सातारा रोड येथील टेंभेकर फार्मस्‌ क्रिकेट मैदानावर झाला अंतिम सामना
सातारा रोड येथील टेंभेकर फार्मस्‌ क्रिकेट मैदानावर झालेल्या या अंतिम सामन्यात इकोल स्पोर्ट्‌स फाऊंडेशन संघाने नाणेफेक जिंकून पहिल्यांदा फलंदाजी करण्याचा निर्णय घेतला. परंतु इकोल संघाचा डाव उभा राहीला नाही. जेनिसेस शिरोडकर (१४ धावा) हिच्या व्यतिरिक्त कोणताही फलंदाज दुहेरी धावसंख्या गाठू शकला नाही. इकोल संघाचा डाव १९.३ षटकात ४३ धावांवर गडगडला. संकर्षण खांडेकर याने चार धावांत तीन गडी तर, शिवेश वेदासेन याने सात धावांत तीन गडी टिपले आणि इकोल संघाच्या डावाला खिंडार पाडले. हे लक्ष्य अवधुत विभुते क्रिकेट ॲकॅडमीने ७.२ षटकात सहज पूर्ण केले. आर्यन बरगाळे याने नाबाद २९ धावा जमवून संघाचे विजेतेपद निश्चित केले.
स्पर्धेचे पारितोषिक वितरण कार आर्टचे तुषार शिंदे, स्टेडियम क्रिकेट क्लबचे संस्थापक भरत मारवाडी आणि ४० वर्षावरील खेळाडू संतोषकुमार सांगळे यांच्या हस्ते करण्यात आले. कार्यक्रमाचे सुत्रसंचालन स्पोर्ट्सफिल्ड मॅनेजमेंटचे सनी मारवाडी आणि आभार अमित काळे यांनी मानले. विजेत्या अवधुत विभुते क्रिकेट ॲकॅडमी आणि उपविजेत्या इकोल स्पोर्ट्‌स फाऊंडेशन संघांना करंडक आणि मेडल्स्‌ देण्यात आली.
इकोल स्पोर्ट्‌स फाऊंडेशनः १९.३ षटकात १० गडी बाद ४३ धावा (जेनिसेस शिरोडकर १४, संकर्षण खांडेकर ३-४, शिवेश वेदासेन ३-७, शौर्य मगर १-२ ) पराभूत वि. अवधुत विभुते क्रिकेट ॲकॅडमीः ७.२ षटकात १ गडी बाद ४४ धावा (आर्यन बरगाळे नाबाद २९, आरव खारकर १-१३); सामनावीरः शिवेश वेदासेन
Sportsfield Monsoon League: विजय ॲकॅडमीची हॅटट्रिक, तर इकोल स्पोर्ट्सची विजयी घोडदौड कायम
स्पर्धेतील सर्वोत्कृष्ट खेळाडूः भुजंग धुलगूंडे (३९५ धावा; २ बळी; अवधुत विभुते ॲकॅडमी);
सर्वोत्कृष्ट फलंदाजः अरिन सातपुते (३१२ धावा; मिलेनियम नॅशनल स्कूल);
सर्वोत्कृष्ट गोलंदाजः सार्थ बदाडे (१२ बळी; अवधुत विभुते ॲकॅडमी);
सर्वोत्कृष्ट क्षेत्ररक्षकः रूद्र भोसले (९ बाद; किरण क्रिकेट ॲकॅडमी);
सर्वोत्कृष्ट यष्टीरक्षकः रायन पानसकर (१५ बाद; इकोल स्पोर्ट्‌स फाऊंडेशन);
सर्वोत्कृष्ट उदयोन्मुख खेळाडू (मुलगा)ः वैदीक चर्तुवेदी (आर्यन्स्‌ क्रिकेट ॲकॅडमी);
सर्वोत्कृष्ट उदयोन्मुख खेळाडू (मुलगी)ः अनुसूया कबाडे (इकोल स्पोर्ट्‌स फाऊंडेशन);
फेअर प्ले पुरस्कारः फॅन्टम क्रिकेट ॲकॅडमी.
.png "Videos"){kind=small}
