King Kohli चा रेकॉर्ड धोक्यात! Shubman Gill रचणार WTC मध्ये इतिहास; अशी कामगिरी करणारा पहिला भारतीय कर्णधार ठरणार

shubman gill 3000 runs wtc ind vs sl: १५ ऑगस्टपासून सुरू होणाऱ्या श्रीलंकेविरुद्धच्या दोन सामन्यांच्या कसोटी मालिकेत शुभमन गिलकडे इतिहास रचण्याची संधी आहे. २०२५-२७ च्या जागतिक कसोटी चॅम्पियनशिपमध्ये तो अशी कामगिरी करणारा पहिला भारतीय कर्णधार ठरू शकतो.

• शुभमन गिलसमोर इतिहास घडवण्याची संधी
• असा विक्रम करणारा पहिला भारतीय कर्णधार
• गाठणार ३००० धावांचा टप्पा

भारत आणि श्रीलंका यांच्यात ९ वर्षानंतर दोन सामन्यांची कसोटी मालिका खेळली जाणार आहे. मालिकेतील पहिल्या सामन्याला १५ ऑगस्टपासून सुरुवात होईल. हा सामना गॉलमध्ये खेळला जाईल. तर, दुसऱ्या सामन्याला २३ ऑगस्टपासून सुरुवात होईल . या मालिकेत शुभमन गिलकडे तीन मोठे विक्रम मोडण्याची संधी आहे. तो सचिन तेंडुलकरलाही मागे टाकू शकतो. कर्णधार झाल्यापासून त्याने कसोटी क्रिकेटमध्ये उत्कृष्ट कामगिरी केली आहे.

‘जो खेलेगा वो खिलेगा!’ पंतप्रधान मोदींची CWG 2026 पदकविजेत्यांसोबत खास भेट; खेळाडूंच्या कामगिरीचं केलं कौतुक

१५६ धावा करताच गाठणार ३००० धावांचा टप्पा

श्रीलंकेविरुद्धच्या कसोटी मालिकेच जर या २६ वर्षीय खेळाडूने दोन्ही कसोटी सामन्यांमध्ये मिळून एकूण १५७ धावा केल्या, तर तो जागतिक कसोटी चॅम्पियनशिपमध्ये ३,००० धावांचा टप्पा गाठेल. गिलने आतापर्यंत ४० डब्ल्यूटीसी सामन्यांमध्ये २,८४३ धावा केल्या आहेत. ३,००० धावांचा टप्पा गाठण्यासाठी त्याला आणखी १५७ धावांची गरज आहे . गिल सध्या जागतिक कसोटी चॅम्पियनशिपमध्ये भारतीय फलंदाजांमध्ये सर्वाधिक धावा करणारा खेळाडू आहे.

डब्ल्यूटीसीमध्ये सर्वाधिक धावा करणारा भारतीय फलंदाज

• शुभमन गिल – २८४३ धावा
• ऋषभ पंत – २७८० धावा
• रोहित शर्मा – २७१६ धावा
• विराट कोहली – २६१७ धावा
• रवींद्र जडेजा – २६१० धावा
• यशस्वी जयस्वाल – २५११ धावा

WTC मध्ये १००० धावा पूर्ण करणारा कर्णधार

गिलकडे श्रीलंका दौऱ्यावर फक्त फलंदाज नव्हे तर कर्णधार म्हणूनही रेकॉर्ड करण्याची संधी आहे. या दौऱ्यावर त्याला कर्णधार म्हणून आणखी एक मोठा टप्पा गाठण्याची संधीही त्याला मिळाली आहे. सध्याच्या २०२५-२७ डब्ल्यूटीसी फेरीत, गिलने भारताचा कर्णधार म्हणून आठ सामन्यांमध्ये ९५० धावा केल्या आहेत. जर त्याने आणखी ५० धावा केल्या, तर तो एकाच डब्ल्यूटीसी फेरीत १,००० धावा करणारा चौथा भारतीय फलंदाज बनेल. गिल भारतीय कर्णधार म्हणून एकाच डब्ल्यूटीसी फेरीत सर्वाधिक धावा करण्याचा विक्रमही प्रस्थापित करू शकतो.

एकाच WTC फेरीत सर्वाधिक धावा करणारे भारतीय कर्णधार

• शुभमन गिल – ९५० धावा (२०२५-२७)
• विराट कोहली – ९३४ धावा (२०१९-२१)
• रोहित शर्मा – ८६४ धावा (२०२३-२५)
• विराट कोहली – ४१५ धावा (२०२१-२३)
• रोहित शर्मा – ३९० धावा (२०२१-२३)

आतापर्यंत केवळ तीन भारतीय फलंदाजांनी एकाच जागतिर कसोटी चॅम्पियनशिपच्या चक्रात १००० पेक्षा जास्त धावा केल्या आहेत. यशस्वी जयस्वालने २०२३-२५ च्या फेरीत १,७९८ धावा केल्या, तर अजिंक्य रहाणेने २०१९-२१ मध्ये १,१५९ आणि रोहित शर्माने त्याच फेरीत १,०९४ धावा केल्या. गिलनेही २०२३-२५ च्या फेरीत ९७२ धावा केल्या होत्या. आता, चालू चक्रात ९५० धावा करून, त्याला पुन्हा एकदा या विशेष क्लबमध्ये सामील होण्याची संधी आहे.

वेस्ट इंडिजचा ‘गेम ओव्हर’! 2027 World Cupची थेट पात्रता हुकली; सलग तिसऱ्यांदा भंगलं स्वप्न