IPL suspended: IPL 2025 अनिश्चित काळासाठी स्थगित! भारत आणि पाकिस्तानमधील तणावादरम्यान BCCI चा मोठा निर्णय… 

भारत आणि पाकिस्तानमध्ये तणाव वाढताना दिसत आहे. ८ मे रोजी पाकिस्तानने भारतावर अनेक ड्रोन हल्ले करण्याचा प्रयत्न केला, ज्याला भारताने हाणून पाडले आहे. परंतु, खबरदारी म्हणून, गेल्या गुरुवारी धर्मशाळेत खेळला जाणारा पंजाब किंग्ज आणि दिल्ली कॅपिटल्स यांच्यातील सामना अर्ध्यावर थांबवण्यात आला होता. त्यानंतर आयपीएल रद्द होऊ शकते अशी शक्यता वर्तवली जात होती.  अखेर बीसीसीआयने सध्याची परिस्थिति बघता आयपीएल रद्द करण्यात आली आहे.

या बाबत बीसीसीआयच्या एका अधिकाऱ्याने पीटीआयला सांगितले की, “देशात युद्ध सुरू असताना क्रिकेट सुरू असणे,  हे चांगले दिसत नाही.” बीसीसीआयने आयपीएल संघांनाही स्थगितीबाबत माहिती दिली आहे. लवकरच बोर्डाकडून माध्यमांसाठी अधिकृत निवेदन जारी करण्यात येऊ शकते.

हेही वाचा : Indo pak war : PCB चे हाल बेहाल! भारतीय हल्ल्यात Rawalpindi Cricket Stadium उद्ध्वस्त, PSL हलवावे लागले दुबईला..

आयपीएल २०२५ चा अंतिम सामना २५ मे रोजी नियोजित करण्यात आला होता.  यावेळी रॉयल चॅलेंजर्स बंगळुरू, गुजरात टायटन्स, पंजाब किंग्ज आणि मुंबई इंडियन्स हे संघ विजेतेपदाच्या शर्यतीत होते. परंतु पाकिस्तानसोबतच्या वाढत्या तणावाच्या पार्श्वभूमीवर, भारतीय क्रिकेट नियामक मंडळाने आयपीएल स्थगित करण्याचा मोठा निर्णय घेतला आहे. सध्या, बीसीसीआय परदेशी खेळाडूंना सुरक्षितपणे त्यांच्या देशात कसे परत पाठवता येईल यावर विचार करत असल्याची माहिती मिळत आहे.

Web Title: Indo pak war ipl 2025 postponed indefinitely bccis big decision

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com