Fencing Championship 2026: तलवारबाजी स्पर्धेत ‘जिजाऊंच्या लेकींचा’ डंका; सुवर्णसह आठ पदकांवर कोरले नाव

Buldhana Fencing Championship 2026 : परभणी येथे झालेल्या राज्यस्तरीय तलवारबाजी स्पर्धेत बुलढाणा जिल्ह्याच्या खेळाडूंनी सुवर्ण, रौप्य आणि कांस्य पदकांची कमाई करत शानदार कामगिरी केली.

• तलवारबाजीत बुलढाण्याचा दणका
• सुवर्ण, रौप्य, कांस्यसह पदकांची बरसात
• राज्यस्तरीय स्पर्धेत पदकांवर कब्जा

बुलढाणा: परभणी येथे २१ ते २३ ऑगस्टदरम्यान पार पडलेल्या राज्यस्तरीय तलवारबाजी स्पर्धेत बुलढाणा जिल्ह्याच्या खेळाडूंनी आपल्या अद्वितीय कौशल्याच्या जोरावर उत्तुंग यश संपादन केले. बुलढाणा जिल्हा तलवारबाजी असोसिएशन अंतर्गत सहभागी झालेल्या ‘जिजाऊंच्या लेकोंनी विविध क्रीडा प्रकारांत सुवर्ण, रौप्य आणि कांस्य पदकांवर मोहर उमटवली. या राज्यस्तरीय स्पर्धेतील उत्कृष्ट कामगिरीच्या बळावर सर्व विजेत्या व पात्र खेळाडूंची जम्मू-काश्मीर येथे होणाऱ्या आगामी राष्ट्रीय तलवारबाजी स्पर्धेसाठी निवड झाली. यामध्ये इपी प्रकारात सार्थक जाधव, देवांश चव्हाण, खुशी वाघमारे, फॉइल प्रकारात शिवांश वाघमारे, सुखवीर जाधव, सेबर प्रकारात वीर कुलट, वेद शिंगणे, कार्तिक रिढे या खेळाडूंनी शेवटच्या क्षणापर्यंत दिलेली कडवी झुंज आणि दाखवलेली क्रीडावृत्ती वाखण्याजोगी होती.

६ हजारांहून अधिक सायकलस्वार एकत्र येणार!PM मोदींच्या वाढदिवसानिमित्त पुण्यात भव्य वॉकेथॉन अन् सायकल रॅली

या यशामागे प्रशिक्षक आकाश बनसोड यांचे अथक परिश्रम व नियमित सराव कारणीभूत ठरला. तसेच, असोसिएशनचे सचिव शेषनारायण लोढे, राज्य शिवछत्रपती क्रीडा पुरस्कारप्राप्त शिक्षक, अध्यक्ष शिवाजी राजे जाधव, उपाध्यक्ष मयूर बाहेकर, सहसचिव शिवश्री नीतीन जेऊघाले आणि प्रवीण मिसाळ यांचे मार्गदर्शन लाभले.

राज्यस्तरीय स्पर्धा

राज्यस्तरीय स्पर्धेत सेबर प्रकारात सोमश्री पाटील हिने सुवर्णपदक पटकावले. याच प्रकारात स्वरा जगताप आणि क्रांती कुलट यांनी कांस्यपदक मिळविले. इपी प्रकारात शर्वरी मिसाळ हिने रौप्यपदक पटकावले, तर अक्षरा पांडव व आरोही क्षीरसागर यांनी कांस्यपदक मिळविले. फॉइल प्रकारात अन्विता सावळे हिने दुहेरी यश मिळवत एक रौप्य आणि एक कांस्यपदक आपल्या नावे केले. तर ओवी आहेर हिने कांस्यपदकाची कमाई केली. या स्पर्धेत अत्यंत चुरशीच्या सामन्यांमध्ये अवघ्या काही गुणांच्या फरकाने पदक हुकलेल्या. परंतु, आपल्या शानदार खेळाच्या जोरावर रॅकिंगमध्ये ‘टॉप १५’ मध्ये स्थान पटकावणाऱ्या खेळाडूंचेही विशेष कौतुक होत आहे.

बुद्धिबळाच्या पटावर R Praggnanandhaa चा डंका! Grand Chess Tour जिंकणारा पहिला भारतीय