शनिवार, 31 ऑक्टोबर 2026
मायरा शेखला दुहेरी मुकुटाची संधी (फोटो- सोशल मिडिया)
ईएमएमटीसी टेनिस कॉम्प्लेक्स, छत्रपती संभाजीनगर येथे सुरू असलेल्या या स्पर्धेच्या मुख्य ड्रॉमध्ये मुलांच्या एकेरीच्या उपांत्य फेरीत चौथ्या मानांकित तेलंगणाच्या सुजई पोथुला याने तेराव्या मानांकित कर्नाटकच्या आदित्य कामतचा टायब्रेकमध्ये ७-६ (८), ६-२ असा पराभव करून अंतिम फेरी गाठली. दुसऱ्या मानांकित तेलंगणाच्या सत्या चिंतागुंता याने सातव्या मानांकित तामिळनाडूच्या जेगन सेंथिलचा ६-१, ६-१ असा सहज पराभव करत अंतिम फेरीत प्रवेश केला.
Table Tennis: टेबल टेनिसमध्ये युवा खेळाडूंचा जलवा! आरव, शरण्यासह पाच जणांची विजेतेपदाला गवसणी
मुलींच्या एकेरीच्या उपांत्य फेरीत अव्वल मानांकित उत्तर प्रदेशच्या सिद्धी पांडेने आपली विजयी मालिका कायम राखत कर्नाटकच्या शर्वी गहलोटचा ६-३, ६-१ असा पराभव करून अंतिम फेरीत धडक मारली. दुसरी मानांकित महाराष्ट्राची मायरा शेख हिने महाराष्ट्राच्याच नवव्या मानांकित रिशिता यादवचा २-६, ७-६ (७), ६-१ असा संघर्षपूर्ण पराभव करून अंतिम फेरीत स्थान मिळवले.
मुलींच्या दुहेरी गटात महाराष्ट्राच्या रिशिता यादव आणि मायरा शेख या तिसऱ्या मानांकित जोडीने अव्वल मानांकित हरियाणाच्या आराधना तेहलन आणि उत्तर प्रदेशच्या सिद्धी पांडे या जोडीचा ०-६, ५-७, ११-९ असा पराभव करून अंतिम फेरी गाठली. अन्य उपांत्य सामन्यात महाराष्ट्राच्या शौर्या पाटील आणि अस्मी पित्रे यांनी महाराष्ट्राच्या रायमा चव्हाण व कर्नाटकच्या शर्वी गहलोट यांचा ६-१, ६-२ असा पराभव केला.
Table Tennis: सुयोग पाटीलची जिद्द अन् दमदार खेळ! पिछाडीवरून मुसंडी मारत पटकावले राज्यस्तरीय विजेतेपद
टेबल टेनिसमध्ये युवा खेळाडूंचा जलवा
पुणे जिल्हा टेबल टेनिस संघटनेच्या वतीने आयोजित बालुफ ऑटोमेशन करंडक डॉ. सतीश ठिगळे मेमोरियल पाचव्या जिल्हा मानांकन टेबल टेनिस स्पर्धेत आरव बापट, शरण्या पटवर्धन, वरदान कोलते, शौनक सानपूरकर, संतोष वाक्राडकर यांनी आपापल्या प्रतिस्पर्धी खेळाडूंचा पराभव करून विजेतेपद संपादन केले. प्रभात रोड येथील सिम्बायोसिस स्कूल येथे पार पडलेल्या या स्पर्धेत ११ वर्षांखालील मुलांच्या गटात अंतिम फेरीत तिसऱ्या मानांकित आरव बापटने अव्वल मानांकित नमन अग्रवालचा १०-१२, ११-८, ११-५, १२-१० असा पराभव करून विजेतेपद पटकावले.
Ans: राष्ट्रीय टेनिस अजिंक्यपद स्पर्धा ईएमएमटीसी टेनिस कॉम्प्लेक्स, छत्रपती संभाजीनगर येथे सुरू आहे.
Ans: सिद्धी पांडेने कर्नाटकच्या शर्वी गहलोटचा ६-३, ६-१ असा पराभव केला.
