रविवार, 1 नोव्हेंबर 2026
बारामतीतून शरद पवारांच्या दुष्काळी दौऱ्याला सुरुवात
बारामती : प्रतिनिधी राज्यात पावसाअभावी शेतीचे मोठे नुकसान झाले असून, अनेक भागांत पिण्याचे पाणी आणि जनावरांच्या चाऱ्याचा प्रश्न गंभीर बनला आहे. या पार्श्वभूमीवर ज्येष्ठ नेते तथा राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी दुष्काळग्रस्त भागांची पाहणी करण्यासाठी दौरा सुरू केला आहे. बारामतीतून या दौऱ्याला सुरुवात झाली असून, पुढील तीन दिवसांत सोलापूर, धाराशिव, बीड आणि अहिल्यानगर या जिल्ह्यांतील परिस्थितीचा ते आढावा घेणार आहेत. (Sharad Pawar Drought Tour)
दुष्काळाचे संकट केवळ शेतीपुरते मर्यादित राहिलेले नाही. पिकांचे घटलेले उत्पादन, पाण्याची कमतरता, पशुधनासाठी चारा उपलब्ध करण्यातील अडचणी आणि शेतकऱ्यांवरील वाढता आर्थिक ताण, अशा विविध समस्यांना ग्रामीण भागाला सामोरे जावे लागत आहे. या परिस्थितीत शेतकऱ्यांच्या प्रत्यक्ष बांधावर जाऊन त्यांच्या अडचणी समजून घेण्यावर शरद पवार भर देणार आहेत.
शेतकऱ्यांना मोठा दिलासा मिळणार? पुरंदर उपसा योजनेचे पाणी मोफत देण्याची विजय शिवतारेंची मागणी
यापूर्वी शरद पवार यांनी बारामती, पुरंदर आणि दौंड तालुक्यांतील दुष्काळी परिस्थितीची पाहणी केली होती. त्यावेळी शेतकऱ्यांनी पिकांचे नुकसान, पिण्याच्या पाण्याची टंचाई, जनावरांसाठी चारा आणि आर्थिक मदतीचा प्रश्न मांडला होता. दुष्काळाच्या तीव्रतेनुसार शासनाने तातडीने उपाययोजना कराव्यात, अशी अपेक्षाही व्यक्त करण्यात आली होती.
दुष्काळग्रस्त शेतकऱ्यांना दिलासा देण्यासाठी पवार यांनी यापूर्वी मुख्यमंत्री देवेंद्र फडणवीस यांच्याकडे विविध मागण्या केल्या आहेत. बाधित शेतकऱ्यांना हेक्टरी एक लाख रुपयांची मदत, कर्जमाफी आणि दुष्काळाच्या प्रश्नावर विशेष अधिवेशन घेण्याची मागणी त्यांनी केली होती.
चार जिल्ह्यांतील दौऱ्यादरम्यान शेतकरी, ग्रामस्थ आणि स्थानिक पदाधिकाऱ्यांशी संवाद साधून दुष्काळाची तीव्रता आणि स्थानिक गरजा जाणून घेतल्या जाणार आहेत. या दौऱ्यातून समोर येणाऱ्या समस्या आणि शेतकऱ्यांच्या मागण्यांचा एकत्रित आढावा घेऊन शरद पवार मुख्यमंत्री देवेंद्र फडणवीस यांची भेट घेणार असल्याची माहिती आहे.
दुष्काळग्रस्त भागातील शेतकऱ्यांना प्रत्यक्ष मदत कधी मिळणार, पाणी व चाऱ्याची व्यवस्था कशी होणार आणि नुकसानभरपाईबाबत शासन काय निर्णय घेणार, याकडे आता शेतकरी वर्गाचे लक्ष लागले आहे.
पावसाने वाळणारी पिकं आता वाचणार? तूर, कपाशी आणि हळदीला सिंचनासाठी पाणी देण्याचा निर्णय!
Ans: शरद पवार सोलापूर, धाराशिव, बीड आणि अहिल्यानगर या चार जिल्ह्यांचा दौरा करून दुष्काळी परिस्थितीचा आढावा घेणार आहेत.
Ans: बाधित शेतकऱ्यांना हेक्टरी एक लाख रुपयांची मदत, कर्जमाफी आणि दुष्काळाच्या प्रश्नावर विशेष अधिवेशन घेण्याची मागणी त्यांनी केली आहे.
Ans: चार जिल्ह्यांतील दुष्काळी परिस्थितीचा आढावा घेतल्यानंतर शेतकऱ्यांच्या समस्या, पीक नुकसान, पाणीटंचाई, चारा उपलब्धता आणि आर्थिक मदतीच्या मागण्यांवर चर्चा करण्यासाठी ते मुख्यमंत्र्यांची भेट घेणार आहेत.
