शनिवार, 31 ऑक्टोबर 2026
Samruddhi Parte
शिवाजी विद्यापीठ, कोल्हापूर येथील कुस्ती संकुलात नुकत्याच या स्पर्धा पार पडल्या. या स्पर्धेत समृद्धीने आपल्या कौशल्याच्या जोरावर उत्कृष्ट कामगिरी करत रौप्यपदकावर नाव कोरले. तिच्या या यशाचे सर्व स्तरांतून कौतुक होत असून, महाविद्यालयाच्या इतिहासात क्रीडा क्षेत्रात विशेष प्राविण्य मिळविले आहे.या प्रसंगी भैय्यासाहेब जाधवराव, प्रा. नारायण चौधरी, चंद्रकांत इंगवले, प्रभारी प्राचार्य प्रा. (डॉ.) अंबादास सकट, सतीश भोसले, प्रशांत डोंगरे आणि जितेंद्र चव्हाण उपस्थित होते.
बोलताना मदनदादा भोसले म्हणाले की, जिद्द, चिकाटी आणि आत्मविश्वासाच्या जोरावर कोणतेही यश संपादन करता येते. आजच्या स्पर्धात्मक युगात मुली शिक्षण, कला आणि क्रीडा अशा विविध क्षेत्रांत उल्लेखनीय कामगिरी करत आहेत. विद्यार्थ्यांनी क्रीडा स्पर्धांमध्ये मोठ्या संख्येने सहभागी होऊन आपल्या कौशल्याला वाव द्यावा, असे आवाहन त्यांनी केले. तसेच समृद्धीचे अभिनंदन करून तिला पुढील स्पर्धांसाठी शुभेच्छा दिल्या.
समृद्धीच्या या यशाबद्दल जनता शिक्षण संस्थेचे सचिव डॉ. जयवंत चौधरी आणि सर्व संचालक मंडळाने समाधान व्यक्त करत समृद्धीचे विशेष कौतुक केले. महाविद्यालयाचे प्राचार्य डॉ. गुरुनाथ फगरे आणि क्रीडा विभागप्रमुख मेजर (डॉ.) समीर पवार यांचे समृद्धीला उत्तम मार्गदर्शन लाभले. महाविद्यालयाच्या क्रीडा विभागाकडून मिळणारे योग्य मार्गदर्शन आणि प्रोत्साहन यांमुळेच हे यश संपादन करता आले, अशी भावना समृद्धीने यावेळी व्यक्त केली.समृद्धी पार्टे हिने मिळविलेल्या या यशाबद्दल तिचे महाविद्यालयातील प्राध्यापक, शिक्षकेतर कर्मचारी, विद्यार्थी आणि वाई पंचक्रोशीतील नागरिकांकडून अभिनंदन होत आहे.
