बुधवार, 21 ऑक्टोबर 2026
हार्दिक पंड्या - कृणाल पांड्यामध्ये क्लॅश? (फोटो सौजन्य - X.com)
हार्दिक आणि कृणाल पांड्या या पांड्या बंधूंमध्ये वाढत्या मतभेदांच्या वृत्तांनी सध्या सोशल मीडियावर चर्चा सुरू आहे. सामन्यादरम्यान चित्रित झालेल्या काही दृश्यांमुळे, दोन्ही भावांमधील प्रेम खरोखरच संपले आहे का, असा प्रश्न चाहत्यांना पडला आहे. यावेळी दोन्ही भाऊ मैदानावर एकमेकांशी बोलतानाही दिसले नाहीत आणि इतकंच नाही तर कृणाल पांड्याने केलेल्या सेलिब्रेशनमुळे आता चाहत्यांना दोघांच्याही नात्यात नक्कीच दुरावा आला आहे हे क्लिअर झाल्याचे दिसून येत आहे.
हार्दिक आणि कृणाल यांच्यात मतभेद आहेत का?
MI vs RCB सामन्यातील सर्वात धक्कादायक क्षण तेव्हा आला, जेव्हा हार्दिक पांड्याची विकेट पडली. जो कृणाल सहसा आपल्या भावाच्या यशाचा जल्लोष करतो, तो हार्दिक बाद झाल्यानंतर आनंदाने उड्या मारताना आणि आक्रमकपणे जल्लोष करताना दिसला. इतकेच नाही, तर संपूर्ण सामन्यादरम्यान दोन्ही भाऊ मैदानावर शांत राहिले आणि एकमेकांकडे पाहणेही टाळताना दिसले. या मैदानातील तणावामुळे, गेल्या काही दिवसांपासून त्यांच्यात मतभेद असल्याच्या ज्या अफवा पसरत होत्या, त्याला दुजोरा मिळाला आहे.
हार्दिक बाद झाल्यावर कृणालचा जल्लोष
Not all seems well between Hardik Pandya and Krunal Pandya Krunal Pandya was cheering on Hardik’s wicket. Maybe he knows his not so little brother is wrong in many ways.
pic.twitter.com/fDGquVkXYj — Vidhi (@vidhisharmx) April 12, 2026
वानखेडे स्टेडियममधील खरा थरार तेव्हा सुरू झाला, जेव्हा हार्दिक पांड्याची विकेट पडली. बाद झाल्यानंतर हार्दिक पॅव्हेलियनकडे जात असताना, कॅमेऱ्यांनी कृणाल पांड्याची प्रतिक्रिया टिपली, ज्यामुळे सर्वजण थक्क झाले. कृणालने मैदानावर आनंदाने उड्या मारत आक्रमकपणे जल्लोष केला. आपल्या भावाच्या बाद होण्याने दुःखी असण्याऐवजी, त्याच्या चेहऱ्यावर एक विचित्र आक्रमकता दिसत होती, ज्यामुळे सोशल मीडियावर खळबळ उडाली आहे.
या दोन खेळाडूंमध्ये काही मतभेद आहेत का?
तज्ज्ञांच्या मते, हार्दिक आणि नताशाच्या घटस्फोटानंतर त्यांच्या कौटुंबिक नात्यात बदल होऊ लागला. अलीकडे, कृणाल आणि त्याची पत्नी नताशासोबत वेळ घालवताना दिसत आहेत, तर हार्दिक अनेकदा सार्वजनिक कार्यक्रमांमध्ये माहिकासोबत दिसला आहे. हार्दिकने दोन ऐतिहासिक आयसीसी ट्रॉफी जिंकल्यानंतरही, सतत पाठिंबा असूनही, कृणाल किंवा त्याच्या पत्नीकडून सोशल मीडियावर कोणताही अभिनंदनाचा संदेश आला नाही.
कृणाल अथवा त्याच्या पत्नीने हार्दिक आणि माहिकाला कोणताही पाठिंबाही दर्शवला नाही. याशिवाय वर्ल्ड कप जिंकल्यानंतरही कृणालने हार्दिकबाबत कोणतीही पोस्ट केली नाही. तेव्हापासूनच यांच्या नात्यात दरी आल्याची चर्चा सुरू झाली आणि आता या चर्चेला कृणालच्या सेलिब्रेशनमुळे नक्कीच दुजोरा मिळाला आहे.
