शनिवार, 19 सप्टेंबर 2026
IND W Ban W Asian Games 2026
Asian Games 2026: सेमीफायनलसाठी ‘हे’ 4 संघ सज्ज; पदकासाठी ‘आरपार’ची लढाई! कोण कोणाशी भिडणार?
आशियाई क्रीडा स्पर्धेच्या उपांत्य फेरीत भारत आणि बांग्लादेशचे महिला क्रिकेट संघ एकमेकांसमोर उभे ठाकतील. हरमनप्रीत कौरच्या नेतृत्वाखालील भारतीय संघाने स्पर्धेत उत्कृष्ट कामगिरी केली आहे. हा सामना २० सप्टेंबर रोजी होणार आहे. भारतीय प्रमाणवेळेनुसार सकाळी १०:३० वाजता सामन्याला सुरूवात होईल . नाणेफेक अर्धा तास आधी, म्हणजेच सकाळी १० वाजता होईल. जर सामना पूर्ण षटकांपर्यंत चालला, तर तो दुपारी १ वाजण्याच्या सुमारास संपेल. भारतीय महिला संघाला केवळ पदकासाठीच नव्हे, तर सुवर्णपदकासाठीही दावेदार मानले जाते. भारत विरुद्ध बांग्लादेश सामना जिंकणाऱ्या संघाचे पदक निश्चित होईल.
भारत-बांग्लादेश सामन्याचे थेट प्रक्षेपण सोनी स्पोर्ट्स नेटवर्कच्या चॅनल्सवर केले जाईल. स्मार्ट टीव्ही आणि मोबाईल फोनवर पाहण्यासाठी, तुम्ही सोनी लिव्ह ॲप डाऊनलोड करु शकता, परंतु,तुमच्याकडे सबस्क्रिप्शन असणे गरजेचे आहे.
उपांत्यपूर्व फेरीत भारताचा सामना जपानशी झाला. भारतीय संघाने हा सामना अगदी सहज जिंकला. जपानने प्रथम फलंदाजी केली आणि त्यांचा संघ ५७ धावांवर सर्वबाद झाला. श्री चरणीच्या फिरकी गोलंदाजीसमोर कोणीही टिकू शकले नाही. तिने चार विकेट्सले. तसेच,शफाली वर्माने दोन महत्वपूर्ण विकेट्स घेतले. भारतीय संघाने अवघ्या पाच षटकांत सहजपणे लक्ष्य गाठले आणि आठ विकेट्सने शानदार विजय मिळवला. याविजयासह त्यांनी उपांत्य फेरीत प्रवेश केला. शफालीने सर्वाधिक ४० धावा केल्या आणि उत्कृष्ट कामगिरीसाठी तिला सामनावीर म्हणून गौरविण्यात आले.
भारतीय संघ: शफाली वर्मा, स्मृति मंधाना, गुनालन कमलिनी, हरमनप्रीत कौर (कर्णधार), भारती फुलमाली, रिचा घोष, दीप्ति शर्मा, श्रेयंका पाटिल, श्री चरणी, क्रांति गौड, नंदनी शर्मा, रेणुका सिंह ठाकुर, अरुंधति रेड्डी, राधा यादव.
T20 क्रिकेटमध्ये Jos Buttler ची ‘दादागिरी’; असा विक्रम करणारा पहिलाच फलंदाज, पोलार्डला दिला ‘झटका’
