Rohit-Rahul Practice Video: हिटमॅन पुन्हा मैदानात; केएल राहुलने रोहित शर्मासोबत केला सराव, BCCI ने शेअर केला VIDEO

ऑस्ट्रेलिया दौऱ्यापूर्वी भारतीय कर्णधार रोहित शर्मा आणि फलंदाज केएल राहुल यांनी कसून सराव सुरू केला आहे. बीसीसीआयने त्यांच्या सरावाचा व्हिडिओ शेअर केला असून, आगामी सामन्यांसाठी त्यांची तयारी पाहायला मिळत आहे.

• हिटमॅन पुन्हा मैदानात
• केएल राहुलने रोहित शर्मासोबत केला सराव
• BCCI ने शेअर केला VIDEO

Rohit Sharma Started Practice With KL Rahul: ऑस्ट्रेलिया दौऱ्यापूर्वी भारतीय वनडे संघाचा कर्णधार रोहित शर्मा (Rohit Sharma) याने जोरदार सराव सुरू केला आहे. त्याने बेंगळुरू येथील बीसीसीआयच्या सेंटर ऑफ एक्सलन्स (COE) येथे सराव करण्यास सुरुवात केली असून, या वेळी त्याच्यासोबत संघाचा प्रमुख फलंदाज केएल राहुल (KL Rahul) देखील होता. या दोन्ही खेळाडूंच्या सरावाचा व्हिडिओ बीसीसीआयने शेअर केला आहे.

आगामी मालिकांसाठी तयारी

केएल राहुलला ऑस्ट्रेलिया ‘ए’ विरुद्धच्या दुसऱ्या कसोटी सामन्यासाठी भारतीय ‘ए’ संघात स्थान देण्यात आले आहे. या सामन्यापूर्वी राहुल आपली लय परत मिळवण्यासाठी कसून मेहनत करत आहे. दुसरीकडे, व्यस्त क्रिकेट हंगामापूर्वी आपली तयारी पक्की करण्यासाठी रोहित शर्माही मैदानात उतरला आहे.

See more

As part of their preparation for the upcoming assignments, Rohit Sharma and KL Rahul trained at the BCCI Centre Of Excellence focusing on skills and strength training 💪

Both players simulated the different conditions on offer at the CoE during their stint 👍 👍@ImRo45 |… pic.twitter.com/Ho6YE2011v

— BCCI (@BCCI) September 21, 2025

बीसीसीआयने ‘एक्स’ (पूर्वीचे ट्विटर) वर व्हिडिओ पोस्ट करत म्हटले आहे की, आगामी स्पर्धांसाठी तयारी करण्यासाठी रोहित शर्मा आणि केएल राहुल यांनी बीसीसीआयच्या सेंटर ऑफ एक्सलन्समध्ये कौशल्य आणि ताकदीच्या प्रशिक्षणावर लक्ष केंद्रित केले आहे. या केंद्रावर उपलब्ध विविध परिस्थितींमध्ये दोन्ही खेळाडूंनी सराव केला.

Asia Cup नंतर टीम इंडिया वेस्ट इंडिजशी भिडणार! ‘या’ तारखेला होणार संघाची घोषणा? वाचा सविस्तर 

रोहित-राहुलचे आगामी वेळापत्रक

• केएल राहुल: राहुल २३ सप्टेंबरपासून लखनऊमधील इकाना स्टेडियमवर ऑस्ट्रेलिया ‘ए’ विरुद्ध दुसऱ्या कसोटी सामन्यात खेळणार आहे. इंग्लंडमधील कसोटी मालिकेतील ५३.२० च्या सरासरीने ५३२ धावा करणाऱ्या राहुलचा इंग्लंड दौऱ्यानंतरचा हा पहिलाच व्यावसायिक क्रिकेट सामना असेल. यानंतर वेस्ट इंडीजविरुद्धच्या कसोटी मालिकेत तो सलामीवीर म्हणूनही खेळू शकतो.
• रोहित शर्मा: रोहित शर्मा ऑस्ट्रेलियाविरुद्ध तीन वनडे सामन्यांच्या मालिकेत भारतीय संघाचा कर्णधार म्हणून खेळताना दिसेल. ही मालिका १९ ऑक्टोबरला पर्थ, २३ ऑक्टोबरला ॲडलेड आणि २५ ऑक्टोबरला सिडनी येथे होणार आहे. हा त्याचा शेवटचा ऑस्ट्रेलिया दौरा असू शकतो.