शनिवार, 26 सप्टेंबर 2026
One Day Series : क्रिकेट चाहत्यांनो; आपला कर्णधार रविवारी खेळणार, दुखातग्रस्त शुभमन गिलबाबत समोर आली मोठी माहिती, सौजन्य : एआयएनएस
भारत आणि वेस्ट इंडिज संघात 27 सप्टेंबर, 30 सप्टेंबर आणि 3 ऑक्टोबर रोजी 3 सामन्यांची वनडे मालिका पार पडणार आहे. त्यानंतर 6 ते 17 ऑक्टोबरच्या काळात पाच सामन्यांची टी-२० मालिका खेळवली जाईल. दरम्यान, शुक्रवारी सरावादरम्यान वेगवान गोलंदाज मोहम्मद सिराज (Mohmmad Siraj)चा उसळी घेणारा चेंडू गिलच्या उजव्या कोपऱ्याला लागून तो जायबंद झाला होता. त्यानंतर तब्बल 20 मिनिटापर्यंत मैदानातच त्याच्यावर उपचार चालले.
उपचारानंतर तो नेट्समध्ये थ्रोडाउन खेळण्यासाठी पुन्हा परतला. सामन्याआधीच्या पत्रकार परिषदेत कोटक पत्रकारांना म्हणाले की, मला वाटते की, तो ठीक असून खेळण्यास सज्ज आहे.
कोटक यांनी संघात वाढलेल्या प्रतिस्पर्धेबाबत भाष्य केले. सतत येणाऱ्या संघ निवडीबाबतच्या प्रश्नावर त्यांनी बोट ठेवला. यावेळी त्यांनी सलामी फलंदाज यशस्वी जयस्वालवरही चर्चा केली, जो सर्व फॉर्मेटमध्ये शानदार कामगिरी केल्यानंतरही नेहमीच संघाबाहेर बेंचवर बसलेला पाहण्यास मिळाला आहे.
गिल आणि रोहित शर्मा (Rohit Sharma) च्या उपस्थितीमुळे जयस्वालला जास्त वेळ संघाबाहेर रहावे लागते. कोटक म्हणाले की, मला वाटते की, संघात प्रतिस्पर्धा वाढली असून अनेक खेळाडूंची कामगिरी विश्वसनीय आहे. जयस्वालसोबतही असंच काहीसं घडत आहे. तसे असले तरी त्याच्या फलंदाजीतील कौशल्य, त्याचा सराव आणि मानसिक दृष्टीकोनाची आम्ही काळजी घेतो.
ते पुढे म्हणाले की, प्रशिक्षकही त्याच्याशी संवाद साधतात. परंतु समजा तुमच्या संघात तीन चांगले विकेटकीपर आहेत, तरी तुम्हाला त्यातील एकालाच खेळण्याची संधी घ्यावी लागते. असंच काहीसं सध्या त्याच्याबरोबर घडत असून हा खेळाचा भाग आहे.
कोटक यांनी अनुभवी अष्टपैलू रवींद्र जडेजाच्या व्हाइट बॉलमधील भूमिकेबाबतही भाष्य केले, कारण त्याचे वनडे संघात पुनरागमन झाले आहे, तर अक्षर पटेल एशियन गेम्स 2026 मुळे टी-२० संघात नाही आहे. ते म्हणाले की, मला वाटते की, निश्चितच तो संघात समाविष्ट होण्याचा प्रबळ दावेदार आहे. साउथ आफ्रिका मालिकेत जेव्हा अक्षरला ब्रेक देण्यात आलेला, तेव्हा जडेजाच खेळला होता.
जडेजा एक शानदार अष्टपैलू असल्याचे सांगत कोटक म्हणाले की, आपण त्याचे मागील रेकॉर्ड पाहू शकता. संघ कसा असेल आणि निवड समिती, कर्णधार आणि मुख्य प्रशिक्षक कोणत्याप्रकारे कॉम्बिनेशन निवडतात, ही वेगळी गोष्ट आहे. त्याच्यासाठी योग्य वेळ येईल, पण माझ्या मते, जडेजा जगातील सर्वात चांगल्या क्षेत्ररक्षकांपैकी एक आहे.
