वर्ल्ड कपच्या गुणतालिकेत मोठा फेरबदल : वर्ल्ड कप २०२३ मध्ये आतापर्यंत १४ सामने खेळले गेले आहेत. सोमवारी लखनौच्या अटलबिहारी वाजपेयी स्टेडियमवर ऑस्ट्रेलिया आणि श्रीलंका यांच्यामध्ये सामना रंगला. या सामन्यात ऑस्ट्रेलियाच्या संघाने श्रीलंकेच्या संघाचा पराभव करत स्पर्धेतील पहिला विजय नोंदवला. ऑस्ट्रेलियाने प्रथम श्रीलंकेला २०९ धावांवर ऑलआउट केले, त्यानंतर संघाच्या फलंदाजांनी ५ विकेट्स राखून विजय मिळवला. या विजयानंतर गुणतालिकेत मोठा बदल झाला आहे.
श्रीलंकेविरुद्धच्या सामन्यापूर्वी ऑस्ट्रेलियन संघ सलग २ पराभवांसह गुणतालिकेत तळाला होता, मात्र श्रीलंकेविरुद्धच्या विजयानंतर संघाला गुणतालिकेत मोठा फायदा झाला आहे. संघ आठव्या स्थानावर पोहोचला आहे. संघाचे ३ सामन्यांत २ गुण आहेत. यासह आता नेदरलँडचा संघ पराभवानंतर तळाला आहे. त्याचबरोबर श्रीलंकेलाही आतापर्यंत खेळलेल्या ३ सामन्यांमध्ये विजयाचे खातेही उघडता आलेले नाही आणि तो नवव्या स्थानावर आहे. टीम इंडियाने ऑस्ट्रेलियाला पराभूत करून स्पर्धेत शानदार सुरुवात केली आणि सलग ३ सामने जिंकून विजयी मालिका सुरू ठेवली. भारतीय संघ ६ गुणांसह गुणतालिकेत अव्वल स्थानावर कायम आहे. संघाचा धावगती +१.८२१ आहे तर न्यूझीलंडचेही ६ गुण आहेत. पण रनरेटमुळे (+1.604) तो दुसऱ्या क्रमांकावर आहे. यानंतर दक्षिण आफ्रिकेचे क्रमांक आहेत आणि त्यानंतर पाकिस्तानचा संघ टॉप-४ मध्ये स्थान कायम राखत आहे. या दोन्ही संघांचे ४-४ गुण आहेत.
सध्याच्या परिस्थितीत या स्पर्धेत ४ संघ आहेत ज्यांनी आतापर्यंत खेळलेल्या 3 सामन्यांपैकी १ जिंकला आहे. या सर्व संघांचा २ गुणांसह गुणतालिकेत समावेश आहे. मात्र, रनरेटमुळे त्यांच्या स्थानांमध्ये तफावत आहे. इंग्लंड (-०.०८४) पाचव्या स्थानावर आहे. सहाव्या क्रमांकावर अफगाणिस्तानचा संघ आहे (-०.६५२). बांग्लादेश सातव्या स्थानावर (-०.६९९) आणि ऑस्ट्रेलिया आठव्या स्थानावर (-०.७३४) आहे. यंदाचा विश्वचषक राऊंड रॉबिन पद्धतीने खेळवला जात आहे. या अंतर्गत, साखळी सामने संपल्यानंतर, गुणतालिकेतील अव्वल-४ संघ थेट उपांत्य फेरीत प्रवेश करतील. जर एखाद्या संघाने १४ गुण मिळवले म्हणजे ७ सामने जिंकले तर तो उपांत्य फेरीसाठी पात्र ठरला आहे.
.png "Videos"){kind=small}
