Saudi Arab मध्ये हल्ल्यानंतर फीफाने फीफा- ई -फायनल्स केले स्थगित, रियाधच्या इंटरनॅशनल विमानतळावर झाला होता मोठा हल्ला
फीफा आणि सौदी ई-स्पोर्ट्स फेडरेशनने (Saudi Arabia) फीफा-ई-फायनल्स 2026 ला सध्या स्थगित केले आहे. हा इव्हेंट 16 ते 25 ऑक्टोबरपर्यंत जेद्दामध्ये होणार होता. हा निर्णय नुकताच रियाधच्या इंटरनॅशनल विमानतळावर झालेल्या हल्ल्यानंतर घेण्यात आला आहे.
10 ऑक्टोबरला सौदी अरबची राजधानी रियाधमध्ये किंग खालिद इंटरनॅशनल एअरपोर्टला निशाणा साधत झालेल्या हल्ल्यात 12 जणांना आपला प्राण गमवावा लागला होता. यात 309 पेक्षा जास्त नागरिक जखमी झाले होते. रियाध विमानतळावरील हल्ल्याची येमेनमधील हूती बंडखोरांकडून जबाबदारी स्वीकार होती. हा मागील एक दशकातील सर्वात खतरनाक असा हल्ला समजला गेला.
इव्हेंटच्या आयोजकांनी एका वक्तव्यात सांगितले की, वाहतूक, निवास, साहित्याची व्यवस्था आणि इतर आयोजनांवर होणाऱ्या परिणामांचा आढावा घेतल्यानंतर हा निर्णय घेण्यात आला आहे. फीफा-ई-फायनल्सबाबत येत्या काही दिवसात लवकरच घोषणा करू.
आयोजकांच्या वक्तव्यात असेही सांगण्यात आले की, फीफाने सौदी अरब आणि सौदी ई स्पोर्ट्स फेडरेशनच्या फीफा-ई-फायनल्स 2026च्या तयारीसाठी करण्यात आलेले सहकार्य व सहयोग हे कौतुकास्पद आहे. सौदी अरबकडे मागील काही वर्षांतील यशस्वी आयोजनाचा अनुभव असून त्यांचे कार्य अफाट आहे.
रियाध विमानतळावरील जीवघेण्या हल्ल्यामुळे सौदी अरेबियातील सिक्स किंग्स स्लॅम टेनिस प्रदर्शन स्पर्धाही पुढे ढकलण्यात आली आहे. आयोजनातील लॉजिस्टिक अडचणींमुळे ही स्पर्धा आता 27 ते 30 डिसेंबर 2026 या कालावधीत होणार आहे.
याशिवाय, सौदी अरेबियातील रियाधवर झालेल्या क्षेपणास्त्र हल्ल्यांनंतर 2027 एएफसी आशियाई चषक फुटबॉल स्पर्धा एक वर्षासाठी पुढे ढकलली जाण्याची शक्यता व्यक्त केली जात आहे.
ही खंडीय स्पर्धा पुढील वर्षी 7 जानेवारीपासून रियाध, जेद्दाह आणि अल-खोबर या शहरांमध्ये सुरू होणार आहे.
लीगने एका निवेदनात म्हटले आहे की, सामन्यांदरम्यान खेळाडूंना आवश्यक असलेला किमान विश्रांतीचा कालावधी लक्षात घेऊन लॉजिस्टिक कारणांमुळे सामन्यांच्या वेळापत्रकात बदल करण्यात आला आहे.
Ans: सौदी अरेबियातील सुरक्षेची परिस्थिती आणि वाहतूक, निवास तसेच इतर आयोजनांवर होणाऱ्या परिणामांचा विचार करून FIFA आणि सौदी ई-स्पोर्ट्स फेडरेशनने स्पर्धा स्थगित केली.
Ans: ही स्पर्धा सौदी अरेबियातील जेद्दाह येथे 16 ते 25 ऑक्टोबर 2026 या कालावधीत होणार होती. तिच्या नव्या तारखांबाबत अधिकृत घोषणा होणे बाकी आहे.
Ans: सिक्स किंग्स स्लॅम टेनिस प्रदर्शन स्पर्धा 27 ते 30 डिसेंबर 2026 या कालावधीत आयोजित करण्याचे नमूद करण्यात आले आहे. तसेच, 2027 एएफसी आशियाई चषक स्पर्धा पुढे ढकलली जाण्याची शक्यता व्यक्त केली जात आहे. मात्र, या दाव्यांची अधिकृत पुष्टी तपासणे आवश्यक आहे.
.png "Videos"){kind=small}
