CSK Vs RR: सावधान! राजस्थानचे ‘हे’ ५ शिलेदार CSK साठी डोकेदुखी; वैभव सूर्यवंशी करणार गेम

Vaibhav Suryavanshi: चेन्नईचा संघ आज एम.एस.धोनीशिवाय मैदानात उतरणार आहे. आयपीएल 28 मार्चपासून सुरू झाले आहे. आज आयपीएलचा तिसरा सामना होणार आहे.

आज राजस्थान रॉयल्स विरुद्ध चेन्नई सुपर किंग्समध्ये सामना 
वैभव सूर्यवंशीकडे खिळल्या सर्वांच्या नजरा 
एम.एस धोनी आज खेळणार नसल्याने चिंता

Tata IPL 2026 CSK Vs RR Live: आज आसामच्या गुवाहाटीमध्ये राजस्थान रॉयल्स विरुद्ध चेन्नई सुपर किंग्स यांच्यात महामुकाबला होणार आहे. चेन्नईचा संघ आज एम.एस.धोनीशिवाय मैदानात उतरणार आहे. आयपीएल 28 मार्चपासून सुरू झाले आहे. आज आयपीएलचा तिसरा सामना होणार आहे. दरम्यान राजस्थानचे काही खेळाडू चेन्नईसाठी डोकेदुखी ठरू शकतात. तर हे खेळाडू नेमके कोणते आहेत, ते जाणून घेऊयात.

1. वैभव सूर्यवंशी: वैभव सूर्यवंशी आज चेन्नईच्या गोलंदाजांसाठी धोकादायक ठरू शकतो. पहिले 6 ओव्हर्स जे पॉवरप्लेचे असतात, त्यामध्ये वैभव सूर्यवंशीने फटकेबाजी केली तर राजस्थान रॉयल्स मोठी धावसंख्या उभारू शकते. मागील हंगामात वैभवने आपल्या फलंदाजीने प्रभावित केले आहे.

2. यशस्वी जयस्वाल: यशस्वी जयस्वालला वेगवान गोलंदाजीवर फलंदाजी करण्यास आवडते असे म्हटले जाते. चेन्नईच्या गोलंदाजांसाठी हा डावखुरा फलंदाज डोकेदुखी ठरण्याची शक्यता आहे. यशस्वीने चेन्नईविरुद्ध 266 धावा केल्या आहेत. यामध्ये त्याने तीन अर्धशतके लगावली आहेत.

3. शिमरोन हेटमायर: शिमरोन हेटमायर अत्यंत विस्फोटक फलंदाज आहे. आक्रमक फलंदाजीसाठी तो प्रसिद्ध आहे. नुकत्याच झालेल्या टी-20 वर्ल्ड कप स्पर्धेत त्याने चांगली खेळी केली होती. दरम्यान हा खेळाडू देखील चेन्नईच्या गोलंदाजांसाठी घातक ठरू शकतो.

4. रवींद्र जाडेजा: रवींद्र जाडेजा चेन्नई सुपर किंग्स गहेळी अनेक वर्षे खेळत आहे. मात्र यंदा तो राजस्थान रॉयल्सकडून खेळताना दिसणार आहे. आपल्या उत्तम गोलंदाजीच्या कौशल्यावर आणि आणि आक्रमक आणि संघाला आवश्यकता असेल तशी फलंदाजी करण्यासाठी तो ओळखला जातो. जाडेजाला चेन्नईच्या संघाची माहिती असल्याने तो आज चेन्नईसाठी घातक ठरण्याची शक्यता आहे.

MI vs KKR : पुन्हा एकदा Mumbai Indians मॅच फिक्सिंगच्या जाळ्यात! Toss च्या वेळी का फिरवला कॅमेरा? सोशल मिडियावर रंगली चर्चा

चेन्नई संघ एमएस धोनीशिवाय उतरणार मैदानात

धोनीसोबतच, सीएसकेला त्यांचा युवा स्फोटक फलंदाज, देवाल्ड ब्रेविस याच्याशिवाय खेळावे लागेल, जो बरगडीच्या दुखापतीमुळे सुरुवातीचे काही सामने खेळू शकणार नाही. या खेळाडूंच्या अनुपस्थितीमुळे सीएसकेसमोर एक मोठे आव्हान उभे राहू शकते. पाच वेळचा चॅम्पियन संघ राजस्थानविरुद्ध कोणता प्लेइंग इलेव्हन मैदानात उतरवू शकतो, हे आता आपल्याला कळले आहे. दुसरीकडे, राजस्थानचा संघ खूपच तरुण दिसतो, विशेषतः त्यांची फलंदाजीची फळी मजबूत आहे.

विजयाचा श्रीगणेशा! IPL मध्ये MI ने मोडला 14 वर्षांचा जुना ‘शाप’; KKR विरुद्ध हिटमॅनची वादळी खेळी

राजस्थान संघात वैभव सूर्यवंशी आणि यशस्वी जैस्वाल हे सलामीवीर आहेत, तसेच शिमरॉन हेटमायर, रियान पराग आणि दसुन शनाका यांसारखे खेळाडूही आहेत. खरे तर, दोन्ही संघांची फलंदाजी चांगली दिसत आहे, पण त्यांची गोलंदाजी थोडी कमकुवत वाटते. सामन्याचा निकाल गोलंदाजांच्या कामगिरीवर अवलंबून असेल. गोलंदाजी जेवढी चांगली, तेवढी विजयाची शक्यता जास्त.