तुमचं बँक अकाऊंट धोक्यात! नवा Malware करत आहे पैशांची चोरी, असा केला जातोय पैशांचा कांड…

Coyote Malware: एक धोकादायक नवीन मालवेअर समोर आला आहे, ज्यामुळे तज्ज्ञांनी ऑनलाइन बँकिंग किंवा क्रिप्टोकरन्सी वापरणाऱ्या युजर्सना सावध राहण्याचा सल्ला दिला आहे. हा मालवेअर तुमची माहिती चोरत आहे.

तुम्हीही ऑनलाइन बँकिंग किंवा क्रिप्टोकरेंसीचा वापर करताय का? तर वेळीच सावध व्हा, अन्यथा तुमचं मोठं नुकसान होऊ शकतं. सध्या एक धोकादायक मालवेअरबाबत माहिती समोर आली आहे, जो तुमचे बँक डिटेल्स चोरून तुमच्या खात्यातून पैसे लंपास करत आहे. तुमचे बँकिंग आणि वॉलेट डिटेल्स चोरण्यासाठी विंडोजच्या फीचरचा वापर केला जात आहे. या धोकादायक मालवेअरचं नाव Coyote आहे. या मालवेअरबाबत सायबर सिक्योरिटी फर्म Akamai ने इशारा दिला आहे.

आता तुमचे Apple डिव्हाईस होणार अधिक सुरक्षित, कंपनी घेऊन येतेय AppleCare One सब्सक्रिप्शन! ‘या’ युजर्सना होणार फायदा

Coyote Malware कसं काम करतो?

Coyote नावाचे हे मालवेअर विंडोजच्या UI ऑटोमेशन फ्रेमवर्कचा वापर करते. हे फीचर सामान्यत: डिसेबिलिटी टूल्ससाठी डिझाईन करण्यात आलं होतं. मात्र आता या फीचरद्वारे मालवेअर तुमची ऑनलाइन बँकिंग किंवा क्रिप्टोकरेंसी माहिती चोरी करत आहेत? तुम्ही कोणत्या वेबसाइटला भेट देत आहात, विशेषतः तुमच्या बँकिंग पोर्टल साइट्स आणि क्रिप्टो एक्सचेंज साइट्स, या सगळ्यावर लक्ष ठेऊन Coyote तुमती माहिती चोरतो. (फोटो सौजन्य – Pinterest) 

कोणती माहिती चोरली जातेय?

• यूजरचं नाव
• कंप्यूटरचं नाव
• सिस्टमची संपूर्ण माहिती
• तुम्ही कोणत्या आर्थिक सेवा वापरत आहात

ही सर्व माहिती कमांड एंड कंट्रोल (C2) सर्वरला पाठवली जाते, जेथे साइबर क्रिमिनल्स ही संपूर्ण माहिती अगदी सहजपणे अ‍ॅक्सेस करू शकतात.

कोणत्या पद्धतींचा वापर केला जातो?

Coyote मालवेअर अतिशय चालाख आहे आणि हे तुमची माहिती चोरण्यासाठी वेगवेगळ्या पद्धतींचा वापर करतो.

• Key Logging- तुमची टायपिंग ट्रॅक केली जाते
• Phishing Overlay- खोट्या आणि फेक वेबसाईटद्वारे लोकांची दिशाभूल केली जाते
• Squirrel Installer- चुकीचे किंवा बनावट सॉफ्टवेअर इंस्टॉलर्स वापरून मालवेअर स्वत:ला लपवतो.
• Get Foreground Window API- अ‍ॅक्टिव विंडो ओळखते आणि तुम्ही बँकिंग साइटवर आहात की नाही हे ठरवते.

ब्राझीलवर मालवेअरचा निशाणा

सध्या या मालवेअरचे लक्ष ब्राझीलवर असल्याचं सांगितलं जात आहे. मात्र तज्ज्ञांचं मत आहे की, सायबर गुन्हेगारांची ही एक सामान्य रणनीती आहे. ते प्रथम एका देशात मालवेअरची चाचणी करतात आणि नंतर ते जगभरात वापरतात. ज्यामुळे जगभरातील लोकं या मालवेअरच्या जाळ्यात अडकतात. भारतातील मोठ्या संख्येने लोकं ऑनलाइन बँकिंग आणि डिजिटल वॉलेट्सचा वापर करतात. अशा परिस्थितीत Coyote भारतीयांसाठी एक मोठा धोका बनू शकतो.

Coyote मालवेअरपासून असं करा तुमचं रक्षण

• सॉफ्टवेयर आणि सिस्टम अपडेट ठेवा – प्रत्येक अपडेटसोबत एक सुरक्षा पॅच येतो. यूजर्सनी त्यांची ऑपरेटिंग सिस्टम आणि सॉफ्टवेअर नेहमीच लेटेस्ट वजर्नमध्ये अपडेट ठेवावे.

20 हजारांहून कमी किंमतीत मिळणार तगडे AI फीचर्स! iQOO च्या ढासू Smartphone ची धमाकेदार एंट्री, या दिवशी सुरु होणार विक्री

• एक चांगला अँटीवायरस इंस्टॉल करा – एक चांगला आणि अपडेटेड अँटीवायरस मालवेयर पडकण्यासाठी तुमची मदत करतो.
• अनोळखी लिंक आणि ईमेलपासून सावध राहा- जर एखाद्या संशयास्पद ईमेलमध्ये लिंक किंवा अटॅचमेंट असेल तर त्यावर क्लिक करू नका.
• बँकिंगसाठी Two-Factor Authentication ऑन करा – असे केल्याने तुमच्या बँक खात्याला अतिरिक्त सुरक्षा मिळेल आणि तुमची माहिती सुरक्षित राहील.