Cristiano Ronaldo ने उरकले लग्न, फोटो झाला व्हायरल (फोटो सौजन्य - X.com)
मिळालेल्या माहितीनुसार, हा विवाह सोहळा पोर्तुगालची राजधानी लिस्बनजवळील कास्केस या सुंदर किनारपट्टीच्या शहरात पार पडला. कोणताही मोठा समारंभ न करता, हा विवाह सोहळा अत्यंत खाजगी आणि जिव्हाळ्याचा होता, ज्यात केवळ हे जोडपे आणि त्यांची पाच मुले उपस्थित होती. रोनाल्डो आणि जॉर्जियाना यांची पाच मुले म्हणजे क्रिस्टियानो ज्युनियर, जुळी मुलं इवा आणि मातेओ, अलाना मार्टिना आणि बेला एस्मेराल्डा.
या जोडप्याच्या नात्याची सुरुवात जवळपास एक दशकापूर्वी, २०१६ मध्ये स्पेनची राजधानी माद्रिद येथे झाली. त्यावेळी रोनाल्डो रियल माद्रिदकडून खेळत होता आणि जॉर्जिना गुचीच्या एका बुटीकमध्ये विक्री सहाय्यक म्हणून काम करत होती. त्यांच्या पहिल्या भेटीनंतर काही दिवसांतच, एका ब्रँड इव्हेंटमध्ये ते पुन्हा भेटले आणि त्यांच्यात प्रेमाचे नाते निर्माण झाले. स्पेनमध्ये सुरू झालेला हा प्रवास आता इटली, इंग्लंड आणि सौदी अरेबियापर्यंत पोहोचून एका सुंदर आणि सुखद वळणावर पोहचला आहे आणि त्यांचे कुटुंबही बहरले आहे.
जॉर्जिनाने नोव्हेंबर २०१७ मध्ये तिची पहिली मुलगी, अलाना मार्टिना हिला जन्म दिला. दरम्यान जॉर्जिनाने सरोगसीद्वारे जन्मलेल्या जुळ्या मुलांना (माटेओ आणि इवा) आणि रोनाल्डोचा मोठा मुलगा, क्रिस्टियानो ज्युनियर, यांना नेहमीच स्वतःच्या मुलांप्रमाणे वाढवले आहे. ते नेहमीच एकमेकांच्या पाठीशी उभे राहिले आहेत आणि सुख-दुःखात एकमेकांना साथ दिली आहे.
रोनाल्डोचा विक्रम आश्चर्यकारक आहे. आंतरराष्ट्रीय फुटबॉलमध्ये १४६ गोल करणाऱ्या आणि पाच वेळा बॅलोन डी’ओर जिंकणाऱ्या या ४१ वर्षीय खेळाडूने अलीकडेच आपल्या विक्रमी सहाव्या विश्वचषकात पोर्तुगालचे प्रतिनिधित्व केले. मात्र, ती मोहीम संघासाठी विशेष संस्मरणीय ठरली नाही. सध्या, रोनाल्डो सौदी प्रो लीग क्लब अल-नसरकडून खेळतो आणि या शनिवारी सुरू होणाऱ्या त्यांच्या नवीन देशांतर्गत हंगामात मैदानात उतरण्यास सज्ज आहे.
.png "Videos"){kind=small}
