गुरुवार, 8 ऑक्टोबर 2026
Instagram चा गेम बदलणार! (फोटो सौजन्य- सोशलमीडिया)
तुम्हाला फिरायला जायचंय आणि तिकीट काढायचंय? किंवा हॉटेल, रेस्टॉरंट बुक करायचंय? किंवा एखाद्या कामाचा रिमाइंडर लावायचा आहे? किंवा महिन्याचा खर्च कुठे झाला याचा हिशोब ठेवायचा आहे? ही सगळी कामं आता तुम्ही MUSE ला सांगू शकता आणि तो चॅटमध्येच ती पूर्ण करून देईल.याच्या आधीचे AI चॅटबॉट chatbox फक्त माहिती द्यायचे.
तुम्ही प्रश्न विचारला की उत्तर द्यायचे आणि विषय संपला. पण MUSE तसा नाही. हा Action-Oriented एजंट आहे. म्हणजे काय, तर तुमचं काम काय आहे हे तो आधी समजून घेतो, मग त्यासाठी लागणारा पूर्ण प्लॅन बनवतो आणि तो प्लॅन पूर्ण करण्यासाठी तुम्हाला मदत पण करतो. फक्त सांगून थांबत नाही, तर करून पण दाखवतो.
जेव्हा तुम्ही इन्स्टाग्रामवर एखादी रील किंवा पोस्ट शेअर करायला जाता, तेव्हा खाली जे ऑप्शन्स येतात तिथेच आता MUSE चं नाव दिसेल. त्यावर क्लिक केलं की मेटाच्या MUSE अॅपची लिस्ट ओपन होते. तिथे MUSE ला तुमचा पर्सनल AI एजंट म्हणून दाखवलं जातं. पण एक गोष्ट लक्षात घ्या, हे फिचर अजून भारतामध्ये आलं नाही. फक्त ऑपश देण्यात आला मात्र मेन चॅटबॉक्स अजून आलं नाही. मेटा सध्या याची हळूहळू टेस्टिंग करत आहे. त्यामुळे सगळ्या युजर्सपर्यंत पोहोचायला थोडा वेळ लागेल.
MUSE ची खासियत म्हणजे तो छोटी-छोटी पण वेळ खाणारी कामं सोपी करतो. समजा तुम्हाला ट्रेन किंवा फ्लाईटचं तिकीट बुक करायचं आहे. MUSE तुम्हाला तिकिटाच्या किमतीवर लक्ष ठेवायला मदत करेल आणि योग्य वेळी बुकिंग करायला सांगेल. तुम्हाला ईमेलवर एखादा फॉर्म आला असेल आणि तो कसा भरायचा कळत नसेल, तर MUSE तो फॉर्म भरण्यासाठी पण मदत करतो. इतकंच नाही तर तो तुम्हाला रिमाइंडर पण लावून देतो, त्यामुळे तुमचं महत्त्वाचं काम राहून जाणार नाही.
MUSE फक्त तिकीट बुकिंगच नाही तर तुमच्या पैशाचं नियोजन पण करणार आहे. तुम्ही महिन्याला कुठे किती खर्च करता याचा तो आढावा घेऊन देईल. तुमचे अनावश्यक खर्च कुठे होत आहेत हे तो शोधून काढेल. उदाहरणार्थ, तुमचे जर दोन-तीन ठिकाणी सब्सक्रिप्शन चालू असतील आणि त्यातले काही तुम्ही वापरत नसाल, तर कोणतं बंद केलं तर पैसे वाचतील हे MUSE सांगेल. पण शेवटी पैसे खर्च करायचा किंवा पेमेंट करायचा निर्णय हा तुमचाच असणार आहे. MUSE फक्त तुम्हाला योग्य सल्ला देईल.एकंदरीतच, MUSE मुळे इन्स्टाग्राम हे फक्त फोटो-व्हिडिओ बघण्याचं अॅप न राहता तुमच्या रोजच्या कामात मदत करणारा एक स्मार्ट पार्टनर बनणार आहे.
