फोटो सौजन्य - एक्स
आशिया कप २०२५ चा ९ वा लीग सामना आज अबू धाबी येथे खेळला जाणार आहे, जो बांगलादेश आणि अफगाणिस्तान यांच्यात आहे. दोघेही ग्रुप बी मध्ये आहेत. दोन्ही संघासाठी हा सामना फारच महत्वाचा आहे. भारताच्या संघाने सुपर 4 मध्ये प्रवेश केला आहे. आज बांगलादेश आणि अफगाणिस्तान या दोन संघामध्ये लढत होणार आहे. या सामन्याच्या निकालावर बरेच काही अवलंबून आहे. एका संघाचा विजय दोन संघांना सुपर ४ चे तिकीट देऊ शकतो, तर एका संघाचा विजय सुपर ४ च्या शर्यतीत तीन संघांना जिवंत ठेवू शकतो.
हाँगकाँगचा संघ या गटातून बाहेर पडला आहे, परंतु श्रीलंका, अफगाणिस्तान आणि बांगलादेश यांच्यात सुपर ४ साठीची लढाई अजूनही सुरू आहे, ज्यामध्ये आजच्या सामन्यानंतर चित्र स्पष्ट होऊ शकते. खरं तर, जर बांगलादेश विरुद्ध अफगाणिस्तान सामन्याचा निकाल बांगलादेशच्या बाजूने गेला, तर श्रीलंका, बांगलादेश आणि अफगाणिस्तान संघ सुपर ४ च्या शर्यतीत राहतील. अफगाणिस्तान आणि श्रीलंका यांच्यातील शेवटच्या सामन्यानंतर, या गटातून कोणते दोन संघ सुपर ४ साठी पात्र ठरतील हे कळेल.
Bangladesh 🇧🇩 🆚 Afghanistan 🇦🇫| Match 9 | Asia Cup 2025 16 September 2025 | 8:30 PM | Sheikh Zayed Stadium, Abu Dhabi#Bangladesh #TheTigers #BCB #Cricket #AsiaCup #Cricket #TigersForever #AsiaCup2025 pic.twitter.com/ZaJVW7Fn31 — Bangladesh Cricket (@BCBtigers) September 16, 2025
जर बांगलादेश संघ हा सामना गमावला, तर आजच श्रीलंका आणि अफगाणिस्तान संघ गट बी मधून सुपर ४ मध्ये जातील हे निश्चित होईल. बांगलादेश संघाने या स्पर्धेत दोन सामने खेळले आहेत, त्यापैकी एक सामना गमावला आहे. आज बांगलादेशला तिसरा आणि शेवटचा सामना खेळायचा आहे. जर संघ हरला तर तो स्पर्धेतून बाहेर पडेल आणि अफगाणिस्तान आणि श्रीलंकेला सुपर ४ मध्ये जाण्याची संधी मिळेल, परंतु जर संघ जिंकला तर बांगलादेशलाही सुपर ४ मध्ये जाण्याची संधी मिळेल.
अफगाणिस्तान आणि श्रीलंका यांच्यातील सामन्याच्या निकालानंतर कोणते संघ सुपर ४ मध्ये पोहोचतील हे निश्चित होईल. जर आज बांगलादेश जिंकला आणि नंतर श्रीलंकेने अफगाणिस्तानला हरवले, तर श्रीलंका आणि बांगलादेशला सुपर ४ मध्ये प्रवेश मिळेल. जर आज बांगलादेश जिंकला आणि नंतर अफगाणिस्तानने श्रीलंकेला हरवले, तर ४-४ गुणांनंतर कोणत्या दोन संघांचा नेट रन रेट चांगला आहे हे पाहिले जाईल. सध्या तरी श्रीलंका आणि अफगाणिस्तान संघ बांगलादेशपेक्षा खूप पुढे आहेत.
.png "Videos"){kind=small}
