गुरुवार, 29 ऑक्टोबर 2026
अरे देवा! सरकारी अधिकाऱ्याने चक्क मगरीच मासं खाल्लं, सोशल मीडियावरील व्हिडिओमुळे खळबळ!
Viral Video : मध्य प्रदेशातील उज्जैन महानगरपालिकेचे भवन अधिकारी राजकुमार राठौर हे थायलंडमधील खाद्यपदार्थाच्या व्हिडीओमुळे चर्चेत आले आहेत. सोशल मीडियावर व्हायरल झालेल्या या व्हिडीओमध्ये ते पत्नीसमवेत मगरीचे मांस चाखताना दिसत आहे. या व्हिडीओमुळे महापालिका प्रशासनाने त्यांच्या परदेश दौऱ्याबाबत चौकशी सुरू केली आहे.
राजकुमार राठौर हे उज्जैन महानगरपालिकेत भवन अधिकारी म्हणून कार्यरत आहेत. त्यांच्याकडे सध्या झोन क्रमांक १, २ आणि ३ ची जबाबदारी असल्याचे नमूद करण्यात आले आहे. महापालिका आयुक्त अभिलाष मिश्रा यांच्या माहितीनुसार, राठौर यांनी १९ ते २३ ऑक्टोबरदरम्यान रजा घेतली होती. मात्र, त्यांच्या रजेच्या अर्जात परदेशात जाणार असल्याचा उल्लेख नसल्याचे सांगण्यात आले आहे.
उज्जैन के एक सरकारी अफसर का वीडियो वायरल… थाली में जो था, देखकर चौंक जाएंगे! 😳 पत्नी के साथ विदेश… कैप्शन – “Trying crocodile for the first time in Thailand” 🐊 #ujjain #MadhyaPradesh
#viralvideo https://t.co/lOyiLFtUaN — Bharat Samvad (@Bharatsamvadtv) October 24, 2026
राठौर यांच्या पत्नीच्या सोशल मीडिया खात्यावरून शेअर करण्यात आलेला व्हिडीओ व्हायरल झाल्यानंतर या प्रकरणाला सुरुवात झाली. व्हिडीओच्या कॅप्शनमध्ये थायलंडमध्ये पहिल्यांदा मगरीचे मांस चाखत असल्याचा उल्लेख असल्याचे सांगितले जात आहे. या क्लिपमध्ये मृत मगरींची दृश्येही दिसत आहे. या व्हिडीओमुळे केवळ मगरीचे मांस खाण्याच्या मुद्द्यावरच नव्हे, तर सरकारी अधिकाऱ्याने परदेश दौऱ्यापूर्वी आवश्यक परवानगी घेतली होती का, यावरही प्रश्न उपस्थित झाले आहेत.
सरकारी सेवा नियमांनुसार, संबंधित कर्मचाऱ्यांना परदेश दौऱ्यापूर्वी सक्षम प्राधिकाऱ्याची परवानगी घेणे आवश्यक असू शकते. त्यामुळे राजकुमार राठौर यांनी आवश्यक परवानगी घेतली होती की नाही, याची तपासणी महापालिका प्रशासन करणार आहे.
आयुक्त अभिलाष मिश्रा यांनी प्रकरणाची चौकशी करण्यात येणार असल्याचे सांगितले आहे. तपासात नियमांचे उल्लंघन झाल्याचे सिद्ध झाल्यास विभागीय कारवाईचा विचार केला जाऊ शकतो. दरम्यान, उपलब्ध वृत्तानुसार, राजकुमार राठौर यांची बाजू अद्याप समोर आलेली नाही. त्यामुळे चौकशी पूर्ण होण्यापूर्वी त्यांच्यावरील आरोप सिद्ध झाले आहेत, असे म्हणता येणार नाही.
Ashok Saraf: कुर्ता-धोतर नेसून लॅम्बोर्गिनीमध्ये बसले अशोक सराफ; स्वप्नील जोशीची कमेंट चर्चेत
Ans: राजकुमार राठौर हे मध्य प्रदेशातील उज्जैन महानगरपालिकेत भवन अधिकारी असून, त्यांच्याकडे झोन क्रमांक १, २ आणि ३ ची जबाबदारी असल्याचे म्हटले आहे.
Ans: थायलंडमध्ये पत्नीसमवेत मगरीचे मांस चाखतानाचा कथित व्हिडीओ सोशल मीडियावर व्हायरल झाला. त्यानंतर त्यांच्या परदेश दौऱ्यासाठी आवश्यक परवानगी घेतली होती का, याबाबत महापालिकेने खुलासा मागवला.
Ans: महापालिका प्रशासन या प्रकरणाची चौकशी करणार आहे. नियमांचे उल्लंघन झाल्याचे आढळल्यास विभागीय कारवाईचा विचार केला जाऊ शकतो.
