IND vs SA 2nd T20 : भारत मालिकेत आघाडी साधणार? TOSS जिंकून घेतला गोलंदाजीचा निर्णय; दक्षिण आफ्रिका करणार फलंदाजी 

पाच सामन्यांच्या टी20 मालिकेतील दुसऱ्या सामन्यात भारताने टॉस जिंकून प्रथम गोलंदाजी करण्याचा निर्णय घेतला आहे. तर दक्षिण आफ्रिका फलंदाजी करताना दिसणार आहे.

IND vs SA 2nd T20 : भारत आणि दक्षिण आफ्रिका यांच्यात पाच सामन्यांची  T20 मालिका खेळली जात आहे. या मालिकेतील दुसरा सामना आज चंदीगडमधील मुल्लानपूर स्टेडियमवर खेळवण्यात येणार आहे. या सामन्याआधी भारताने टॉस जिंकून प्रथम गोलंदाजी करण्याचा निर्णय घेतला आहे. तर दक्षिण आफ्रिका फलंदाजी करताना दिसणार आहे.

हेही वाचा : IND vs SA 2nd T20 : ‘मिस्टर 360’ होणार रो-कोच्या ‘त्या’ खास क्लबमध्ये सामील! एबी डिव्हिलियर्सचाही विक्रम मोडण्याची असेल संधी

याआधी कटकमध्ये झालेल्या पहिल्या टी 20 सामन्यात भारताने दक्षिण आफ्रिकेवर  101 धावांनी विजय मिळवला आहे. या विजयसह भारताने मालिकेत 1-0 अशी आघाडी घेतली आहे. आता कर्णधार सूर्यकुमार यादव दूसरा सामना देखील जिंकून ही आघाडी कायम ठेवण्याचा प्रयत्न करेल तर दक्षिण आफ्रिकेचा कर्णधार एडन मार्कराम दूसरा सामना जिंकून मालिकेत बरोबरी साधण्याच्या इराद्याने मैदानात उतरेल.  ,

हेही वाचा : IND vs SA 2 nd T20I : पाकिस्तानला मागे टाकून विश्वविक्रमाची भारताला संधी! दक्षिण आफ्रिकेला पराभूत करताच रचला जाईल इतिहास

प्रथम गोलंदाजी करणे हा एक चांगला पर्याय : सुरकुमार यादव

टॉस जिंकल्यावर कर्णधार सूर्यकुमार यादवने सांगितले की,  “प्रथम गोलंदाजी करू. थोडे दव पडले आहे, म्हणून प्रथम गोलंदाजी करणे हा एक चांगला पर्याय आहे. हे एक अद्भुत मैदान आहे. येथे पहिला पुरुषांचा सामना आहे, त्यासाठी खूप उत्सुक आहोत. मुलांनी जबाबदारी पार पाडणे खरोखर महत्वाचे आहे. त्या विकेटवर १७५ धावा जास्त होत्या. आमच्या गोलंदाजांचा हा एक सुंदर प्रयत्न होता. तो ज्या पद्धतीने संतुलन साधतो ते आश्चर्यकारक आहे. तो ज्या पद्धतीने शांत राहतो, त्याचे षटके देखील संघासाठी खूप महत्वाचे आहेत. आम्ही त्याच संघासोबत जातो.”

आम्ही प्रथम गोलंदाजी केली असती : एडन मार्कराम

टॉस गमावणारा दक्षिण आफ्रिकेचा कर्णधार एडन मार्कराम म्हणाला की, “आम्ही देखील तेच केले असते. खेळपट्टी चांगली दिसते. आम्ही प्रथम गोलंदाजी केली असती. धावा पटावर ठेवल्या पाहिजेत आणि त्यांच्यावर दबाव आणला पाहिजे. नेहमीच धडे घ्यावे लागतात. गोष्टींमध्ये खोलवर जावे लागते. अशा रात्री तुम्हाला येणार आहेत. मला खात्री नाही. पहिल्या काही षटकांनंतर आम्हाला अभिप्राय मिळेल. आम्हाला चांगली धावसंख्या उभारायची आहे. आमच्याकडे तीन बदल आहेत. रीझा, लिंडे आणि बार्टमन आले आहेत.”

दोन्ही संघांसाठी संभाव्य प्लेइंग ११ 

भारतीय संघ : अभिषेक शर्मा, शुभमन गिल, सूर्यकुमार यादव (कर्णधार), टिळक वर्मा, अक्षर पटेल, हार्दिक पंड्या, शिवम दुबे, जितेश शर्मा (यष्टिरक्षक), जसप्रीत बुमराह, वरुण चक्रवर्ती, अर्शदीप सिंग

दक्षिण आफ्रिका : एडेन मार्कराम (कर्णधार), क्विंटन डी कॉक (यष्टिरक्षक), ट्रिस्टन स्टब्स, डेव्हिड मिलर, देवाल्ड ब्रुविस, डोनोवन फरेरा, मार्को जानसेन, लुथो सिपामला,  लुंगी एनगिडी, जॉर्ज लिंडा, रिजा हेंड्रिंक्स