स्वस्त फोनच्या दुनियेत लावाचा नवा डाव! बजेट फ्रेंडली ग्राहकांसाठी आणला Lava Bold N4 Lite; फीचर्सची यादी पाहाच
कंपनीने त्यांचा नवीन स्मार्टफोन लावा बोल्ड एन4 लाइट 8,099 रुपयांच्या किंमतीत लाँच केला आहे. लाँच ऑफरअंतर्गत कंपनी हा स्मार्टफोन 7,999 रुपयांच्या किंमतीत खरेदी करण्याची संधी देणार आहे. मात्र या ऑफरचा फायदा घेण्यासाठी घाई करावी लागणार आहे. कारण ही ऑफर मर्यादित काळासाठी उपलब्ध असणार आहे. या स्मार्टफोनची विक्री ॲमेझॉन.इन वर 3 सप्टेंबर रोजी दुपारी 12 वाजल्यापासून सुरु होणार आहे. (फोटो सौजन्य: Amazon)
कंपनीने लाँच केलेल्या नवीन स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, यामध्ये 6.75 इंच एचडी+ एलसीडी डिस्प्ले देण्यात आला आहे. डिस्प्लेचे रेजॉल्यूशन 720×1600 पिक्सेल आहे. यासोबतच या डिव्हाईसमध्ये MIL-STD-810H मिलिट्री-ग्रेड ड्यूरेबिलिटी रेटिंग देखील मिळणार आहे. कंपनीने लाँच केलेला हा नवीन स्मार्टफोन एम्पायर गोल्ड आणि घोस्ट सिल्व्हर रंगांच्या पर्यायांत खरेदीसाठी उपलब्ध असणार आहे.
स्मार्टफोनचा परफॉर्मंस अधिक चांगला व्हावा यासाठी या स्मार्टफोनमध्ये ऑक्टा-कोर 28nm युनिसाॅक 9863A प्रोसेसर देण्यात आला आहे. या डिव्हाईसमध्ये पॉवरव्हीआर जीई 8322 जीपीयू दिला आहे. फोनमध्ये 3GB फिजिकल रॅम आहे, ज्याला वर्च्युअल रॅमच्या मदतीने एक्स्ट्रा 3GB पर्यंत वाढवली जाऊ शकते. या डिव्हाईसमध्ये 32GB इंटरनल स्टोरेज देखील देण्यात आले आहे, ज्याला मायक्रो एसडी कार्डद्वारे 64GB पर्यंत वाढवले जाऊ शकते.
फोटोग्राफीसाठी बजेट फ्रेंडली लावा स्मार्टफोनमध्ये 8MP चा सिंगल रियर कॅमेरा आणि एलईडी फ्लॅश मिळणार आहे. तर स्मार्टफोनच्या समोरील बाजूला सेल्फी आणि व्हिडीओ कॉलिंगसाठी 5MP चा फ्रंच कॅमेरा देण्यात आला आहे. सुरक्षेसाठी फोनमध्ये साइड-माउंटेड फिंगरप्रिंट सेंसर देखील देण्यात आला आहे.
तसेच, लावा बोल्ड एन4 लाइटमध्ये 10W चार्जिंग सपोर्टसह 5,000mAh बॅटरी दिली आहे. या डिव्हाईसमध्ये 3.5mm हेडफोन जॅक, एफएम रेडियो, यूएसबी टाइप-सी पोर्ट, डुअल 4G VoLTE, वाय-फाय 802.11 ac, ब्लूटूथ 4.2 आणि जीपीएस सारखे कनेक्टिविटी फीचर्स देखील दिले आहेत.
.png "Videos"){kind=small}
