बॉलिवूड आणि भारतासाठी दमदार कामगिरी करणाऱ्या खेळाडूंनी राजकारणात प्रवेश केल्याची अनेक उदाहरणे आहेत. याच नावांमध्ये आता भारताची स्टार महिला क्रिकेटपटू मिताली राजचा देखील समावेश होण्याची शक्यता वर्तवली जात आहे. भारताची क्रिकेटपटू मिताली राज (Mitali Raj) हिने शनिवारी भाजप अध्यक्ष जेपी नड्डा (JP Nadda) यांची भेट घेतली.
त्यानंतर मिताली राज राजकारणात प्रवेश करणार का? अशा चर्चांना उधाण आलं आहे.
तेलगू राज्यात भाजप मजबूत पकड बनवण्याच्या तयारीत लागली आहे. याच पार्श्वभूमीवर भाजप तेलगू राज्यातील दिग्गजांना आपल्या पक्षात सामील करण्याचा प्रयत्न करत आहे. याच दरम्यान, मिताली राज आणि जेपी नड्डा यांच्या भेटीचा फोटो सोशल मीडियावर प्रचंड व्हायरल होताना दिसत आहे. या फोटोनंतर विविध चर्चांना सुरुवात झालीय. जेपी नड्डा यांच्यासोबतच्या भेटीनंतर मिताली राज राजकीय कारकिर्दीला सुरुवात करणार का? असा प्रश्न उपस्थित केला जात आहे. महत्वाचं म्हणजे, तेलगू राज्यात भाजप स्वत:ला मजबूत करण्याचा प्रयत्न करत आहे. भाजपनं मिताली राजला त्यांच्या पक्षात सामील करून घेतल्यास त्यांना मोठा फायदा होण्याची शक्यता आहे. मिताली राजची जगातील महान महिला क्रिकेटपटूंच्या यादीत गणना केली जाते.
आंतरराष्ट्रीय क्रिकेटला अलविदा :
मिताली राजनं नुकतीच आंतरराष्ट्रीय क्रिकेटमधून (Cricket) निवृत्ती घेतली आहे. मिताली राजने १९९९ मध्ये भारतीय संघाकडून आंतरराष्ट्रीय क्रिकेटमध्ये पदार्पण केलं होतं. मितालीनं तिच्या २३ वर्षांच्या कारकिर्दीत अनेक मोठ्या विक्रमाला गवसणी घातलीय. एकदिवसीय क्रिकेटमध्ये सर्वाधिक करणारी महिला क्रिकेटपटू आहे. तिची एकदिवसीय कारकिर्द मास्टर ब्लास्टर सचिन तेंडुलकर यांच्या पेक्षाही मोठी आहे.
.png "Videos"){kind=small}
