Commonwealth Games 2026: अस्मिता डे ने रचला इतिहास, Judo मध्ये कमावले पहिले Gold Medal; भारताची मान उंचावली

Commonwealth Games 2026: त्रिपुराच्या २३ वर्षीय अस्मिता डे हिने महिलांच्या ४८ किलो वजनी गटात कॅनडाच्या हेडी क्वाचला गोल्डन स्कोअरमध्ये पराभूत करून सुवर्णपदक जिंकले.

• अस्मिता डे ची सुवर्ण कामगिरी 

• कॉमनवेल्थ गेम्स २०२६ मध्ये भारताची मान उंचावली 

• ज्युडो फायनलमध्ये कमावले मेडल 

यावेळी भारतीय खेळाडूंनी Commonwealth Games 2026 मध्ये चांगली कामगिरी केली आहे. दरम्यान त्रिपुराची २३ वर्षीय ज्युडोपटू अस्मिता डे हिने शुक्रवारी राष्ट्रकुल क्रीडा स्पर्धेत इतिहास रचला आहे. महिलांच्या ४८ किलो वजनी गटाच्या अंतिम सामन्यात उल्लेखनीय पुनरागमन करत अस्मिताने कॅनडाच्या हेडी क्वाचचा पराभव करून सुवर्णपदक जिंकले. यासह, अस्मिता राष्ट्रकुल क्रीडा स्पर्धेच्या इतिहासात भारताची पहिली ज्युडो सुवर्णपदक विजेती ठरली.

सुरुवातीला मागे पडल्यानंतरही अस्मिताने दृढनिश्चय दाखवला. अंतिम सामना अस्मितासाठी अत्यंत आव्हानात्मक सुरू झाला. कॅनेडियन प्रतिस्पर्धी हेडी क्वाचने सुरुवातीलाच एक युको गुण मिळवला आणि अस्मिताला शिडो पेनल्टीही लागली. तथापि, भारतीय खेळाडू डगमगली नाही आणि आक्रमक पवित्रा घेत तिने मध्यंतरी सामना १-१ असा बरोबरीत आणला. त्यानंतर निर्धारित वेळेत दोन्हीपैकी कोणताही खेळाडू निर्णायक गुण मिळवू शकला नाही, ज्यामुळे सामना गोल्डन स्कोअरमध्ये गेला.

Commonwealth Games 2026: भारताचे २ मेडल्स झाले पक्के! प्रिती पवार आणि अंकुश पांघलने Boxing मध्ये मिळवली जागा

गोल्डन स्कोअरमध्ये एका अचूक खेळीने ऐतिहासिक सुवर्णपदक जिंकले

Scripting history on the judo mat! 🥋🥇🇮🇳 Heartiest congratulations to our Khelo India athlete Asmita Dey on winning Gold in the Women’s 48kg event at the Commonwealth Games 2026. She has etched her name in history as the first Indian judoka to win a Commonwealth Games gold… pic.twitter.com/Lk3TMzNnsA — Dr Mansukh Mandaviya (@mansukhmandviya) July 31, 2026

या अत्यंत तणावपूर्ण गोल्डन स्कोअरच्या काळात, अस्मिताने आपले लक्ष केंद्रित ठेवले आणि योग्य संधीची वाट पाहिली. एका शानदार आणि अचूक हल्ल्याने, अस्मिताने आपला दुसरा युको पॉइंट मिळवून सामना आणि सुवर्णपदक जिंकले. अंतिम फेरीत पोहोचण्यासाठी तिने यापूर्वी स्कॉटलंडच्या इव्हा इविंग आणि समर शॉ यांचा पराभव केला होता.

भारतीय ज्युडो संघासाठी एका सुवर्णयुगाची सुरुवात

अस्मिता डेच्या सुवर्ण यशाने राष्ट्रकुल क्रीडा स्पर्धेत भारतीय ज्युडो संघासाठी एका नव्या पर्वाची सुरुवात केली आहे. अस्मिताच्या या ऐतिहासिक सुवर्णपदकानंतर, भारताचे लक्ष आता हर्ष सिंग आणि यामिनी मौर्य यांच्यातील आगामी अंतिम सामन्यावर लागले आहे, जिथे देशाला आणखी सुवर्णपदके जिंकण्याची अपेक्षा आहे. याशिवाय आजच्या बॉक्सिंगच्या सामन्यातही २ पदकं भारताला मिळाली असून आता तिथेही सुवर्णपदकाकडे भारत कूच करत असल्याचे दिसून येत आहे. यावर्षी भारतीय खेळाडूंनी खूपच चांगली कामगिरी केली असल्याचं समोर येतंय. 

CommonWealth Games 2026: भारताचा श्रीगणेशा! Zandu Kumar ने जिंकले कांस्यपदक, PM Modi म्हणाले…