राष्ट्रीय क्रिडा दिनानिमित्त गोयनका महाविद्यालयात विविध स्पर्धांचे आयोजन! मैदान गाजवणाऱ्या विजेत्या खेळाडूंचा गौरव

Sports Week in Goenka College Karanja: कारंजा येथील गोयंका महाविद्यालयात २९ ऑगस्ट ते २ सप्टेंबरदरम्यान मेजर ध्यानचंद यांच्या स्मृतिप्रीत्यर्थ राष्ट्रीय क्रीडा दिनानिमित्त क्रीडा सप्ताह उत्साहात साजरा करण्यात आला.

• गोयनका महाविद्यालयात क्रीडा सप्ताहाचा जल्लोष
• विजेत्या खेळाडूंवर बक्षिसांचा वर्षाव
• खेळाडूंच्या धमाकेदार कामगिरीला दाद

कारंजा: गोयनका महाविद्यालयात २९ ऑगस्ट ते २ सप्टेंबरपर्यंत राष्ट्रीय क्रीडा दिन साजरा करण्यात आला. बेरार जनरल एज्युकेशन सोसायटीचे अध्यक्ष अॅड. मोतीसिंहजी मोहता, मानद सचिव डॉ. पवनजी माहेश्वरी आणि महाविद्यालयाचे प्रा. डॉ. प्रदीप येवले उपस्थित होते. राष्ट्रीय क्रीडा दिनानिमित्त क्रीडा व शारीरिक शिक्षण विभागातर्फे मेजर ध्यानचंद यांच्या स्मृतिप्रीत्यर्थ आयोजित क्रीडा सप्ताहाचे उद्घाटन कनिष्ठ महाविद्यालयाच्या पर्यवेक्षक डॉ. दीप्ती दाणी यांच्या हस्तेझाले. यावेळी डॉ. अतुल महाले, प्रा. दीपाली तायडे व प्रा. शशिकांत नांदगावकर उपस्थित होते. मान्यवरांनी विद्याध्यर्थ्यांना मार्गदर्शन केले. क्रीडा सप्ताहात बुद्धिबळ, बास्केटबॉल, व्हॉलीबॉल तसेच विविध मैदानी स्पर्धेचे आयोजन करण्यात आले. बुद्धिबळ स्पर्धेत दानिश रेघीवाले विजेता ठरला.

नवा मालक, नवी सुरुवात… RCB चं नाव बदलणार? आर्यमन बिर्लांनी केला मोठा खुलासा; म्हणाले…

वास्केटबॉलमध्ये अन्सार रेघीवाले, रियाज चौधरी, समीर नौरंगाबादी व तौसीन मुन्नीवाले यांच्या संघाने विजेतेपद पटकावले. व्हॉलिबॉलमध्ये ओम कराडे, अहमद खेतीवाले, वसीम फकीरावाले, फरदीन दर्गेवाले, तौसीन मुन्नीवाले व रेहान खेतीवाले यांच्या संघाने बाजी मारली. स्पर्धेचे आयोजन क्रीडा विभागातर्फे डॉ. अंजली बर्डे व प्रा. शशिकांत नांदगावकर, महाविद्यालयाचे अधीक्षक मनोज राठोड, प्रा. मनोज पवार, प्रा. मुकुंद काळे, डॉ. सुनील राठोड, आदी उपस्थित होते.

धावण्याच्या शर्यतीत कपिल, सम्राट, फरदीनची बाजी

मैदानी स्पर्धांमध्ये १०० मीटर धावण्याच्या शर्यतीत मुलांच्या गटात बारावीतील कपिल वरघट याने प्रथम, तर तौसीफ बेनीवाले याने द्वितीय क्रमांक मिळविला. मुलींच्या गटात कोमल पारडे प्रथम, तर संस्कृती तोरसे द्वितीय ठरली. २०० मीटर धावण्यात सम्राट बोरकर प्रथम, तर तौसीफ बेनीवाले द्वितीय आला. ४०० मीटरमध्ये कपिल वरघट प्रथम, तर अरसुल याने द्वितीय क्रमांक मिळविला. १५०० मीटर धावण्याच्या स्पर्धेत फरदीन दर्गे याने प्रथम क्रमांक पटकावला. गोळाफेकमध्ये तोहसीफ नौरंगाबादी प्रथम, तर तौसीफ बेनीवाले द्वितीय ठरला.

Table Tennis: विदर्भाच्या भूमीवर पुणेकरांचा डंका! महाराष्ट्र मानांकन टेबल टेनिस स्पर्धेत प्रतिस्पर्धी गारद