तुमच्या फोनमध्येही हे ॲप्स तर नाहीत? असतील तर ताबडतोब करा डिलीट अन्यथा होईल पश्चाताप

सध्या सायबर गुन्ह्याच्या घटना फार वाढल्या जातात. स्मार्टफोन यूजर्सच्या फोनमध्ये असे अनेक ॲप्स आहेत, जे पर्सनल माहिती चोरून हॅकर्सचे काम सोपे करतात. असे ॲप्स तात्काळ डिलीट करावेत.

Follow Us:

Follow Us:

ॲप्सशिवाय स्मार्टफोन वापरणे हे फीचर फोन वापरण्यासारखे असेल. तथापि, आपण जाणूनबुजून किंवा नकळत असे अनेक धोकादायक ॲप्स आपल्या स्मार्टफोनमध्ये इन्स्टॉल करत असतो, ज्यामुळे आपल्याला मोठे नुकसान सहन करावे लागते. अलीकडच्या काळात सायबर गुन्ह्यांच्या घटना अनेक पटींनी वाढल्या आहेत. सायबर गुन्हेगारांपर्यंत आपली पर्सनल माहिती पोहोचणे हे त्याचे प्रमुख कारण आहे. बऱ्याच ॲप्समध्ये मालवेअर असतात, जे तुमच्या स्मार्टफोनमधून तुमची पर्सनल माहिती आणि बँक डिटेल्स देखील चोरू शकतात.

नुकत्याच आलेल्या एका रिपोर्टनुसार, गुगल प्ले स्टोअरवरून अशी अनेक लोन ॲप्स काढून टाकण्यात आली आहेत. हे कर्ज ॲप लाखो युजर्सने जाणूनबुजून किंवा नकळत डाउनलोड केले होते. गुगल प्ले स्टोअरवर असलेले हे ॲप युजर्सची पर्सनल माहिती जसे की नाव, पत्ता, फोन नंबर आणि बँक डिटेल्स इत्यादी चोरत होते. याशिवाय अनेक फोटो एडिटिंग ॲप्समध्ये मालवेअरही आढळून आले आहेत, ज्याचा वापर करून हॅकर्स लोकांची फसवणूक करत होते.

तुमच्या घराच्या छतावर लावा Solar, सरकार देत आहे सबसिडी, ऑनलाईन करा अप्लाय

हे ॲप्स ताबडतोब डिलीट करा

तुम्ही तुमच्या फोनमध्ये थर्ड पार्टी ॲप्स इन्स्टॉल केले असतील तर ते लगेच डिलीट करा. थर्ड पार्टी ॲप्स Google Play Store च्या सुरक्षिततेला बायपास करतात, ज्यामुळे तुमची संवेदनशील माहिती हॅकर्सपर्यंत पोहोचू शकते. थर्ड पार्टी ॲप्स हे ॲप्स आहेत जे तुम्ही Google Play Store वरून डाउनलोड केलेले नाहीत. युजर्स ही ॲप्स कोणत्याही वेबसाइट, एपीके लिंक, व्हॉट्सॲप किंवा मेसेज लिंकवरून डाउनलोड करतात.

फोनमध्ये असे ॲप्स इन्स्टॉल करण्यासाठी अननोन सोर्स ॲप इन्स्टॉलेशनचे फीचर इनेबल करावे लागेल. बरेच युजर्स चुकून हे वैशिष्ट्य इनॅबल करतात जेणेकरून ते त्यांच्या आवडीचे ॲप फोनवर डाउनलोड करू शकतात. अशा परिस्थितीत फोनवरील एक प्रकारची ढाल तुटते आणि फोन हॅक होण्याचा धोका असतो.

सावध! Netflix च्या नावाने होत आहे मोठा घोटाळा, तुमची एक चूक पडू शकते महागात

अनेक कंपन्या तुमची पर्सनल माहिती जसे की आधार कार्ड, पॅन कार्ड, पत्ता इत्यादी तत्काळ कर्जाच्या नावाखाली घेतात. चुकूनही असे इन्स्टंट लोन ॲप्स तुमच्या फोनमध्ये इन्स्टॉल करू नका. अशा प्रकारे तुमची पर्सनल माहिती हॅकर्सच्या हाती पडू शकते. याशिवाय फोनवरील कोणत्याही ॲपला मायक्रोफोन, फोटो, फाइल्स, एसएमएस, लोकेशन, कॉल्स इत्यादीसाठी परवानगी देऊ नका. असे केल्याने, हे ॲप्स बॅकग्राउंडमध्येही तुमची पर्सनल माहिती चोरत राहतील आणि ती हॅकर्सला देत राहतील. अशा प्रकारे तुमची फसवणूक होऊ शकते.

Web Title: Delete these third party apps from your smartphone which can steal your data

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com