Yashasvi Jaiswal: असिथा फर्नांडोसोबतच्या वादावर यशस्वीचा पलटवार; एका कमेंटने सोशल मिडिया हादरला, ‘जशास तसं उत्तर देऊ…’

yashasvi Jaiswal reacted on Asitha Fernando Heated Argument: कोलंबो कसोटीच्या पहिल्या दिवशी श्रीलंकेचा गोलंदाज असिथा फर्नांडोसोबत यशस्वी जैस्वालची बाचाबाची झाली होती. या घटनेमुळे यशस्वीवर मोठी टीका झाली. आता त्याने या प्रकरणावर मौन सोडले आहे.

• असिथासोबतच्या वादावर यशस्वीने सोडलं मौन
• टीकाकारांना दिलं सडेतोड उत्तर
• नेमकं प्रकरण काय?

कोलंबो येथे भारत आणि श्रीलंका यांच्यात खेळल्या जात असलेल्या दुसऱ्या कसोटी सामन्याच्या पहिल्याच दिवशी एक मोठा वाद निर्माण झाला. भारतीय स्टार सलामीवीर यशस्वी जैस्वाल आणि श्रीलंकेचा वेगवान गोलंदाज असिथा फर्नांडो यांच्यात जोरदार शाब्दिक बाचाबाची झाली. पहिल्या डावात यशस्वी ४५ धावांवर बाद झाला होता. आउट होऊन पॅव्हेलियनमध्ये जात असताना असिथाने त्याला काहीतरी म्हटले. यशस्वी त्याला प्रत्युत्तर देण्यासाठी मागे वळला आणि दोन्ही खेळाडूंमध्ये बाचाबाची झाली. यादरम्यान, यशस्वीचे डोके असिथाला धडकले. मात्र, इतर श्रीलंकन ​​खेळाडूंनी हस्तक्षेप करून परिस्थिती शांत केली. या घटनेमुळे यशस्वीवर जोरदार टीका झाली. अनेक दिग्गज आणि क्रिकेट तज्ज्ञांनी म्हटले आहे की, त्याने असे करायला नको होते. आता यशस्वीने स्वतः या वादावर मौन सोडले आहे.

क्रिकेटविश्वात खळबळ! ‘या’ स्टार गोलंदाजाला पोलिसांनी ठोकल्या बेड्या; नाइट क्लबबाहेर नेमकं काय घडलं? Video Viral

आसिथा फर्नांडोसोबतच्या वादावर यशस्वी काय म्हणाला?

क्रिकबझने त्यांच्या अधिकृत इंस्टाग्राम अकाउंटवर एक व्हिडिओ शेअर केला आहे, ज्यामध्ये माजी भारतीय क्रिकेटपटू आणि ज्येष्ठ कॉमेंटटेर हर्षा भोगले यांनी यशस्वी जैस्वाल आणि असिथा फर्नांडो यांच्यातील वादावर आपले मत व्यक्त केले आहे. हर्षा भोगले म्हणाले की, ‘मला यशस्वीला एवढंच सांगायचं आहे की, हो, कदाचित गोलंदाजाने जे काही बोललं ते बोलायला नको होतं, पण जसं वागता तसंच स्वीकारायला हवं. जैस्वालने तिथून निघून जायला हवं होतं. त्याच्यात खूप प्रतिभा आहे, पण मुळात तो थोडा लढवय्या आहे. त्याला स्लेजिंग करण्यात आली. पण हे कसोटी क्रिकेट आहे आणि इथे सुद्धा स्लेजिंग करतात. मला वाटलं की तो थोडा जास्तच जवळ गेले होता.’

व्हिडिओवर प्रतिक्रिया देताना यशस्वीने लिहिले, ‘यशस्वीने मर्यादा ओलांडली का?’ अशी कॅप्शन पोस्ट केली. हे वाचून यशस्वी जयस्वालने यावर प्रतिक्रिया दिली. ज्यामध्ये त्याने लिहिले की, ‘त्याने काय म्हटले हे तुम्हाला माहीत नसेल, तर कृपया कोणतेही मत तयार करु नका. जर कोण हद्द पार करत असेल, तर आपल्याला त्यांना सांगायला हवे की हा भारत आहे, जो लढेल आणि जशास तसे उत्तर देईल.’ ही पोस्ट आता सोशल मीडियावर व्हायरल होत आहे.

See more

नेमकं प्रकरण काय?

कोलंबो कसोटी सामन्याच्या पहिल्या दिवशी भारतीय डावाच्या १७ व्या षटकात ही घटना घडली, जेव्हा असिथा फर्नांडोने शेवटच्या चेंडूवर तीन चौकार देऊन यशस्वी जैस्वालला बाद केले. यशस्वी ३५ धावांवर बाद झाल्यानंतर पॅव्हेलियनकडे परतत होता. आपली विकेट मिळाल्याचा आनंद साजरा करत असलेल्या असिथाने त्याला काहीतरी म्हटले, ज्यामुळे दोन्ही खेळाडूंमध्ये झटापट झाली. या झटापटीदरम्यान, यशस्वीने आपले डोके फर्नांडोच्या कपाळाजवळ नेले. मात्र, इतर श्रीलंकन ​​खेळाडू आणि कर्णधार धनंजय डी सिल्वा यांनी हस्तक्षेप करून परिस्थिती शांत केली.

आयसीसीच्या कारवाई करणार ?

श्रीलंकेचे गोलंदाजी प्रशिक्षक, रायन व्हॅन नीकर्क यांनी एका पत्रकार परिषदेत सांगितले की, अशा घटनांची चौकशी करणे हे सामनाधिकारी अँडी पायक्रॉफ्ट यांचे काम आहे. ‘निर्णय घेण्याचे काम मी सामनाधिकारींवर सोपवतो.’ जर जैस्वाल दोषी आढळला, तर त्याला लेव्हल १ उल्लंघनाच्या कारवाईला सामोरे जावे लागू शकते, ज्यामध्ये अधिकृत चेतावणी आणि त्याच्या सामना शुल्काच्या ५० टक्क्यांपर्यंत दंड आणि एक किंवा दोन डिमेरिट पॉइंट्स दिला जाऊ शकतो.

IND vs SL: शुभमन गिलने WTC मध्ये उडवला ‘धुरळा’! अशी कामगिरी करणारा पहिला भारतीय कर्णधार