Ind vs WI 2nd Test :  यशस्वी जयस्वालचा दिल्लीत बोलबाला! डॉन ब्रॅडमनसह ‘या’ भारतीय दिग्गजाच्या यादीत झाला  सामील 

भारत आणि वेस्ट इंडिज यांच्यात दोन सामन्यांच्या कसोटी मालिकेतील दुसऱ्या सामन्यात भारताचा सलामीवीर यशस्वी जयस्वालने शानदार शतक झळकवले. यासह त्याने डॉन ब्रॅडमनसह सचिन तेंडुलकर यांच्या यादीत सामील झाला.

Yashasvi Jaiswal sets a record in Delhi Test : भारत आणि वेस्ट इंडिज यांच्यात दोन सामन्यांच्या कसोटी मालिकेतील दूसरा आणि शेवटचा सामना खेळला जात आहे. दिल्लीतील अरुण जेटली स्टेडियमवर  खेळला जात असलेल्या सामन्यात शानदार फलंदाजी करणाऱ्या यशस्वी जयस्वालने दमदार शतक झळकवले आहे. या शतकासह त्याने एक मोठी कामगिरी देखील केली आहे.

यशस्वी जयस्वालने २४ वर्षांच्या वयाच्या आधी सात किंवा त्याहून अधिक कसोटी शतके झळकावणाऱ्या काही निवडक खेळाडूंच्या पंक्तीत स्थान मिळवले आहे. या यादीत पहिले नाव म्हणजे ऑस्ट्रेलियाचे माजी महान क्रिकेटपटू डॉन ब्रॅडमन यांचे आहे. ब्रॅडमन यांनी २४ वर्षांच्या वयाच्या आधी १२ शतके झळकवण्याची किमया साधली आहे. तसेच मास्टर ब्लास्टर म्हणून ओळखला जाणारा सचिन तेंडुलकर यादीत क्रीडा जगात दुसऱ्या क्रमांकावर विराजमान आहे. सचिनने २४ वर्षांच्या वयाच्या आधी ११ शतके ठोकली होती. तर गारफिल्ड सोबर्स नऊ शतकांसह तिसऱ्या क्रमांकावर आहे. या यादीत यशस्वीसह पाच इतर खेळाडू चौथ्या क्रमांकावर विराजमान आहेत. यामध्ये यशस्वी जयस्वाल, जावेद मियांदाद, ग्रॅमी स्मिथ, अ‍ॅलिस्टर कुक आणि केन विल्यमसन या खेळाडूंचा समावेश आहे. या पाचही खेळाडूंनी २४ वर्षापूर्वी प्रत्येकी सात शतके झळकवण्याची किमया केली आहे.

 

हेही वाचा : Ind vs WI : KL Rahul ची मोठी झेप! विराट-रोहित जोडीच्या खास यादीत सामील; WTC मध्ये केला ‘हा’ कारनामा

२४ वर्षापूर्वी सर्वाधिक कसोटी शतके झळकावणारे निवडक खेळाडू:

1. डॉन ब्रॅडमन (ऑस्ट्रेलिया) -१२
2. सचिन तेंडुलकर (भारत) – ११
3.  गारफिल्ड सोबर्स (वेस्ट इंडिज) – ९
4. जावेद मियांदाद (पाकिस्तान) – ७
5.  ग्रॅमी स्मिथ (दक्षिण आफ्रिका)-७
6. अ‍ॅलिस्टर कुक (इंग्लंड)- ७
7. केन विल्यमसन (न्यूझीलंड)-७
8. यशस्वी जयस्वाल (भारत)- ७

यशस्वी जयस्वाल  हा २३ व्या वर्षी सर्वाधिक कसोटी शतके झळकावणारा दुसरा फलंदाज आहे. शिवाय, भारतीय संघाकडून २३ व्या वर्षी सर्वाधिक कसोटी शतके झळकावणारा यशस्वी जयस्वाल हा दुसराच फलंदाज आहे. यामध्ये सचिन तेंडुलकर पहिल्या स्थानी आहे.  त्याने २३ व्या वर्षी ११ कसोटी क्रिकेटमध्ये सर्वाधिक कसोटी शतके झळकावली आहेत. जयस्वाल सात कसोटी शतकांसह दुसऱ्या क्रमांकावर विराजमान आहे, तर रवी शास्त्री आणि दिलीप वेंगसरकर प्रत्येकी पाच कसोटी शतकांसह तिसऱ्या क्रमांकावर  कायम आहेत.

२३ वर्षांच्या वयापर्यंत भारताकडून सर्वाधिक कसोटी शतके झळकवनारे खेळाडू

1. सचिन तेंडुलकर-११
2.  यशस्वी जयस्वाल – ७
3.  रवी शास्त्री – ५
4.  दिलीप वेंगसरकर – ५

हेही वाचा : IPL 2026 चे बिगुल वाजले! संघ कोणाला करणार रिटेन? वाचा सविस्तर