Tri series women ind vs sa : तिरंगी क्रिकेट मालिकेत भारताचे अंतिम फेरीचे लक्ष, तर दक्षिण आफ्रिकेसाठी अस्तित्वाची लढाई.. 

आज बुधवारी दक्षिण आफ्रिकेविरुद्ध होणाऱ्या महिलांच्या तिरंगी एकदिवसीय मालिकेच्या अंतिम सामन्यात आपले स्थान निश्चित करण्यासाठी भारतीय महिला संघ सज्ज असणार आहे. तर साऊथ आफ्रिका आपली आशा जीवंत ठेवण्याचा प्रयत्न करणार आहे.

हरमनप्रीत कौर आणि लॉरा वोल्वार्ड्ट(फोटो-सोशल मिडिया)

Follow Us:

Follow Us:

india vs south africa today match : श्रीलंकेविरुद्धच्या मागील पराभवातून सावरण्यासाठी बुधवारी दक्षिण आफ्रिकेविरुद्ध होणाऱ्या महिलांच्या तिरंगी एकदिवसीय मालिकेच्या अंतिम सामन्यात आपले स्थान निश्चित करण्यासाठी भारतीय महिला उत्सुक असेल. आज हा सामना भारतीय वेळेनुसार सकाळी दहा वाजतापासून सुरू होणार आहे. रविवारी यजमान श्रीलंकेविरुद्धच्या पराभवाने हरमनप्रीत कौर आणि तिच्या संघाची आठ सामन्यांची विजयी मालिका संपुष्टात आली. जरी भारत त्यांच्या चांगल्या धावगतीमुळे अंतिम फेरीत पोहोचण्यासाठी अजूनही फेव्हरिट असला तरी, त्यांना त्यांचा पुढचा सामना जिंकून या टप्प्यावर पोहोचायचे आहे.

तीन सामन्यांत चार गुण मिळवून भारतीय संघ गुणतालिकेत  अव्वल स्थानावर आहे. ते दुसऱ्या स्थानावर असलेल्या श्रीलंकेपेक्षा पुढे आहेत, ज्यांचेही चार गुण आहेत पण त्यांचा निव्वळ धावगती ०.१६६ आहे. भारताचा नेट रन रेट ०.४३३ आहे. दक्षिण आफ्रिकेच्या संघाने अद्याप एकही सामना जिंकलेला नाही पण त्यांना अजूनही दोन सामने खेळायचे आहेत आणि जर त्यांनी ते जिंकले तर ते अंतिम फेरीतही पोहोचू शकतात. या मालिकेत भारताची फलंदाजी खूप सकारात्मक राहिली आहे.

हेही वाचा : IPL 2025 : ‘आनंदी राहता यावे म्हणून कर्णधारपद..’ : भारताच्या रनमशीन किंग कोहलीचा खळबळजनक खुलासा! वाचा सविस्तर…

सलामीवीर प्रतीका रावलने दोन अर्धशतकांसह १६३ धावा करून सर्वाधिक धावा करणाऱ्या खेळाडूंच्या यादीत अव्वल स्थान पटकावले आहे. इतर फलंदाजांनीही यात योगदान दिले आहे.  गोलंदाजांवर राहणार मोठी जबाबदारी पहिल्या दोन सामन्यांमध्ये गोलंदाजांनी भारताला विजय मिळवून दिला, परंतु श्रीलंकेविरुद्ध त्यांची कामगिरी चांगली नव्हती. या सामन्यात, अष्टपैलू काश्वी गौतम् फक्त पाच षटके टाकून मैदानाबाहेर गेली. पराभवानंतर कर्णधार हरमनप्रीत म्हणाली होती, गोलंदाजी हे एक असे क्षेत्र आहे जिथे आपल्याला सुधारणा करण्याची आवश्यकता आहे. दक्षिण आफ्रिकेचा विचार केला तर, त्यांचा संघ संघर्ष करत असल्याचे दिसून येते.

हेही वाचा : MI vs GT : मुंबई इंडीयन्सच्या संघाला गुजरातने 155 धावांवर गुंडाळल! GT च्या गोलंदाजांनी केली कमाल

त्यांनी गेल्या नऊ एकदिवसीय सामन्यांपैकी आठ गमावले आहेत, ज्यात या मालिकेतील दोन्ही सामने समाविष्ट आहेत. दक्षिण आफ्रिकेने पहिल्या सामन्यात भारताला कठीण आव्हान दिले होते पण पुढच्या सामन्यात त्यांना श्रीलंकेकडून दारुण पराभव पत्करावा लागला. त्यांनी फलंदाजी आणि गोलंदाजी दोन्ही विभागात खराब कामगिरी केली आहे. फलंदाजांना स्ट्राईक रोटेट करण्यात अडचण येत आहे. तर गोलंदाजांच्या लाईन आणि लेंथमध्ये शिस्त नाही, ज्यामुळे त्यांना दबाव निर्माण करणे किंवा विकेट घेणे कठीण झाले आहे.

Web Title: Tri series women ind vs sa india and south africa face off in the tri series cricket series today

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com