मंगळवार, 3 नोव्हेंबर 2026
फोटो सौजन्य सोशल मिडिया
या एकत्रित प्रयत्नाच्या केंद्रस्थानी स्टुडिओचा प्रमुख प्रकल्प, प्रोजेक्ट टेकडाउन आहे. हा एक जास्त आर्थिक तरतूद असलेला, कथानक-प्रधान अॅक्शन-अॅडव्हेंचर गेम असून, तो उत्तर अमेरिका, युरोप, युनायटेड किंगडम आणि आंतरराष्ट्रीय बाजारपेठांमध्ये थेट जागतिक स्तरावर स्पर्धा करण्यासाठी तयार करण्यात आला आहे.
भारतातील डिजिटल मनोरंजनाने ऐतिहासिकदृष्ट्या मोबाईल प्लॅटफॉर्मवर लक्ष केंद्रित केले असले तरी, सह-संस्थापक जीत चंदन आणि विधित मेहता यांनी केवळ पीसी आणि कन्सोल इकोसिस्टमसाठी गेम तयार करण्यासाठी जाणीवपूर्वक आणि लवकर धोरणात्मक बदल केला आहे. जगभरातील मुख्य गेमर्सच्या कठोर अपेक्षा पूर्ण करणारे उच्च-दर्जाचे विश्व, सखोल गेमप्ले लूप्स आणि सिनेमॅटिक अनुभव एक भारतीय स्टुडिओ तयार करू शकतो, हे दाखवून देणे हे त्यांचे ध्येय आहे.
दिवाळीत ऑनलाईन शॉपिंग करताय? सावधान… या 5 सायबर फ्रॉडमुळे रिकामं होऊ शकतं तुमचं अकाऊंट
महेश बाबू, अभिनेते-सुपरस्टार म्हणाले,”इंटरअॅक्टिव्ह एंटरटेनमेंट हे एक असे क्षेत्र आहे जिथे कथानकाची खोली, अत्याधुनिक तंत्रज्ञान आणि जागतिक संस्कृती यांचा संगम होतो. भारतामध्ये विलक्षण सर्जनशील क्षमता आहे आणि आता अशी वेळ आली आहे की, येथूनच अशी मूळ पात्रे आणि सिनेमॅटिक विश्वे निर्माण केली जावीत, जी जगभरातील प्रेक्षकांच्या पसंतीस उतरतील.
जीत चंदन आणि विधीत मेहता यांची महत्त्वाकांक्षा आणि उच्च दर्जाचे पीसी व कन्सोल अनुभव निर्माण करण्याची त्यांची जिद्द, ज्यामुळे ते आंतरराष्ट्रीय स्टुडिओच्या मानकांशी बरोबरी करू शकतात, या गोष्टीनेच मला या कंपनीकडे आकर्षित केले. अशा स्पष्ट तांत्रिक रोडमॅपसह काम करणाऱ्या तरुण, दूरदृष्टी असलेल्या निर्मात्यांना पाठिंबा देणे अत्यंत प्रेरणादायी आहे. प्रोजेक्ट टेकडाउन ‘च्या माध्यमातून आमच्या सामायिक ध्येयाला पाठिंबा देण्यासाठी मी उत्सुक आहे.”
विधित मेहता, सह-संस्थापक आणि संचालक, शॉटगन गेम्स यांनी सांगितले,”आम्ही ‘शॉटगन गेम्स’ची स्थापना एका विशिष्ट उद्देशाने केली होती भारतही पीसी आणि आधुनिक कन्सोल साठी जागतिक दर्जाचे ‘इंटरअॅक्टिव्ह एंटरटेनमेंट’ विकसित करू शकतो, हे सिद्ध करणे. जीत आणि माझ्यासोबत महेश बाबू यांचे धोरणात्मक गुंतवणूकदार म्हणून सामील होणे, ही एक अत्यंत महत्त्वाची घटना आहे.
मोठ्या प्रमाणावरील कथाकथन, भावनिक गुंतवणूक आणि जनसामान्यांशी जोडले जाण्याची त्यांची उपजत समज आमच्या संपूर्ण दृष्टिकोनाला अधिक उंचीवर नेते, ज्यामुळे प्रोजेक्ट टेकडाउनला प्रत्यक्षात आणताना आम्हाला मोठी मदत होत आहे.”
