गुरुवार, 29 ऑक्टोबर 2026
पुण्यात रंगणार आंतरराष्ट्रीय मॅरेथॉन (फोटो- सोशल मिडिया)
या ऐतिहासिक पर्वासाठी देशभरातून आतापर्यंत १० हजारांहून अधिक धावपटूंनी नोंदणी केली असून केनिया, इथिओपिया, टांझानिया यांसारख्या देशांतील १०० हून अधिक आंतरराष्ट्रीय धावपटू सहभागी होण्याची अपेक्षा आहे. स्पर्धेसाठी नोंदणीची अंतिम मुदत २० नोव्हेंबर २०२६ असून www.marathonpune.com या संकेतस्थळावर नोंदणी सुरू आहे.
Thane Marathon : ठाण्यात 1 नोव्हेंबरला ‘यंग इंडिया’ राज्यस्तरीय मॅरेथॉन
यंदाच्या पर्वासाठी ‘पर्यावरणीय शाश्वततेला पाठिंबा’ हा सामाजिक संदेश निश्चित करण्यात आला आहे. स्पर्धेचे संचालक म्हणून सुमंत वायकर, तांत्रिक संचालक म्हणून वसंत गोखले आणि संयुक्त संचालक म्हणून गुरबाज कौर व रोहन मोरे जबाबदारी सांभाळत आहेत. वैद्यकीय समितीचे माजी अध्यक्ष स्वर्गीय डॉ. राजेंद्र जगताप यांचा वारसा पुढे नेण्यासाठी डॉ. युवराज जगताप, डॉ. शिवशरण आणि डॉ. प्रियांक जवळे वैद्यकीय सेवांचे समन्वय करणार आहेत.
सर्व स्पर्धांचा प्रारंभ सारसबागेजवळील बाबूराव सणस क्रीडांगण येथून होईल. त्यामध्ये पूर्ण मॅरेथॉन (४२.१९५ किमी): पहाटे ३.०० वा, अर्धमॅरेथॉन (२१.०९७५ किमी): पहाटे ३.३० वा, १० किमी: सकाळी ६.३० वा, ५ किमी: सकाळी ७.३० वा, ३.५ किमी: सकाळी ७.४५ वा सुरू होईल.धावपटूंच्या सुरक्षिततेसाठी मार्गात काही किरकोळ बदल करण्यात आले असून सुधारित मार्ग नोव्हेंबरच्या मध्यावर जाहीर होईल. तसेच पूर्ण व अर्धमॅरेथॉन पूर्ण करणाऱ्यांना विशेष फिनिशर पदके दिली जातील. बिसलेरी (हायड्रेशन), पोकारि स्वेट (इलेक्ट्रोलाइट) आणि सुहाना ग्रुप (नाश्ता) यांचे सहकार्य लाभणार असून विविध महाविद्यालयांचे विद्यार्थी स्वयंसेवक म्हणून कार्यरत राहतील. पुण्याच्या क्रीडा परंपरेचा हा ४० वा उत्सव यशस्वी करण्याचे आवाहन आयोजन समितीचे अध्यक्ष अभय छाजेड यांनी केले आहे.
Ans: पुणे आंतरराष्ट्रीय मॅरेथॉन , ६ डिसेंबर २०२६ रोजी करण्यात येणार आहे,
Ans: आंतरराष्ट्रीय मॅरेथॉनसाठी आतापर्यंत १० हजारांहून अधिक धावपटूंनी नोंदणी केली आहे.
