC has officially rejected the PCB’s demand to replace match referee Andy Pycroft in the Asia Cup 2025. 🏆#Cricket #India #Pakistan #AsiaCup pic.twitter.com/Y1mKHJtGKS — Sportskeeda (@Sportskeeda) September 16, 2025

आशिया कपसाठी अँडी पायक्रॉफ्टला मॅच रेफरी पॅनेलमधून काढून टाकण्याची पाकिस्तानची मागणी फेटाळण्यात आली आहे, ही माहिती आयसीसी सूत्रांनी दिली आहे. जर पाकिस्तानच्या संघाने आशिया कपवर बहिष्कार टाकला म्हणजेच युएईविरुद्ध सामना खेळला नाही, तर युएईला याचा फायदा होईल आणि ते सुपर-४ साठी पात्र ठरेल. त्याच वेळी, बहिष्कारामुळे पाकिस्तानचा संघ आशिया कप २०२५ मधून थेट बाहेर पडेल.

पाकिस्तान संघ सध्या आशिया कप २०२५ च्या ग्रुप-अ पॉइंट टेबलमध्ये दोन पैकी एक सामना जिंकून दोन गुणांसह दुसऱ्या स्थानावर आहे. भारताच्या संघाने पाकिस्तानला पराभूत करुन टीम इंडिया आता पहिल्या स्थानावर विराजमान आणि सुपर 4 मध्ये देखील संघाने प्रवेश केला आहे. भारताच्या संघाचे लक्ष हे आशिया कपच्या ट्राॅफीवर असणार टीम इंडियाने दोन्ही सामन्यामध्ये कमालीची कामगिरी केली आहे.